Okuvaayo 3:5 - Baibuli Ekibono kya Katonda 2014

⁵ Katonda oyo yaamukoba ati: “Otayongera kuseeta. Toolamu engaito dho, kuba gh'oyemereire kifo kitukuvu.”

Okuvaayo 3:5 ပူးပေါင်းရင်းမြစ်များ

Okuvaayo 19:12

Era ja oteegho ensalosalo olusozi kwe lukanga, okobe abantu beegendereze obutaja ku lusozi waire okutuuka okumpi n'ensalosalo eyo. Oyo yeenayeena anaaniina ekigere ku lusozi olwo ali n'okwitibwa.

Okuvaayo 19:21

Yaamukoba ati: “Ika ghansi olabule abantu batatuuma nsalosalo kwidha kuneerolera, kuba bwe banaakikola, abantu kamaala ku abo baidha kufa.

Okuvaayo 4:28

Agho Musa yaakobera Aaroni ebibono byonabyona Musengwa Katonda bye yamutuma okumukobera, n'obumanhiso bwonabwona bwe yamulagira okukola.

Omulangirizi 5:1

Weegenderezenga inho ng'oli kuja mu isinzizo. Okujaayo n'owulirisa oyege, kisingaku okumala gaghaayo misengo ng'abasiru bwe bakola; kuba tibaidhi nga bali kukola kibi.

Yeremia 30:21

Mu ighanga lyaibwe lyene n'omuliva alibafuga; kyabazinga waibwe aliva mu beene. Ndimala kumweta memale yaaseeta ye ndi. Ghaligho akana n'aseeta ye ndi ku bubwe yenka? Nze Musengwa Katonda, ninze nkobye.”

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Ebikolwa by'Abatume 7:33

Musengwa yaamukoba ati, ‘Toolamu engaito mu bigere byo, kuba gh'oyemereire kifo kitukuvu.

Amateeka Agokubiri 23:14

Mukuumenga ekifo ghe munaasimbanga weema dhaimwe nga kirongoofu. Kuba Musengwa Katonda waimwe aidha kubanga ghalala n'imwe mu kifo ekyo ng'abakuuma, olwo abasobozesenga okughangula abazigu baimwe. Mweghalenga ekintu ekibi kyonakyona, ekighanga okumusungughaza n'abavaaku n'abalekulira agho.”

Abaheburayi 12:20

Kuba tibaasobola kugumira kiragiro ekyabagheebwa, ekikoba kiti: “Ni bw'eba ensolo obusolo, bw'esiinha ku lusozi olwo eteekwa kukubibwa mabaale efe.”

Yoshua 5:15

Ole aduumira eigye lya Musengwa Katonda yaakoba Yoshua ati: “Toolamu engaito, kuba ghano gh'oli, oli mu kifo kitukuvu.” Yoshua yaatoolamu engaito.

2 Petero 1:18

Twawulira eiroboozi eryo nga liva mu igulu kuba twali naye ku lusozi olutukuvu.