Okuvaayo 30:29 - Baibuli Ekibono kya Katonda 2014

²⁹ Otyo bw'oidha okutukuza ebintu ebyo byonabyona bibe nga bitukuvu inho, era ng'ekintu kyonakyona ekibyekontaku kifuuka kitukuvu.

Okuvaayo 30:29 ပူးပေါင်းရင်းမြစ်များ

Okuvaayo 29:37

Enaku omusanvu edho oidha kughangayo ekigheebwayo olw'ebibi okutukuza alutaari, olwo ebe ng'eidhwire obutukuvu ng'ekintu kyonakyona ekigyekontaku kifuuka kitukuvu.

Okuvaayo 30:28

ni alutaari ey'okwokeraku ebigheebwayo ebyokebwa n'ebikozesebwa byaku byonabyona, n'ekyogero ghalala n'ekityamo kyakyo.

Okuvaayo 30:30

Memale olwo osiige Aaroni ni batabane omuzigo obatukuze baghange okumpeereza nga bakabona.

Okuvaayo 40:10

Era mwidha kusiiga alutaari ey'okwokerangaku ebigheebwayo ebyokebwa n'ebikozesebwaku byonabyona mubitukuze n'omuzigo.

Abalevi 6:18

Mu byanda byonabyona ebiriidha, kiisi musaadha ku b'oku lulyo lwa Aaroni anaabanga wa idembe okukiryaku, ogwo nga n'omugabo gwaibwe ogw'olubeerera ku by'okulya ebigheebwayo eri Musengwa Katonda nga byokebwa omuliro. Kiisi anaakigemangaku, anaabanga mutukuvu.”

Abalevi 8:10

Agho Musa yaatoola omuzigo ogusiigiibwa, yagusiiga ku Weema ey'Okwagaananirangamu ni Musengwa Katonda, era ni ku bintu byonabyona ebigirimu, olwo yaabitukuza okubyawula bibe ebya Musengwa Katonda.

Abalevi 8:11

Yaatoola ku muzigo, yaagumansira emikuzi musanvu ku alutaari ni ku bintu byonabyona ebikozesebwa ku alutaari, ni ku benseni ni ku kityamo kyayo, yaabitukuza okubyawula bibe ebya Musengwa Katonda.

Okubala 7:1

Olunaku Musa lwe yamaliriza okusimba Weema ey'Okwagaananirangamu ni Musengwa Katonda, yagifukaku omuzigo yaagyawula okuba eya Musengwa Katonda aghalala n'ebintu byamu byonabyona. Era yaafuka ku alutaari omuzigo, yoona yaagyawula okuba eya Musengwa Katonda aghalala n'ebintu ebikozesebwaku byonabyona.

Matayo 23:17

Muli basiru ate abatulu einho. Kiki ekisinga, zaabu oba eisinzizo eritukuza zaabu?

Matayo 23:19

Abatulu imwe, kiki ekisinga, ekirabo oba alutaari etukuza ekirabo ekyo?