Okuvaayo 31:13 - Baibuli Ekibono kya Katonda 2014

¹³ “Koba abantu Abaisiraeli oti mukuzenga olunaku lwange olwa Sabbato, kuba n'akamanhiso ghagati ghange n'imwe, n'abaana baimwe, n'abaidhukulu ense n'ense olwo mughange okumanha nga nze Musengwa Katonda ninze mbatukuza.

Okuvaayo 31:13 ပူးပေါင်းရင်းမြစ်များ

Nehemia 9:14

Wabeegeresa okukuumanga olunaku lwo olwa Sabbato nga lutukuvu, waabagha ebiragiro byo n'amateeka go ng'obita mu mugheereza wo Musa.

Okuvaayo 31:12

Musengwa Katonda yaakoba Musa ati:

Okuvaayo 31:17

Era kaidha kubanga kamanhiso akatawaagho ghagati ghange n'Abaisiraeli boonaboona okubaidhusanga nze Musengwa Katonda bwe nakola eigulu n'ensi mu nnaku omukaaga, ku lwomusanvu ni ndekera agho okukola, ni mpuumula.”

Isaia 56:2

Ndigha enkabi abo abakuuma Sabbato buliidho ni batagyonoona, era naagha enkabi abo abeekuuma ni batakola bibi.”

Yeremia 17:22

Era batafulumyanga kintu kyonakyona mu ndhu dhaibwe ku lwa Sabbato, waire okukolanga omulimo gwonagwona ku lunaku olwo. Balukuumenga nga lutukuvu, nga bwe nalagira badhaadha baibwe.

Ezekieli 20:12

Era naabateeragho n'olunaku lwa Sabbato ng'akamanhiso ghagati ghange ni beene, okubaidhukizanga nti nze Musengwa Katonda mwene, ninze mbatukuza.

Ezekieli 20:20

Mukuzenga olunaku lwa Sabbato nga lutukuvu, lubenga akamanhiso ak'endagaano nze ye nakola n'imwe, era lubaidhukizenga nga nze Musengwa Katonda mwene, ninze Katonda waimwe.

Ezekieli 37:28

Bwe ndibataamu eisinzizo lyange ni libabaamu ebyanda n'ebyanda, olwo amaghanga galimanha nga nze Musengwa Katonda mwene, ninze nalonda Abaisiraeli babe abantu abange ku bwange.”

Ezekieli 44:24

Bwe ghanaabangagho enkaayana mu bantu, bakabona n'abanaalamulanga nga bajiira ku mateeka gange. Baidha kukuumanga embaga edh'ebibinuko byange bye nalagira, n'enaku dhange edha Sabbato entukuvu, nga bajiira ku mateeka gange n'ebiragiro byange.

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Abalevi 19:30

Mukuzenga olunaku lwa Sabbato, era mutenga ekitiisa mu kifo kyange Ekitukuvu. Ninze Musengwa Katonda.

Abalevi 20:8

Mugemenga amateeka gange era mugajiirengaku, kuba ninze Musengwa abafuula abatukuvu.

Abalevi 21:8

Kale munaamwawulanga yaaba wa Katonda, kuba agheereza eri Katonda waimwe ekigheebwayo eky'eby'okulya. Munaamubalanga nga mutukuvu, kuba nze Musengwa Katonda atukuza imwe, ndi mutukuvu.

Abalevi 23:3

“Enaku dhiri mukaaga edhinaakolerwangaku emirimo, aye olunaku olwomusanvu, lwa Sabbato, lunaku lwa kuwuumula. Ku lunaku olwo mutakolanga mulimo gwonagwona, aye mwesolozenga okunsinza. Olwa Sabbato lunaku lwa Musengwa Katonda yoonayoona ye munaabanga.

Abalevi 25:2

akobere Abaisiraeli ati: “Bwe mulituuka mu nsi ye nja okubagha, mutanga mu Musengwa Katonda ekitiisa nga muleka okulima ensi eyo buli mwaka ogwomusanvu.

Abalevi 26:2

Mukuzenga olunaku lwa Sabbato, era mutenga ekitiisa mu Kifo kyange Ekitukuvu. Ninze Musengwa Katonda.

Amosi 8:5

Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

Matayo 23:17

Muli basiru ate abatulu einho. Kiki ekisinga, zaabu oba eisinzizo eritukuza zaabu?

Yoanne 17:17

Batukuze n'amazima ekibono kyo n'amazima.

Yoanne 17:19

Nze neeghaayo ku lwaibwe, memale boona beegheeyo mu mazima.

Amateeka Agokubiri 5:12

“ ‘Mukuumenga olunaku lwa Sabbato nga lwange, nga nze Musengwa Katonda waimwe bwe nabalagira.

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.