Okuvaayo 3:8 - Baibuli Ekibono kya Katonda 2014

⁸ era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okuvaayo 3:8 ပူးပေါင်းရင်းမြစ်များ

Amainhama 11:5

Agho Musengwa Katonda yaika ghansi okubona ekibuga n'omunaala abantu abo bye baali bazimbye,

Amainhama 11:7

Ka twike ghansi tutabuletabule olulimi lwaibwe, buli mulala alobe kutegeera wundi ky'akoba.”

Amainhama 15:13

Musengwa Katonda yaamukoba ati: “Baidhukulu bo balija mu nsi etali yaibwe, baaba eyo nga bairu, era baanhigirizibwa inho okumala emyaka bikumi bina.

Amainhama 15:14

Aye ndibonereza eighanga eryo eriribafuula abairu, era baliva mu ighanga eryo nga bafunie n'ebintu kamaala.

Amainhama 18:21

Ndidha kwikayo eyo mbone oba nga ebibi ebiboogerwaku bwene babikola oba busa, memale olwo mmanhe ekituufu.”

Amainhama 43:11

Agho Isiraeli iseibwe yaabakoba ati: “Oba nga kityo bwekiri, mukole muti: mutwale mu nsawo dhaimwe ebirabo bye munaagha omusaadha oyo. Mumutwalire ku bintu eby'omu nsi eno ebisinga kuba birungi: ku busando obw'akawoowo, ni ku mudheenene gw'endhuki, ni ku buwoowo obwetebwa balamu ni mirra, ni ku maido ag'omu itaka n'ag'oku miti.

Amainhama 46:4

Ndidha kuja n'iwe e Misiri, era ndiiza baidhukulu bo mu nsi eno. Era bw'olifa Yosefu aliba ng'aligho yaakuziika.”

Amainhama 50:24

Agho Yosefu yaakoba baganda be ati: “Ndi kumpi okufa, aye Katonda taliroba kubalabirira n'okubatoola mu nsi eno, okubatwala mu nsi gye yalayirira Aburahamu, ni Isaaka, ni Yakobo.”

1 Ebyomubyanda 1:15

n'Abahivi, n'Abaraki, n'Abasini,

Nehemia 9:8

Wamubona ng'omwoyo gwe mwesigwa y'oli, waakola naye endagaano. Waasuubiza okugha baidhukulu be, ensi ey'Abakanaani, n'Abahitti, n'Abamori, n'Abaperizzi, n'Abayebusi, n'Abagirigashi. Era waatuukiriza kye wasuubiza, kuba oli mutukuvu.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 12:6

Ebisuubizo bya Musengwa Katonda byesigika ng'oti ni feeza alongooseibwa, ng'abisibwa mu muliro emikuzi omusanvu.

Zabbuli 34:8

Mwidhe mubone Musengwa Katonda nga bw'ali omulungi! Ba nkabi abo abamwesiga!

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Okuvaayo 12:41

Era olunaku emyaka ebikumi ebina n'asatu (430) lwe gyawaayo giti, olukunkumuli olw'abantu ba Musengwa Katonda lwe baava mu Misiri.

Okuvaayo 12:51

Ku lunaku lwene olwo Musengwa Katonda yaatoola Abaisiraeli boonaboona mu Misiri.

Okuvaayo 13:5

Era Musengwa Katonda bw'alibatuusa mu nsi ey'Abakanaani, n'Abahitti, n'Abamori, n'Abahivi, n'Abayebusi, ensi ye yalayirira badhaadha baimwe ng'aja kugigha imwe, mukuzanga olunaku luno mu mwezi guno. Ensi eyo ngimu era erimu ebirungi kamaala.

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 34:11

Mugondere kye ndi kubalagira olwaleero, ndidha kubinga ye muja, Abamori, Abakanaani, Abahitti, Abaperizzi, Abahivi n'Abayebusi.

Okuvaayo 5:23

Kuba kasookanga ndidha kwogera ni kyabazinga mu liina lyo, kyabazinga oyo atuusiiza ku bantu bano obuzibu kamaala, aye iwe waaloba kubatoola mu buzibu obwo.”

Isaia 36:17

okutuusa lwe ndiidha ni mbatwala mu nsi eri ng'oti n'eyaimwe yeene, ensi erimu engaano ey'okufumbamu emigaati, n'amasamba ag'emizabbibu ag'okutoolangamu omwenge ogw'emizabbibu.’

Isaia 64:1

Wo Musengwa Katonda, ngoli ni oyabuluza eigulu lyaghembuka, waidha eno ghansi! Ensozi dhanditengeese mu maiso go,

Yeremia 11:5

Memale ntuukirizenga ekisuubizo kye nasuubiza badhaadha baibwe, nti ndibagha ensi engimu erimu ebirungi kamaala, era mwe bali buti.” Nze nairamu nti: “Wo Musengwa Katonda, ndidha kubakobera nga bw'okobye.”

Yeremia 2:7

Nabaleeta mu nsi erimu ebirungi kamaala, muwoomerwe ebibala byamu n'ebintu byamu ebirungi. Aye imwe bwe mwagituukamu, mwagyonoona bwonoone, omugabo nze gwe nabagha mwagufuula ekyenhinhalwa.

