Okuvaayo 30:23 - Baibuli Ekibono kya Katonda 2014

²³ “Funayo obuwoowo obusinga bulungi obw'ebika bino: mirra ow'amaadhi agheza obuzito bwa kilo mukaaga, ni sinnamoni awunha obulungi einho agheza obuzito bwa kilo isatu, ni keini awunha obulungi einho, yeena obuzito bwa kilo isatu,

Okuvaayo 30:23 ပူးပေါင်းရင်းမြစ်များ

1 Bakyabazinga 1:39

Nga bali eyo, Zadoki kabona yaaja mu Weema ey'Okwagaananirangamu ni Musengwa Katonda, yaatoolayo eiyiga ery'ensolo lye baatangamu omuzigo, yaatoolamu omuzigo, yaagusiiga Solomoni. Olwo baafuuwa eigwala, era abantu boonaboona baakoba bati: “Ghangaala kyabazinga Solomoni.”

1 Ebyomubyanda 9:29

Abandi baabagemya ogw'okulabiriranga ebintu ebindi ebikozesebwa, n'okulabiriranga obuwunga obuseereibwa obukalamu, n'omwenge ogw'emizabbibu, n'omuzigo ogw'ebibala eby'emiti emyoliva, n'obubbaani, n'obuwoowo.

1 Ebyomubyanda 9:30

Aye abandi ku bakabona n'abaatabulanga obuwoowo.

Zabbuli 45:8

Ebivaalo byo biwunha kawoowo ka mirra, alowe ni kassia. Entongooli n'endingidi dhivuga dhaakusanhusa mu bisaagaati ebidholige n'amasanka.

Okuvaayo 25:6

n'amafuta ag'entaala, n'obuwoowo obutabulwa mu muzigo ogw'okusiiga, n'obuwoowo obw'okuniosa,

Okuvaayo 30:22

Musengwa Katonda yaakoba Musa ati:

Okuvaayo 30:24

ni kassiya azitogha kilo omukaaga. Ebyo byonabyona bipime ng'ojiira ku mbala ey'eisinzizo entongole. Era oteereku elita ina edh'omuzigo ogw'ebibala eby'emiti emyoliva.

Okuvaayo 31:11

n'omuzigo ogw'okusiiga, n'obubbaani obuwunha akawoowo obw'okuniokeza mu Kifo Ekitukuvu. Ebyo byonabyona biri na kukolebwa nga bwe nakulagira.”

Okuvaayo 35:28

Era baaleeta n'amafuta ag'entaala, n'obuwoowo obuteebwa mu muzigo ogw'okusiiga, era n'obuteebwa mu bubbaani okubuwunhisa akawoowo.

Okuvaayo 37:29

Era yaakola omuzigo ogusiigibwa omutukuvu, n'obubbaani obuwunha akawoowo obusinga bulungi, bweyatabula ng'oti ni bwe batabula ebizigo eby'okwesiiga.

Ensambo 7:17

Era naamansiraku obuwoowo obwakolebwa: mu mirra, ni mu alowe, ni mu kinnamoni.

Olwembo 1:13

Omugonzi wange ali ng'oti n'akasawo akalimu akawoowo ka mirra, ke nta mu mabeere gange.

Olwembo 1:3

Ebizigo bye weesiize biwunha kawoowo; eriina lyo irungi ng'oti n'ebizigo eby'akawoowo. Abaghala abaguna kyebava bakwegomba einho.

Olwembo 4:14

ni saffuroni, ni kalamu, ni kinnamoni, n'obubbaani obwa buli nsambo, ni mirra ni aloe, n'obuwoowo obundi bwonabwona obuwunha obulungi einho.

Isaia 43:24

Timwaghaayooku mpiiya kungulira bubbaani buwunha kawoowo, waire okundhigusa n'amasavu g'ensolo dhaimwe. Aye mu kifo ky'okukola ebyo, mwantwika bwa mugugu gwa bibi byaimwe, mwankooya n'ebyonoono byaimwe.

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Ezekieli 27:19

n'omwenge ogw'emizabbibu ogundi ogw'e Uzali. Era baakuleeteranga n'ekyuma ekigumu einho ekimesunkana, n'obuwoowo bwa kassia n'obwa kalamu, iwe waabafaanisangamu bye wasuubulanga.

Ezekieli 27:22

Abasuubuzi b'e Sheba n'ab'e Raama baakuleeteranga obuwoowo obusinga bulungi, ni zaabu, n'amabaale ag'omughendo, iwe waabaghangamu bye wasuubulanga.

Okubala 4:16

“Era Eleazari mutabane wa Aaroni kabona, n'anaalabiriranga Weema ey'Okwagaananirangamu ni Musengwa Katonda yoonayoona n'ebirimu byonabyona, bino: amafuta ag'entaala, obubbaani obuwunha akawoowo, ebigheebwayo eby'emere ey'empeke ebya buli lunaku, n'omuzigo ogusiigibwa. Era n'anaalabiriranga Weema eyo, n'ebigirimu byonabyona, n'ebintu ebikozesebwa mu Kifo Ekitukuvu.”

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.