Okuvaayo 3:4 - Baibuli Ekibono kya Katonda 2014

⁴ Musengwa Katonda bweyabona nga Musa ali kuseeta, yaamwetera ghagati mu kisaka ekyo ati: “Musa, Musa.” Musa yaavugira ati: “Ndi ghano.”

Okuvaayo 3:4 ပူးပေါင်းရင်းမြစ်များ

Amainhama 22:1

Ebyo nga biwoire, Katonda yaaleba Aburahamu yaamweta ati: “Aburahamu!” Aburahamu yaavugira ati: “Ndi ghano.”

Amainhama 22:11

Aye malaika wa Musengwa Katonda ng'ali mu igulu yaamweta ati: “Aburahamu, Aburahamu!” Aburahamu yaavugira ati: “Ndi ghano!”

Amainhama 28:16

Yakobo yaazuuka mu ndoolo, yaakoba mule ati: “Bwenebwene Musengwa Katonda ali mu kifo kino! Aye nze mbaire tiidhi!”

Amainhama 46:2

Katonda yaayogera ni Isiraeli oyo, nga amubonekeire obwire, yaakoba ati: “Yakobo, Yakobo!” Yakobo yaavugira ati: “Ndi ghano!”

Zabbuli 62:11

Nkiwuliire emikuzi egisinga mu mulala nga Katonda akoba ati ni mwene buyinza,

Okuvaayo 19:3

Musa yaaniina ghaigulu ku lusozi okwogera ni Katonda. Agho Musengwa Katonda ng'ali ku lusozi yaamweta yaamukoba ati: “Ja okobere Abaisiraeli, baidhukulu ba Yakobo abo oti,

Okuvaayo 3:2

Ghano malaika wa Musengwa Katonda yaamubonekera mu lulimi olw'omuliro nga luva mu kisaka ghagati. Musa yaalingirira ekisaka nga kigemye omuliro aye nga tikiri kusiriira.

Okuvaayo 33:12

Musa yaakoba ati: “Wo Musengwa Katonda, wankoba okukulembera abantu bano, aye tiwankobera muntu y'oja kuntuma naye. Era wankoba oti ondidhi bukalamu, era oti osiima bye nkola.

Okuvaayo 4:5

Musengwa Katonda yaamukoba ati: “Otyo bw'olikola, baakakasa nti nze Musengwa Katonda, Katonda wa badhaadha baibwe, Katonda wa Aburahamu, Katonda wa Isaaka, era Katonda wa Yakobo, nakubonekera.”

Abalevi 1:1

Musengwa Katonda yayeta Musa, yaayogera naye mu Weema ey'Okwagaananirangamu ni Musengwa Katonda yaamukoba ati:

Ebikolwa by'Abatume 10:13

Yaawulira eiroboozi nga limukoba liti: “Petero, situka, oite, olye.”

Ebikolwa by'Abatume 10:3

Lwali lulala, esaawa ng'oti mwenda edh'omusana malaika wa Katonda yaamubonekera bukalamu era yaamweta ati: “Korunelio.”

Ebikolwa by'Abatume 9:4

Yaagwa ghansi era yaawulira eiroboozi nga limukoba liti: “Saulo, Saulo! Lwaki onkiriga?”

Amateeka Agokubiri 33:16

Ekiketezo kyaibwe kiidhulenga ebirungi ebya buli nsambo, n'enkabi dha Musengwa Katonda oyo eyayogera ng'ali mu kisaka ekiri kwaka omuliro. Enkabi edho dhijenga ku b'ekika kya Yosefu, kuba Yosefu n'eyali omukulembeze mu baganda be.

1 Samueli 3:10

Agho Musengwa Katonda yaidha yaayemerera agho, yaayeta nga bwe yakola ku mikuzi gire egindi, ati: “Samueli, Samueli.” Samueli yaamukoba ati: “Musengwa Katonda yogera, omwiru wo ali kuwulira.”

1 Samueli 3:4

Agho Musengwa Katonda yaayeta ati: “Samueli, Samueli!” Samueli yaavugira ati: “Wangi.”

1 Samueli 3:6

Kabiri Musengwa Katonda yaayeta ati: “Samueli.” Era Samueli yaasituka, yaaja ye Eli yaamukoba ati: “Ndi ghano ndidhie isebo, kuba ondhese.” Aye Eli yaamukoba ati: “Mwana wange, tikwese. Irayo olambaale.”

1 Samueli 3:8

Musengwa Katonda yaayeta Samueli kabiri omukuzi ogwokusatu. Era yaasituka yaaja ye Eli yaamukoba ati: “Ndi ghano ndidhie isebo kuba ondhese.” Olwo Eli yaakitegeera nga Musengwa Katonda n'eyali ali kweta omulenzi.