Okuvaayo 3:15 - Baibuli Ekibono kya Katonda 2014

¹⁵ Era yaayongera okukoba Musa ati: “Ekyo ky'obe oje okobe Abaisiraeli oti, ‘Musengwa Katonda, Katonda wa badhaadha baimwe, Katonda wa Aburahamu, Katonda wa Isaaka era Katonda wa Yakobo, antumye ye muli’ eryo n'eriina lyange ebyanda n'ebyanda, era ntyo bwe ndidha okwetebwanga ense dhoonadhoona edhiriiragho.

Okuvaayo 3:15 ပူးပေါင်းရင်းမြစ်များ

Amainhama 24:12

Yaasaba ati: “Wo Musengwa Katonda, iwe Katonda wa musengwa wange Aburahamu, nkweghembye mpa enkabi olwaleero, era oyoleke musengwa wange Aburahamu nga bw'omugonza obutalekera.

1 Ebyomubyanda 16:16

Akuuma endagaano ye yakola ni Aburahamu, n'ekisuubizo kye yasuubiza Isaaka nga yeerayirira.

1 Ebyomubyanda 29:18

Wo Musengwa Katonda wa badhaadha baife, Aburahamu, Isaaka, ni Isiraeli, kuumanga buliidho enkola ey'okwevaamu eri ng'oti n'eyo mu bantu bo, era okuumenga emyoyo gyaibwe nga gigumiire ku iwe.

2 Ebyomubyanda 28:9

Aye ghaaligho omulanzi wa Musengwa Katonda ng'aba Samaria, eriina lye nga ni Odedi. Oyo yaaja okweisuusaayo eigye nga liri kwira e Samaria, yaabakoba ati: “Bona eno, olw'okuba Musengwa Katonda, Katonda wa badhaadha baimwe yasungughalira ab'omu Buyudaaya, kyaviire n'abaghaayo ye muli okubaghangula. Aye mperaano awuliire engeri ye mubaiseemu n'obukambwe obutaloodheka.

Zabbuli 102:12

Aye iwe Musengwa Katonda oli kyabazinga ebyanda n'ebyanda era omanhiibwa abantu ab'ense n'ense.

Zabbuli 102:13

Olisitukiramu, waidha waagemerwa Sioni ekivunika; ekiseera kituuse eky'okulinga ku Sioni n'ekisa; eno n'esaawa entuufu.

Zabbuli 135:13

Wo Musengwa Katonda, eriina lisigalagho ebyanda n'ebyanda; abantu ab'ense n'ense baidha kukumanhanga.

Zabbuli 30:4

Musaake Musengwa Katonda imwe mwenamwena abamutya! Mwidhukire Omutukuvu by'akoze mumusiime!

Zabbuli 30:5

Kuba obusungu bwe bubaagho kaseera buseera, aye obulungi bwe bubaagho mu bulamu obw'omuntu bwonabwona. Omuntu asobola okulira obwire bwonabwona, ate bwe bukya yaaseka.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Zabbuli 72:17

Eriina lya kyabazinga liidhukirwenga ebyanda n'ebyanda. Obumanhifu bwe busigalegho ng'oti ndhuba. Abantu abamaghanga goonagoona bamwetenga wa nkabi, era basabenga Katonda okubafuula ab'enkabi oti ni kyabazinga oyo.

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Okuvaayo 15:3

Musengwa Katonda mulwani wa ntalo, eriina lye ni Musengwa Katonda.

Okuvaayo 3:13

Aye Musa yaakoba Katonda ati: “Bwe ndituuka ku Baisiraeli ni mbakoba nti, ‘Katonda wa badhaadha baimwe antumye ye muli,’ memale ni bambuuza bati, ‘Eriina lye naani?’ Ndibakoba ntya?”