Yeremia 32:22

Waabagha ensi eno engimu era erimu ebirungi kamaala, nga bwe wasuubiza badhaadha baibwe.

Ezekieli 20:6

Era ku olwo nabasuubiza okubatoola mu nsi Misiri, mbatwale mu nsi ye nabategekera engimu era erimu ebirungi kamaala, esinga edhindi dhoonadhoona ekitiibwa.

Abalevi 20:24

Aye imwe nabasuubiza okubagha ensi eno engimu era erimu ebirungi kamaala, era ndigibagha yaaba yaimwe. Ninze Musengwa Katonda waimwe, eyabaawula ku maghanga agandi.

Amosi 2:10

Era ninze eyabatoola mu nsi Misiri, naababisa mu irungu okumala emyaka amakumi ana (40), naabaleeta mutwale ensi ey'Abamori abo ebe yaimwe.

Okubala 13:18

Mubone ensi eyo nga bw'eri, mubone oba abantu abagirimu ba maani oba banafu.

Okubala 13:19

Mubone oba erimu abantu kamaala oba batono, oba nsi nungi oba mbi, oba ebibuga byamu baabizimba na weema oba biriku ebimante ebigumu.

Okubala 13:27

Baakobera Musa bati: “Twatuuka mu nsi ye watutuma okukeeta, twabona nga ngimu era ng'erimu ebirungi kamaala, era bino n'ebibala byamu.

Yoanne 3:13

Ghazira yaali aniinieku mu igulu okutoolaku Omwana w'Omuntu eyaika okuva mu igulu.”

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Amateeka Agokubiri 1:25

Baanoga ku bibala byayo, baabireeta ye tuli. Baatukobera bati, ‘Ensi Musengwa Katonda waife y'ali kutugha, ngimu.’

Amateeka Agokubiri 1:7

Mpegaano mukole muje, mweyongere mu lugendo lwaimwe. Muje mu biketezo eby'oku nsozi eby'Abamori, ni mu biketezo byonabyona ebibiriiraine: mu kiiko kya Yorudani, ni mu biiko ebindi, ni mu nsozi, ni mu biketezo ebikalukalu eby'oku luuyi olw'omukono omusaadha olw'e buvandhuba, n'eby'oku Nhandha Eyaghagati. Muje mu nsi y'Abakanaani, ni mu nsozi edh'e Lebanoni, okutuukira irala ku mwiga omukologho Eufurate.

Amateeka Agokubiri 27:3

Olwo mwaghandiikaku ebibono byonabyona eby'amateeka gano nga mumaze okusomoka, ni mwingira mu nsi Musengwa Katonda, Katonda waimwe y'ali kubagha, engimu era erimu ebirungi kamaala, Musengwa Katonda wa badhaadha baimwe oyo ye yabasuubiza.

Amateeka Agokubiri 28:11

Era Musengwa Katonda aidha kubaghanga ebirungi kamaala, muzaale abaana, mube n'ebyayo bingi era mwaze ebirime mu itaka lyaimwe, mu nsi Musengwa Katonda ye yasuubiza badhaadha baimwe okubagha.

Amateeka Agokubiri 6:3

Imwe Abaisiraeli muwulire: mwegendereze okutuukirizanga ebyo, musobole okubanga obukalamu era mweyongerenga okuba abangi einho era ab'amaani, nga muli mu nsi eyo engimu era erimu ebirungi kamaala, nga Musengwa Katonda, Katonda wa badhaadha baimwe bweyasuubiza.

Amateeka Agokubiri 7:1

Musa yaakoba Abaisiraeli ati: “Musengwa Katonda waimwe aidha kubaingiza mu nsi ye muja okutwala okuba obutaka bwaimwe. Amaghanga musanvu agasinga eryaimwe obukologho n'amaani, buti n'agaba mu nsi eyo, era ni gano: Abahitti, Abagirigashi, Abamori, Abakanaani, Abaperizzi, Abahivi, n'Abayebusi. Aye bwe munaabanga nga muli kumpi okutuukayo, Musengwa Katonda waimwe oyo aidha kugabingangamu goonagoona.

Yoshua 5:6

kuba Abaisiraeli baatambulira emyaka amakumi ana mu irungu okutuusa abasaadha boonaboona abaava mu Misiri nga batuusiiza emyaka egibasobozesa okutabaala bwe baafa ni bawaagho. Ekyo kyaligho kuba baadheemera Musengwa Katonda. Kale Musengwa Katonda yaaloba kubaganha kubona ku nsi ye yali amaze okusuubiza okugha badhaadha baibwe ensi engimu era erimu ebirungi kamaala.

Yoshua 9:1

Bakyabazinga ab'e bugwandhuba obw'omwiga Yorudani baawulira ng'Abaisiraeli bwe baaghangula abazigu baibwe. Bakyabazinga abo, ni bano: ab'omu biketezo eby'ensozi, n'ab'omu biiko, n'ab'omu biketezo ebiri ku mbali okw'Enhandha Eyaghagati ng'oja e Lebanoni. Abantu abaali mu biketezo bino, ni bano: Abahitti, Abamori, Abakanaani, Abaperizzi, Abahivi, n'Abayebusi.

Yoshua 9:7

Aye Abaisiraeli baabakoba bati: “Tusobola tutya okukola n'imwe endagaano? Musobola okuba nga muva kumpi ghano.”