Okuvaayo 3:22 - Baibuli Ekibono kya Katonda 2014

²² Kiisi mukazi Muisiraeli alisaba muliraanwa we Omumisiri, na kiisi mukazi aliba ng'asula mu ndhu eyo, baamugha ebintu ebyakolebwa mu feeza, ni mu zaabu, era n'ebivaalo. Ebintu ebyo mulibitwika batabane baimwe ni baghala baimwe. Mu nsambo ng'oti n'eyo, mulitwala eby'obukombe eby'Abamisiri mu magezi.”

Okuvaayo 3:22 ပူးပေါင်းရင်းမြစ်များ

Amainhama 15:14

Aye ndibonereza eighanga eryo eriribafuula abairu, era baliva mu ighanga eryo nga bafunie n'ebintu kamaala.

Amainhama 24:53

Agho yaatoolayo ebintu ebyakolebwa mu feeza ni mu zaabu, yaatoolayo n'ebivaalo, yaabigha Rebekka. Era yaagha mwanhina Rebekka ni mukaire we ebirabo eby'omughendo einho.

Zabbuli 105:37

Agho yaatoola Abaisiraeli mu nsi omwo, baaja n'ebintu ebya feeza n'ebya zaabu, nga boonaboona balamu era nga ba maani.

Okuvaayo 11:2

Mpegaano ni, koba Abaisiraeli boonaboona oti, ‘Kiisi musaadha Omuisiraeli aje asabe omusaadha muliraanwa we Omumisiri, era kiisi mukazi Omuisiraeli asabe omukazi muliraanwa we Omumisiri ebintu ebyakolebwa mu feeza ni mu zaabu.’ ”

Ensambo 13:22

Omuntu omulungi aba n'obukombe bw'alekeraku n'abaidhukulu, aye obukombe obw'aboonooni bugheebwa abatuufu.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Ezekieli 39:10

Kale kiriba tikikaabeetaagisa kuja mu nsiko kugherera nku, waire okuja mu kibira okutemerera emiti kuba eby'okulwanisa ebyo n'ebiriba enku. Balinhagulula ebintu by'abazigu baibwe abo beene abaabanhagaku ebyaibwe, baabibatoolaku baabitwala ng'omunhago.” Musengwa Katonda n'akobye.