Okuvaayo 30:25 - Baibuli Ekibono kya Katonda 2014

²⁵ Obuwoowo obwo oidha kubutabula nga bwe batabula ebizigo eby'okwesiiga ofunemu omuzigo omutukuvu ogusiigibwa.

Okuvaayo 30:25 ပူးပေါင်းရင်းမြစ်များ

1 Bakyabazinga 1:39

Nga bali eyo, Zadoki kabona yaaja mu Weema ey'Okwagaananirangamu ni Musengwa Katonda, yaatoolayo eiyiga ery'ensolo lye baatangamu omuzigo, yaatoolamu omuzigo, yaagusiiga Solomoni. Olwo baafuuwa eigwala, era abantu boonaboona baakoba bati: “Ghangaala kyabazinga Solomoni.”

1 Ebyomubyanda 9:30

Aye abandi ku bakabona n'abaatabulanga obuwoowo.

Zabbuli 133:2

Kiri ng'oti n'omuzigo ogw'omughendo gwe baasiiga ku mutwe gwa Aaroni Omukulu wa Bakabona, ogwakuuluula okutuuka ku kirevu kye, era ni gutuukira irala ni ku kitogi ky'ekanzu ye.

Zabbuli 89:20

Ntoire omugheereza wange Daudi naamufuula kyabazinga, nga mmusiiga omuzigo gwange omutukuvu.

Okuvaayo 28:41

Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Okuvaayo 29:21

Agho oidha kutoola ku musaayi ogunaaba ku alutaari, ni ku muzigo ogusiigibwa, byombi obimansire ku Aaroni ni ku bivaalo bye, ni ku batabane ni ku bivaalo byaibwe. Olwo onaaba otukwiza Aaroni n'ebivaalo bye, ni batabane n'ebivaalo byaibwe.

Okuvaayo 29:7

Bw'omala oidha kuleeta omuzigo ogusiigibwa ogumufuke ku mutwe omutukuze.

Okuvaayo 30:24

ni kassiya azitogha kilo omukaaga. Ebyo byonabyona bipime ng'ojiira ku mbala ey'eisinzizo entongole. Era oteereku elita ina edh'omuzigo ogw'ebibala eby'emiti emyoliva.

Okuvaayo 30:32

Mutagusiiganga bantu buntu babuliidho, era mutatabulangayo gundi gugufaanana, kuba muzigo mutukuvu era muli na kugutwalanga nga mutukuvu.

Okuvaayo 30:35

Ebyo byonabyona oidha kubitabulira ghalala nga bwe batabula ebizigo eby'okwesiiga, ofunemu obubbaani obuwunha akawoowo. Omwo oidha kutaamu omuunhu era bube butukuvu.

Okuvaayo 35:15

Era tukozese bino: alutaari ey'okuniokezaaku obubbaani, n'emiti egy'okugibbeedesanga, n'omuzigo ogw'okusiiga, n'obubbaani obuwunha akawoowo, n'ekintu ekikinzaagho mu mulyango ogwingira mu Kifo Ekitukuvu Einho.

Okuvaayo 37:29

Era yaakola omuzigo ogusiigibwa omutukuvu, n'obubbaani obuwunha akawoowo obusinga bulungi, bweyatabula ng'oti ni bwe batabula ebizigo eby'okwesiiga.

Okuvaayo 40:9

“Agho mwidha kufuna omuzigo ogusiigibwa musiige ku Weema Entukuvu n'ebirimu byonabyona ebija okukozesebwanga, bibe bitukuvu.

Omulangirizi 10:1

Ng'ensowera enfu edhigwire mu by'obuwoowo bwe dhibireetera okuwunha ekivundu; n'ekikolwa eky'obusiru kityo bwe kimalagho amagezi n'ekitiibwa, ekikolwa ekyo ni bwekiba ekitono einho.

Abalevi 8:10

Agho Musa yaatoola omuzigo ogusiigiibwa, yagusiiga ku Weema ey'Okwagaananirangamu ni Musengwa Katonda, era ni ku bintu byonabyona ebigirimu, olwo yaabitukuza okubyawula bibe ebya Musengwa Katonda.

Abalevi 8:2

“Twala Aaroni ni batabane be, otwale n'ebivaalo, n'omuzigo ogusiigibwa, n'ente ey'ekigheebwayo olw'ebibi, n'entaama enume eibiri, n'ekiibo ekirimu emigaati egitazimbulukusiibwa.

Okubala 35:25

Era abantu abeesoloiza baidha kuwonianga oyo eyaita omuntu nga tagendereire, bamutoole mu ngalo dh'ole ali n'oluganda ku mufu ayenda okwesasuuza, bamwizeeyo mu kibuga omuntu mw'asobola kulumukira kye yali alumukiiremu. Olwo abenga eyo okutuusa Omukulu wa Bakabona aliku lw'anaafanga.

Abaheburayi 1:9

Ogonza obutuufu waakyagha obudheemu Katonda wo kyeyava akulonda era n'akugha okusangaalira mu kitiisa okusinga baino boonaboona.”