Okuvaayo 3:6

Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Okuvaayo 4:1

Agho Musa yairamu Musengwa Katonda ati: “Aye bona eno, tibaja kundhikiriza waire okuwulirisa bye ndiba ndi kubakoba. Kuba balikoba bati, ‘Musengwa Katonda tiyakubonekera?’”

Okuvaayo 4:5

Musengwa Katonda yaamukoba ati: “Otyo bw'olikola, baakakasa nti nze Musengwa Katonda, Katonda wa badhaadha baibwe, Katonda wa Aburahamu, Katonda wa Isaaka, era Katonda wa Yakobo, nakubonekera.”

Okuvaayo 6:2

Agho Katonda yaayogera ni Musa, yaamukoba ati: “Ninze Musengwa Katonda.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Isaia 26:8

Wo Musengwa Katonda, ife tujiira ku ebyo by'oyenda, era titwerabira liina lyo; kuba mu eryo mwe tufunira bye twegomba.

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 33:2

Musengwa Katonda oyo n'eyakola ensi, n'agiwumba era n'agitengeka mu kifo kyayo. Era eriina lye, ni Musengwa Katonda. Agho yankoba ati:

Danieli 2:23

Wo Katonda wa badhaadha bange, nze nkwebaza era naakusaaka; kuba wampa amagezi n'amaani. Era ni mpegaano omanhiisa kye tukusabye, waatwoleka eky'okukobera kyabazinga.”

Hosea 12:5

Katonda oyo nga ni Musengwa Katonda Afuga Amagye, era eriina lye ni Musengwa Katonda.

Hosea 12:6

Kale imwe baidhukulu ba Isiraeli, mwire ye Katonda waimwe oyo aidha kubayambanga. Mwekalangulenga okugonzania n'okukola amazima. Era aghazira kukoogha naire, muteegererenga okubona ky'anaabakoleranga.

Mika 4:5

Abantu aba buli ighanga basinza era baagondera bakatonda baalyo, aye ife twidha kusinzanga era tugonderenga Musengwa Katonda, Katonda waife ebyanda n'ebyanda.

Malaki 3:6

“Nze Musengwa Katonda tikyukangaku, era n'imwe mwena baidhukulu ba Yakobo timumalibwangagho.

Matayo 22:32

‘Ninze Katonda wa Aburahamu, Katonda wa Isaaka, Katonda wa Yakobo?’ Ti Katonda wa bafu aye Katonda wa balamu.”

Ebikolwa by'Abatume 3:13

Katonda wa Aburahamu, Katonda wa Isaaka, Katonda wa Yakobo, Katonda wa badhaadha baife, n'agulumiiza Omwana we Yesu, oyo ye mwaghaayo era ni mumwegaana mu maiso ga Pilato, bwe yali asazeegho okumulekula.

Ebikolwa by'Abatume 7:32

‘Ninze Katonda wa badhaadha bo: Katonda wa Aburahamu, ni Isaaka, ni Yakobo.’ Aye Musa yaadhugumira era tiyakana kwekalirisa.

Amateeka Agokubiri 1:11

Neeghemba Musengwa Katonda oyo Katonda, Katonda wa badhaadha baimwe, ayongere okubafuula abangi emikuzi lukumi (1,000) okusinga bwe muli buti, era abaghe enkabi nga bweyabasuubiza.

Amateeka Agokubiri 1:35

‘Ghazira muntu waire omulala ku b'oluse luno olubi alibona ku nsi engimu ye nasuubiza okugha badhaadha baimwe,

Amateeka Agokubiri 4:1

Musa yaayongera okukoba Abaisiraeli ati: “Agho ni muwulirenga amateeka n'ebiragiro bye ndi kubeegeresa mubituukirizenga, olwo mughange okuba abalamu, mwingire mu nsi Musengwa Katonda, Katonda wa badhaadha baimwe y'ali kubagha, era mugitwale.

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

Abaheburayi 13:8

Yesu Kurisito nga bwe yali olwaidho, bw'ali n'olwaleero, era bw'aliba ebyanda n'ebyanda.