Okuvaayo 30:24 - Baibuli Ekibono kya Katonda 2014

²⁴ ni kassiya azitogha kilo omukaaga. Ebyo byonabyona bipime ng'ojiira ku mbala ey'eisinzizo entongole. Era oteereku elita ina edh'omuzigo ogw'ebibala eby'emiti emyoliva.

Okuvaayo 30:24 ပူးပေါင်းရင်းမြစ်များ

Zabbuli 45:8

Ebivaalo byo biwunha kawoowo ka mirra, alowe ni kassia. Entongooli n'endingidi dhivuga dhaakusanhusa mu bisaagaati ebidholige n'amasanka.

Okuvaayo 29:40

Bw'oghaayo entaama esooka, oghaayo ni kilo ey'engaano eseereibwa obukalamu ng'etabwirwamu lita ey'omuzigo omukenenule ogukamwirwa mu bibala eby'emiti emyoliva ebisekwirwa, waateeraku ni lita ey'omwenge ogw'emizabbibu ng'ekigheebwayo eky'ebyokunhwa.

Okuvaayo 30:23

“Funayo obuwoowo obusinga bulungi obw'ebika bino: mirra ow'amaadhi agheza obuzito bwa kilo mukaaga, ni sinnamoni awunha obulungi einho agheza obuzito bwa kilo isatu, ni keini awunha obulungi einho, yeena obuzito bwa kilo isatu,

Okuvaayo 30:25

Obuwoowo obwo oidha kubutabula nga bwe batabula ebizigo eby'okwesiiga ofunemu omuzigo omutukuvu ogusiigibwa.

Ezekieli 45:12

Ekipimo ekyetebwa shekeli kibenga nga kijaamu ekipimo ekyetebwa gera emikuzi amakumi abiri, ate shekeli enkaaga dhikolenga ekipimo ekyetebwa mina.

Abalevi 19:36

Mukozesenga minzaani entuufu nga n'ebipimo byonabyona bituufu. Ninze Musengwa Katonda waimwe, eyabatoola mu nsi Misiri.

Okubala 15:5

Era aidha kughangayo e lita ey'omwenge ogw'emizabbibu ng'ekigheebwayo eky'ebyokunhwa. Ekyo kye mwidha okutegekanga kijiirenga ghalala na buli kigheebwayo ekyokebwa oba omusengo ogw'entaama ento.

Okubala 3:47

Oidha kusoloza ebitundu bya feeza bitaanu, ng'ojiira ku mbala entongole ey'eisinzizo, osasulire buli mulala ku abo,