Okuvaayo 3:14 - Baibuli Ekibono kya Katonda 2014

¹⁴ Katonda yaamwiramu ati: “NDI OYO ALIGHO. Ekyo ky'obe oje okobe Abaisiraeli oti, ‘NDI antumye ye muli.’ ”

Okuvaayo 3:14 ပူးပေါင်းရင်းမြစ်များ

Yobu 11:7

Osobola okwagaaza ebifa ku Katonda Aghanga Ebintu Byonabyona, waabizuula waabimalayo?

Zabbuli 68:4

Mwembere Katonda, mwembe enhembo edhisaaka eriina lye. Mumutegekere engira oyo aseeyeeya ku bire, eriina lye ni Musengwa Katonda, musagambire mu maiso ge.

Zabbuli 90:2

Ng'ensozi dhikaali kubaagho, era ng'okaali kutonda nsi n'ebirimu byonabyona, niiwe Katonda eyaligho, era alibaagho ebyanda n'ebyanda.

Okuvaayo 15:3

Musengwa Katonda mulwani wa ntalo, eriina lye ni Musengwa Katonda.

Okuvaayo 23:21

Imwe mumuwulire, mugondere kiisi ky'abakoba. Mutamudheemera, taidha kubasonigha kwonoona kwaimwe, kuba ali kwidha mu liina lyange.

Okuvaayo 3:13

Aye Musa yaakoba Katonda ati: “Bwe ndituuka ku Baisiraeli ni mbakoba nti, ‘Katonda wa badhaadha baimwe antumye ye muli,’ memale ni bambuuza bati, ‘Eriina lye naani?’ Ndibakoba ntya?”

Okuvaayo 6:2

Agho Katonda yaayogera ni Musa, yaamukoba ati: “Ninze Musengwa Katonda.

Okuvaayo 6:3

Nabonekera Aburahamu ni Isaaka era ni Yakobo nga Katonda Aghanga Ebintu Byonabyona aye tibeeyolekerangaku nga nkozesa eriina lyange eitukuvu erya Musengwa Katonda.

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Yoanne 8:24

Kye nava ni mbakoba nti mulifiira mu bibi byaimwe kuba bwe mutaikiriza muti ninze, muja kufiira mu bibi byaimwe.”

Yoanne 8:28

Agho Yesu yaabakoba ati: “Bwe mulighanika Omwana w'Omuntu, olwo lwe mulimanha nga ninze, era nga ghazira kye nkola ku bwange, aye Lata by'andhegeresa bye nkoba.

Yoanne 8:58

Yesu yaabairamu ati: “Bwenebwene ka mbakobere Aburahamu yali akaali kubaagho, nze nga ndigho.”

2 Ab'e Korintho 1:20

Kuba oyo ni “yii” wa kiisi Katonda kye yasuubiza. Eyo n'ensonga lwaki kubwa Kurisito Yesu tukoba tuti “Amiina” nga tugha Katonda ekitiisa.

Abaheburayi 13:8

Yesu Kurisito nga bwe yali olwaidho, bw'ali n'olwaleero, era bw'aliba ebyanda n'ebyanda.

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Okwolekebwa 1:4

Ninze Yoanne nga mpandiikira Ebikunsu eby'Abaikiriza mu Kurisito omusanvu ebiri mu Asia. Katonda oyo aligho, eyaligho era aliidha, abaghe enkabi n'emiraala. Era n'emyoyo omusanvu egiba agho gha mberi gh'ekityamo kye gikole gityo.

Okwolekebwa 1:8

Musengwa Katonda Aghanga Ebintu Byonabyona akoba ati: “Ninze Alufa ni Omega entoolo era Enkomerero, aligho, eyaligho era aliidha.”

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”