Okuvaayo 3:18 - Baibuli Ekibono kya Katonda 2014

¹⁸ Baidha kwikiriza ky'onaabakoba. Ng'olwo iwe n'abakulu ab'ebikunsu abo muja ye kyabazinga w'e Misiri nga mumukoba muti, ‘Musengwa Katonda, Katonda w'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo.’

Okuvaayo 3:18 ပူးပေါင်းရင်းမြစ်များ

Amainhama 12:1

Agho Musengwa Katonda yaakoba Aburamu ati: “Va mu nsi yo, oleke ab'ekika kyo n'ab'endhu ya lata wo, oje mu nsi ye naakulaga.

Amainhama 14:13

Aye omuntu eyawonagho yaidha yaakobera byonabyona Aburamu, Omuheburayi eyali ng'aba kumpi n'emiti gya Mamure Omuamori. Mamure ono ni baganda be, Esikoli ni Aneri, baali ba mukago n'Aburamu.

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 48:3

Yaakoba Yosefu ati: “Katonda Aghanga Ebintu Byonabyona yambonekera e Luzi mu nsi y'e Kanaani, yampa enkabi.

2 Ebyomubyanda 30:12

Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Okuvaayo 17:5

Musengwa Katonda yaamwiramu ati: “Toola abandi ku bakulu ab'ebikunsu mu Isiraeli, muje mwesookenga abantu emberi. Era ja n'omwigo gwo gwe wakuba ku mwiga Kiyira.

Okuvaayo 19:1

Nga ghaakabita emyezi ebiri kasookanga Baisiraeli bava mu Misiri, ku lunaku olwinhama omwezi ogwokusatu baatuuka mu irungu eryetebwa Sinai,

Okuvaayo 25:22

Agho ghe ndidha okukwagaana, era agho ghaigulu agh'ekisandikiza eky'Esanduuku ey'Endagaano era ghagati agh'ebitonde ebiri n'amaghagha ebyetebwa kerubi, ghe ndidha okukugheera ebiragiro byange byonabyona by'oidha okukobera Abaisiraeli.”

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Okuvaayo 3:16

Ja oyete abakulu ab'ebikunsu mu Isiraeli beesoloze ghalala obakobe oti, ‘Musengwa Katonda, Katonda wa badhaadha baimwe, Katonda wa Aburahamu, owa Isaaka era owa Yakobo yambonekera yankoba ati mbalingiriire, naabona bye babakola mu Misiri.

Okuvaayo 30:36

Era oidha kutoola ku obwo butonotono obusekule bukalamu, obumwage gha mberi w'Esanduuku ey'Endagaano mu Weema ey'Okwagaananirangamu ni Musengwa Katonda, ghe ndidha okukwagaana. Muli n'okutwala obubbaani obwo ng'ekintu ekitukuvu einho.

Okuvaayo 30:6

Alutaari eyo oidha kugita gha mberi agh'olutimbe oluli gha Sanduuku ey'Endagaano. Era agho gha mberi agh'ekisandikiza ekiri ku Sanduuku ey'Endagaano eyo, ghe nnaayagaanananga n'iwe.

Okuvaayo 4:1

Agho Musa yairamu Musengwa Katonda ati: “Aye bona eno, tibaja kundhikiriza waire okuwulirisa bye ndiba ndi kubakoba. Kuba balikoba bati, ‘Musengwa Katonda tiyakubonekera?’”

Okuvaayo 4:23

era ndi kukukoba nti leka omwana wange oyo aje ampeereze. Aye bw'onaaloba okumuleka ndidha kwita mutabane wo omuberi.’ ”

Okuvaayo 4:24

Bwe baali nga bali mu lugendo, baatuuka aghantu agh'okusula, baasula agho. Musengwa Katonda yaayagaana agho Musa yaayenda okumwita.

Okuvaayo 4:31

Agho abakulu ab'ebikunsu abo baikiriza, era bwe baawulira nga Musengwa Katonda bweyabalumirwa ng'aboine okudaazibwadaazibwa kwaibwe, baakuba amakiryaivu baamusinza.

Okuvaayo 5:1

Ebyo nga biwoire, Musa ni Aaroni baaja ye kyabazinga ow'e Misiri baamukoba bati: “Musengwa Katonda, Katonda wa Isiraeli akoba ati, leka abantu be baje mu irungu bakolere eyo ekibinuko eky'okumusinza.”

Okuvaayo 5:3

Baamukobera bati: “Katonda ow'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo; kuba bwe tutakola tutyo asobola okutusindikira obulwaire obubi, oba okutusindikira olutalo baatwita baatumalagho.”

Okuvaayo 7:16

omukobe oti, ‘Musengwa Katonda, Katonda ow'Abaheburayi yantuma y'oli, yaakukoba oleke abantu be baje mu irungu bamusinzize eyo, aye ni ye buli eno okaadheemye okuwulira.’

Okuvaayo 8:1

Agho Musengwa Katonda yaakoba Musa ati: “Ja oingire mu kisaagaati kya kyabazinga omukobe oti Musengwa Katonda akoba ati, ‘Leka abantu bange baje bansinze.

Okuvaayo 8:20

Agho Musengwa Katonda yaakoba Musa ati: “Wuuna inho oje oteege kyabazinga ng'ali kuja ku mwiga omukobe oti, ‘Musengwa Katonda akoba ati, leka abantu bange baje bansinze.

Okuvaayo 8:23

Era ntyo bwe nja okwoleka nga bwe ghaligho endhawulo ghagati agh'abantu bo n'abantu bange. Ekyo ekyewuunhio kija kubaagho olwaidho.’ ”

Okuvaayo 9:1

Agho Musengwa Katonda yaakoba Musa ati: “Ja oingire mu kisaagaati kya kyabazinga omukobe oti, ‘Musengwa Katonda, Katonda ow'Abaheburayi akoba ati, leka abantu bange baje bansinze.

Okuvaayo 9:13

Agho Musengwa Katonda yaakoba Musa ati: “Enkyo wuuna inho oje ye kyabazinga oyemerere mu maiso ge omukobe oti, Musengwa Katonda, Katonda ow'Abaheburayi akoba ati, ‘Leka abantu bange baje bansinze.

Isaia 64:5

Osangaalira abo abasanhukira okukola ebituufu, ni baidhukira okwebisa nga bw'oyenda. Iwe watusungughalira, aye ife tweyongera bweyongere kukola bibi. Era kuva ira nga tuli mu kukola bibi okwo. Aye oba tulibiwona?

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Yeremia 26:5

Era mutenga omwoyo ku ebyo abagheereza bange abalanzi be mbatumira buliidho, bye babakobera. Aye ate imwe timuwulirisa bye babakoba.

Okubala 17:4

Oidha kutwala emiigo egyo mu Weema ey'Okwagaananirangamu ni Musengwa Katonda, ogite gha mberi w'Esanduuku ey'Endagaano ghe twagaananira n'iwe.

Yoshua 1:17

Era twidha kukugonderanga buliidho nga bwe twagonderanga Musa. Tusaba bwa Musengwa Katonda wo, abenga n'iwe nga bweyalinga ni Musa.