Okuvaayo 30:1 - Baibuli Ekibono kya Katonda 2014

¹ Era Musengwa Katonda yaakoba Musa ati: “Oidha kukola alutaari mu mbaawo edh'omuti ogwetebwa akasia, nga ya kuniokezangaku bubbaani.

Okuvaayo 30:1 ပူးပေါင်းရင်းမြစ်များ

1 Bakyabazinga 6:20

Ekifo ekyo Ekitukuvu kyali mita mwenda mu buleeyi, mita mwenda mu bugazi, n'emita mwenda mu bugungumavu, era yaalimbya zaabu omukenenule munda mwakyo mwonamwona. Era yaakola alutaari mu mbaawo edh'emivule.

1 Bakyabazinga 6:22

Eisinzizo lyonalyona yaalirimbyaku zaabu okulibunia. Ni alutaari ey'omu Kifo Ekitukuvu yoona yaagirimbyaku zaabu.

1 Bakyabazinga 7:48

Solomoni yaakola mu zaabu omukenenule ebintu byonabyona eby'okukozesebwanga mu isinzizo, bino: alutaari ni meeza kwe bata emigaati egigheereibwayo eri Katonda,

1 Ebyomubyanda 28:18

n'obuzito bwa zaabu omukenenule ow'okukolamu alutaari ey'okuniokezangaku obubbaani, n'ow'okukolamu ekigaali eky'okutaaku ebitonde ebiri n'amaghagha ebyetebwa bikerubi, ebyandhuluza amaghagha gaabyo okughemba Esanduuku y'Endagaano ya Musengwa Katonda.

1 Ebyomubyanda 6:49

Aaroni ni baidhukulu be baagheerangayo ebigheebwayo ku alutaari edh'ebigheebwayo ebyokebwa, era baaniokezanga obubbaani ku alutaari edh'okuniokezaaku obubbaani. Baakolanga emirimo gyonagyona egy'omu Kifo Ekitukuvu Einho, era baasabiranga Abaisiraeli batoolebweku ebibi byaibwe, nga Musa omugheereza wa Katonda bwe yalagira.

2 Ebyomubyanda 26:16

Aye kyabazinga Uzzia bwe yafuuka ow'amaani atyo, yaidhamu okwekuluntaza era ekyo kyamuviiraku okugwa kuba yeetulinkiriza yaingira mu isinzizo lya Musengwa Katonda, yaaniokeza obubbaani ku alutaari eniokezebwaku obubbaani.

Okuvaayo 30:10

alutaari eyo eidha kutukuzibwanga omukuzi mulala buli mwaka, aghazira kulekera ense n'ense. Aaroni aidha kugitukuzanga ng'akozesa omusaayi oguva ku nsolo enaagheebwangayo olw'ebibi, yaaguta ku bintu ebiri ng'oti mayiga ga nsolo ebiri ku alutaari eyo. Alutaari eyo eidha kubanga ntukuvu inho era nga yange nze Musengwa Katonda.”

Okuvaayo 30:2

Ng'endhuyi dhaayo eina dhaagayaga obuleeyi sentimita amakumi ana na itaanu n'obugazi sentimita amakumi ana na itaanu. Obugungumavu eidha kuba sentimita kyenda. Oidha kukoleraku ebintu ebiri ng'oti mayiga ga nsolo ku nsonda dhaayo eina. Ebintu ebyo ebiri ng'oti mayiga, ni alutaari, biri n'okuba nga byegemye ghalala nga tibyawukaine.

Okuvaayo 31:8

emeeza n'ebikozesebwa byaku byonabyona, ekikondo eky'entaala nga kikolebwa mu zaabu omukenenule n'ebikozesebwa byaku byonabyona, alutaari ey'okuniokezaaku obubbaani,

Okuvaayo 35:15

Era tukozese bino: alutaari ey'okuniokezaaku obubbaani, n'emiti egy'okugibbeedesanga, n'omuzigo ogw'okusiiga, n'obubbaani obuwunha akawoowo, n'ekintu ekikinzaagho mu mulyango ogwingira mu Kifo Ekitukuvu Einho.

Okuvaayo 39:38

Era baamuleetera alutaari eyakolebwa mu zaabu, n'omuzigo ogusiigibwa, n'obubbaani obuwunha akawoowo, n'ekikinzaagho mu mulyango ogwingira mu Kifo Ekitukuvu Einho.

Okuvaayo 40:5

Olwo mute alutaari eyakolebwa mu zaabu ey'okuniokezaaku obubbaani, mu maiso ag'Esanduuku ey'Endagaano, era muteegho ekikinzaagho ekyakolebwa okuba mu omulyango ogwingira mu Weema Entukuvu.

Ezekieli 41:22

alutaari ya mbaawo. Kyali n'obugulumivu okuja ghaigulu nga bugheza mita isatu, era kyaba n'obuleeyi ghansi nga bwagayaga n'obugazi bwakyo, mita ndala ndala. Kyaliku ebikondo mu buli nsonda nga byonabyona bya muti, era nga mu mbali mwakyo mulimu mbaawo, ni ghansi waakyo woona ghaabaagho mbaawo. Omusaadha yankoba ati: “Eno n'emeeza eba mu maiso ga Musengwa Katonda.”

Abalevi 4:18

Agho aidha kutoolangaku omusaayi ogundi, yaagusiiga ku bintu ebiri ng'oti mayiga ga nsolo ebiri ku alutaari eri mu maiso ga Musengwa Katonda. Omusaayi gwonagwona ogusigairegho anaagufukanga ku ntobo y'alutaari eyokerwaku ebigheebwayo, eri ku mulyango gw'Eweema ey'Okwagaananirangamu ni Musengwa Katonda.

Abalevi 4:7

Agho aidha kutoolangaku omusaayi ogundi, yaagusiiga ku bintu ebiri ng'oti mayiga ga nsolo ebiri ku alutaari eniokezebwaku obubbaani obw'akawoowo mu maiso ga Musengwa Katonda, eri mu Weema ey'Okwagaananirangamu ni Musengwa Katonda. Omusaayi gwonagwona ogusigairegho anaagufukanga ku ntobo y'alutaari eyokerwaku ebigheebwayo, eri ku mulyango gw'Eweema ey'Okwagaananirangamu Musengwa Katonda.

Okubala 3:31

Omulimo gwaibwe gwali gwa kulabiriranga Esanduuku ey'Endagaano, emeeza, ekikondo eky'entaala, alutaari, n'ebintu byonabyona bakabona bye baakozesanga mu Kifo Ekitukuvu, era n'ekintu ekikinzaagho. Nga n'abalabirira emirimo egigemagana n'ebintu ebyo byonabyona.

Okubala 4:11

“Agho baidha kughembanga olugoye lwa bbululu ku alutaari eyakolebwa mu zaabu, era okwo baghembeku ekintu ekyakolebwa mu mawu g'embuzi, memale bagiteeku emiti gyayo egy'okugibbeedesa.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

Okwolekebwa 8:3

Ghaidhagho malaika owundi, yaayemerera gh'alutaari ng'ali n'ekiniokezebwaku obubbaani ekya zaabu, era yaagheebwa obubbaani kamaala abuyimbe n'okusaba kw'abatuukirivu ku alutaari eya zaabu eri gha mberi gh'ekityamo.