Okuvaayo 30:13 - Baibuli Ekibono kya Katonda 2014

¹³ Buli muntu abalibwa aidha kughaayo ebitundu bya feeza ng'ajiira ku mbalirira entongole ey'omu isinzizo. Buli muntu anaabanga n'okughaayo ekigheebwayo ekyo eri nze Musengwa Katonda.

Okuvaayo 30:13 ပူးပေါင်းရင်းမြစ်များ

Amainhama 23:15

“Musengwa wulira kye nkoba. Eitaka erigula ebitundu bya feeza ebikumi ebina byonka (400), ni ki ghagati ghange n'iwe? Ziikamu omufu wo.”

2 Bakyabazinga 12:4

Agho Yoashi yaakoba bakabona ati: “Empiiya dhoonadhoona edhiva mu bintu ebigheebwayo ye Musengwa Katonda edhireetebwa mu isinzizo, edho nga n'empiiya kiisi muntu dh'agerekerwa okugha, era oteeku n'edho omuntu dh'aba nga yeeyamye mwene okugha,

2 Bakyabazinga 12:5

dhigemesebwenga bakabona, nga buli kabona agema edh'abantu b'akolamu. Olwo empiiya edho dhiidha kukozesebwanga okulongoosa eisinzizo buli lwe kinaabanga nga kyetaagisa.”

Okuvaayo 30:14

Buli muntu anaabanga ng'abaliibwa era ng'agheza emyaka amakumi abiri oba okusingagho, aidha kughangayo ekigheebwayo ekyo.

Okuvaayo 38:24

Zaabu yeenayeena eyakozesebwa mu kuzimba Weema entukuvu, nga n'oyo eyaleetebwa abantu mu byagheebwayo eri Musengwa Katonda, yagheramu kilo ng'oti lukumi (1,000) ng'ojiira ku mbala entongole ey'eisinzizo.

Okuvaayo 38:26

Buli muntu eyali agheza emyaka amakumi abiri egy'obukulu oba okusingagho eyabalibwa, yali n'okughaayo omughendo ogumusabibwa ng'ajiira ku mbala entongole ey'eisinzizo. Era abantu abo baali abantu emitwalo nkaaga n'enkumi isatu na bitaanu n'ataanu.

Ezekieli 45:12

Ekipimo ekyetebwa shekeli kibenga nga kijaamu ekipimo ekyetebwa gera emikuzi amakumi abiri, ate shekeli enkaaga dhikolenga ekipimo ekyetebwa mina.

Abalevi 27:25

“Emighendo gyonagyona ginaabalirwanga ku mbala entongole ey'omu isinzizo.

Abalevi 27:3

ogunaabalirirwanga ku mbala entongole ey'omu isinzizo: Bw'anaabanga omusaadha ow'emyaka okuva ku makumi abiri okutuuka ku nkaaga anaanunulwanga ebitundu amakumi ataanu (50) ebya feeza.

Abalevi 5:15

“Omuntu bw'anaakolanga ekibi nga tagendereire, olw'obutaghaayo ebitukuvu by'ateekwa okughaayo eri Musengwa Katonda, anaaleetanga eri Musengwa Katonda entaama enume, oba embuzi eziraku kikyamu kyonakyona ebe ekigheebwayo ng'omutango. Omughendo ogw'empiiya oguja mu nsolo eyo, gunaabalirirwanga mu mbala entongole ey'eisinzizo.

Okubala 18:16

Abaana banaanunulwanga nga ba mwezi mulala, era buli mwana aidha kusasulirwanga ebitundu bitaanu ebya feeza, ng'ojiira ku mbala entongole ey'eisinzizo.

Okubala 3:47

Oidha kusoloza ebitundu bya feeza bitaanu, ng'ojiira ku mbala entongole ey'eisinzizo, osasulire buli mulala ku abo,

Okubala 7:67

Ekigheebwayo kye kyalimu bino: Sowaani ndala nga yakolebwa mu feeza era ng'ezitogha kilo ndala na kitundu, bbakuli ndala eyakolebwa mu feeza, era ng'ezitogha guraamu lunaana, ng'ojiira ku mbala entongole ey'eisinzizo. Sowaani ni bbakuli ebyo yaabiidhuza emere eseereibwa obukalamu ng'etabwirwamu omuzigo. Ekyo nga n'ekigheebwayo eky'emere ey'empeke.

Okubala 7:86

Mu nsambo n'endala zaabu ye baaleeta yagheramu kilo namba ni guraamu ebikumi bisatu n'abiri (1.32), kuba ebintu ebibaamu obubbaani bye baaghaayo nga buli kirala kiidhwire obubbaani, byali ikumi na bibiri, nga buli kintu kizitogha guraamu kikumi na ikumi, ng'ojiira ku mbala entongole ey'eisinzizo.

Matayo 17:24

Agho baatuuka e Kaperinaumu. Abasoloza empooza ey'eisinzizo baaseeta ghe Petero baakoba bati: “Omwegeresa waimwe tagha mpooza ya isinzizo?”

Matayo 21:12

Agho Yesu yangira mu isinzizo lya Katonda, yaabingamu boonaboona abaali batundira n'abaali bagulira mu isinzizo. Yaafundika emeeza edh'abaali bafaana empiiya, n'ebityamo eby'abaali batunda enjiibwa.

Matayo 27:24

Pilato bwe yabona nga byonabyona bya bwereere, okudhagalala nga n'okuligho, yaatoola amaadhi yaanaaba mu ngalo mu maiso ag'eikuukuubira ng'akoba ati: “Nze nzira musango ku kuyugha omusaayi ogw'omuntu ono niimwe beene abalibona.”