Okuvaayo 3:6 - Baibuli Ekibono kya Katonda 2014

⁶ Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Okuvaayo 3:6 ပူးပေါင်းရင်းမြစ်များ

Amainhama 12:1

Agho Musengwa Katonda yaakoba Aburamu ati: “Va mu nsi yo, oleke ab'ekika kyo n'ab'endhu ya lata wo, oje mu nsi ye naakulaga.

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 17:3

Aburamu yaakutama n'ekyeni kyatuuka ku itaka. Katonda yaamukoba ati:

Amainhama 24:12

Yaasaba ati: “Wo Musengwa Katonda, iwe Katonda wa musengwa wange Aburahamu, nkweghembye mpa enkabi olwaleero, era oyoleke musengwa wange Aburahamu nga bw'omugonza obutalekera.

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 28:13

Era okuja okubona, nga Musengwa Katonda ayemereire ghaigulu ghaago. Yaakoba ati: “Ninze Musengwa Katonda, Katonda wa dhaadha wo Aburahamu, era Katonda wa Isaaka. Ensi eno gy'olambaireku ndigikugha iwe ni baidhukulu bo.

Amainhama 28:17

Yaatya era yaakoba mule ati: “Ekifo kino nga kitiisa! Kiteekwa okuba nga n'endhu ya Katonda, era nga n'omulyango ogw'eigulu!”

Amainhama 31:42

Nguli Katonda wa lata wange, Katonda wa Aburahamu era Katonda wa Isaaka tiyali ku luuyi lwange, wandibaire mpegaano ng'ominze nga nzira kantu. Aye Katonda yabona nga bwe nadaazibwadaazibwanga era nga bwe nakolanga einho, kye yaviire n'akunenia obwire buno obwabise.”

Amainhama 32:9

Agho Yakobo yaasaba ati: “Wo Katonda wa dhaadha wange Aburahamu, era Katonda wa lata wange Isaaka, wulira okusaba kwange! Wo Musengwa Katonda, niiwe eyankoba oti, ‘Irayo mu nsi ey'ewaimwe ni y'aboluganda lwo, ndidha kukugha buli kintu okukujiiranga obukalamu.’ ”

1 Bakyabazinga 18:36

Ekiseera eky'okughaayo ekigheebwayo ekyeigulo bwe kyatuuka, Eliya omulanzi yaaseeta kumpi ni alutaari, yaakoba ati: “Wo Musengwa Katonda, Katonda wa Aburahamu, owa Isaaka, era owa Yakobo, olwaleero ka bakimanhe nga niiwe Katonda mu Isiraeli, era nga nze ndi mugheereza wo, era nga bino byonabyona mbikoze nga iwe omaze kundagira.

1 Bakyabazinga 19:13

Eliya bwe yawulira akamiro ako, yeeghemba mu maiso ekivaalo kye, yaafuluma mu mpuku, yaayemerera ku mulyango gwayo. Olwo yaawulira amamiro nga gamukoba gati: “Eliya oli kukola ki ghano?”

Nehemia 9:9

Wabona okudaazibwadaazibwa kwa badhaadha baife nga bali mu Misiri, era waabawulira bwe baakulirira nga bali ku Nhandha Emyufu.

Zabbuli 132:2

Wo Musengwa Katonda, idhukira ebyo Daudi oyo bye yasuubiza, ebyo bye yeeyama eri iwe Omukologho wa Yakobo.

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Okuvaayo 29:45

Era nnaabanga mu bantu bange Abaisiraeli, era nnaabanga Katonda waibwe.

Okuvaayo 3:16

Ja oyete abakulu ab'ebikunsu mu Isiraeli beesoloze ghalala obakobe oti, ‘Musengwa Katonda, Katonda wa badhaadha baimwe, Katonda wa Aburahamu, owa Isaaka era owa Yakobo yambonekera yankoba ati mbalingiriire, naabona bye babakola mu Misiri.

Okuvaayo 33:20

Aye toidha kumbona mu maiso, kuba omuntu tasobola kumbona mu maiso n'asigala nga mulamu.

Okuvaayo 4:5

Musengwa Katonda yaamukoba ati: “Otyo bw'olikola, baakakasa nti nze Musengwa Katonda, Katonda wa badhaadha baibwe, Katonda wa Aburahamu, Katonda wa Isaaka, era Katonda wa Yakobo, nakubonekera.”

Yeremia 24:7

Ndidha kubaleeteranga okuumanha nga ninze Musengwa Katonda. Olwo beene babenga bantu bange, ate nze mbenga Katonda waibwe, kuba baja kukyuka baire ye ndi n'omwoyo gwaibwe gwonagwona.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Yeremia 32:38

Baliba bantu bange, nze naaba Katonda waibwe.

Ezekieli 11:20

Baajiiranga ku mateeka gange era baagemanga bye nkoba. Olwo baabanga bantu bange, nze naabanga Katonda waibwe.

Zekaria 8:8

Ndibaiza mu Yerusalemu baabanga omwo. Baliba bantu bange, nze naaba Katonda waibwe omwesigwa era omutuufu.

Matayo 17:6

Abeegeresebwa olwawulira ekyo, baatya inho, era beeyala ghansi nga beefundiike.

Matayo 22:32

‘Ninze Katonda wa Aburahamu, Katonda wa Isaaka, Katonda wa Yakobo?’ Ti Katonda wa bafu aye Katonda wa balamu.”

Mariko 12:26

“Ate ebigema ku bafu okuzuukira, timusomangaku mu kitabo kya Musa, ku ebyo ebigema ku kisaka, nga Katonda bwe yamukoba ati, ‘Ninze Katonda wa Aburahamu, Katonda wa Isaaka, era Katonda wa Yakobo?’

Luka 20:37

Era ku by'abafu okuzuukira kiragibwa bukalamu mu kitabo kya Musa, mu bigema ku kisaka ebikoba biti, ‘Musengwa Katonda wa Aburahamu, Katonda wa Isaaka, Katonda wa Yakobo.’

Luka 5:8

Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”

Ebikolwa by'Abatume 7:32

‘Ninze Katonda wa badhaadha bo: Katonda wa Aburahamu, ni Isaaka, ni Yakobo.’ Aye Musa yaadhugumira era tiyakana kwekalirisa.

Ebikolwa by'Abatume 7:34

Mboine abantu bange abali mu Misiri bwe badaazibwadaazibwa, naawulira n'okulira kwaibwe, era ndidhie okubanunula. Mperaano idha, nkutume e Misiri.’

Amateeka Agokubiri 6:3

Imwe Abaisiraeli muwulire: mwegendereze okutuukirizanga ebyo, musobole okubanga obukalamu era mweyongerenga okuba abangi einho era ab'amaani, nga muli mu nsi eyo engimu era erimu ebirungi kamaala, nga Musengwa Katonda, Katonda wa badhaadha baimwe bweyasuubiza.

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

Abaheburayi 12:21

Bwenebwene ebyabonebwa byali bitiisa inho, ni Musa yaatuuka okukoba ati: “Ntiire inho naadhugumira.”

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Abalamuzi 13:22

Manoa yaakoba mukazi we ati: “Bwenebwene twidha kufa, kuba tuboine Katonda!”