Okuvaayo 30:6 - Baibuli Ekibono kya Katonda 2014

⁶ Alutaari eyo oidha kugita gha mberi agh'olutimbe oluli gha Sanduuku ey'Endagaano. Era agho gha mberi agh'ekisandikiza ekiri ku Sanduuku ey'Endagaano eyo, ghe nnaayagaanananga n'iwe.

Okuvaayo 30:6 ပူးပေါင်းရင်းမြစ်များ

1 Ebyomubyanda 23:13

Amuramu yaazaala Aaroni ni Musa. Aaroni yaayawulibwa n'ab'oku nda ye okulabiriranga ebintu ebitukuvu ebyanda n'ebyanda, okuniokezanga obubbaani mu maiso ga Musengwa Katonda n'okumugheerezanga, n'okusabiranga abantu enkabi mu liina lye.

1 Ebyomubyanda 28:11

Agho Daudi yaagha mutabane we Solomoni entegeka ey'enzimba y'eisinzizo nga bw'eja okuba: ekisasi kyaku, n'endhu dhaaku, n'amaterekero gaaku, n'ebisenge byaku ebya ghaigulu, n'ebisenge byaku eby'omunda, n'Ekifo Ekitukuvu Einho ekisoniyirwamu ebibi.

Okuvaayo 30:36

Era oidha kutoola ku obwo butonotono obusekule bukalamu, obumwage gha mberi w'Esanduuku ey'Endagaano mu Weema ey'Okwagaananirangamu ni Musengwa Katonda, ghe ndidha okukwagaana. Muli n'okutwala obubbaani obwo ng'ekintu ekitukuvu einho.

Okuvaayo 30:5

Agho obaadhireku emiti mu muti ogwetebwa akasia, ng'emiti egyo ogirimbiizaaku zaabu gyonagyona okugyezunguluza.

Okuvaayo 30:7

Ku alutaari okwo Aaroni kw'aidha okuniokezanga obubbaani obw'akawoowo buli ku nkyo ng'ajiire okutegeka entaala.

Okuvaayo 40:26

Yaata alutaari eyakolebwa mu zaabu mu Weema Entukuvu emberi w'olutimbe olwawula Ekifo Ekitukuvu Einho ku Kifo Ekitukuvu.

Okuvaayo 40:3

Mwidha kutaamu Esanduuku ey'Endagaano, era mugikingirize n'olutimbe olwawula Ekifo Ekitukuvu Einho ku Kifo Ekitukuvu.

Okuvaayo 40:5

Olwo mute alutaari eyakolebwa mu zaabu ey'okuniokezaaku obubbaani, mu maiso ag'Esanduuku ey'Endagaano, era muteegho ekikinzaagho ekyakolebwa okuba mu omulyango ogwingira mu Weema Entukuvu.

Abalevi 16:13

Agho anaatanga obubbaani ku muliro mu maiso ga Musengwa Katonda, omwosi ogw'obubbaani gwaghemba ekisandikiza eky'Esanduuku ey'Endagaano yaaloba kukibona, olwo alobe kufa.

Okubala 17:4

Oidha kutwala emiigo egyo mu Weema ey'Okwagaananirangamu ni Musengwa Katonda, ogite gha mberi w'Esanduuku ey'Endagaano ghe twagaananira n'iwe.

Matayo 27:51

Agho olusuubo olw'omu isinzizo lwakanukamu ghabiri, okuva ghaigulu okutuuka ghansi ensi yeesuukunda, embaale dhaayatika.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.