Okuvaayo 3:1 - Baibuli Ekibono kya Katonda 2014

¹ Agho Musa bweyali ng'ali kwaya ebyayo bya Yethuro mukoirume we eyamuzaaliranga mukazi we, era nga Yethuro oyo ni kabona w'e Midia, yabitambuza mu irungu e bugwandhuba yaabituusa ni ku lusozi lwa Katonda olwetebwa Horebu.

Okuvaayo 3:1 ပူးပေါင်းရင်းမြစ်များ

1 Bakyabazinga 19:19

Kale Eliya yaaja, yaayagaana Elisha mutabane wa Shafati ng'ali kulimisa ente yali n'emiyimbo gy'ente ikumi n'ebiri agho, nga mu kiseera ekyo yali ali kulimisa omuyimbo ogweikumi n'ebiri. Agho Eliya yaabita gh'ali, yaamusuulaku ekivaalo kye.

1 Bakyabazinga 19:8

Eliya yaasituka yaalya era yaanhwa. Eby'okulya ebyo byamugha amaani, yaatambula enaku amakumi ana (40) omusana n'obwire, yaatuuka ku Sinai olusozi lwa Katonda.

Zabbuli 106:19

Ate olundi Abaisiraeli baakola ekifaananie eky'ente ento nga bali ku lusozi Horebu, era baasinza ekifaananie ekyo ekyakolebwa mu kyuma ekisaanuusiibwa.

Okuvaayo 17:6

Nze ndidha kuba nga ndi eyo ku lusozi Horebu emberi waimwe. Oidha kukuba olubaale era amaadhi gaidha kuvaamu, abantu ge baghanga okunhwa.” Musa yaakola atyo ng'abakulu ab'ebikunsu mu Isiraeli babona.

Okuvaayo 18:12

Agho Yethuro yaataagho ekigheebwayo ekyokebwa kyonakyona okuwaagho, n'emisengo egindi egy'okughaayo eri Katonda. Aaroni n'abakulu ab'ebikunsu mu Isiraeli boonaboona baidha balya ni mukoirume wa Musa mu maiso ga Katonda.

Okuvaayo 19:11

olwadhuuzi babe nga beetegefu, kuba ku olwo nze Musengwa Katonda ndiika ku lusozi Sinai ng'abantu boonaboona babona.

Okuvaayo 19:2

nga bamaze okuva mu kifo ekyetebwa Refidimu. Era bwe baatuuka baasimba weema dhaibwe kumpi n'olusozi Sinai.

Okuvaayo 19:3

Musa yaaniina ghaigulu ku lusozi okwogera ni Katonda. Agho Musengwa Katonda ng'ali ku lusozi yaamweta yaamukoba ati: “Ja okobere Abaisiraeli, baidhukulu ba Yakobo abo oti,

Okuvaayo 2:16

Mperaano, kabona ow'e Midia yali ni baghala be musanvu, era boona baidha ku nsulo okwo okusena amaadhi baidhuze ebintu byaibwe ensolo mwe dhinhwera, baghange okunhwesa ebyayo bya lata waibwe.

Okuvaayo 2:18

Bwe bairayo ye lata waibwe Yethuro, yaababuuza ati: “Musoboire mutya okwira amangu mutyo olwaleero?”

Okuvaayo 2:21

Agho Musa yaabona ng'amaka ag'omusaadha oyo malungi ga kubaamu. Era omusaadha oyo yaamugha mughala we Zippori.

Okuvaayo 24:13

Kale Musa yaasituka ni Yoshua eyamuyambangaku, era Musa yaaniina ku lusozi lwa Katonda.

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Okuvaayo 3:5

Katonda oyo yaamukoba ati: “Otayongera kuseeta. Toolamu engaito dho, kuba gh'oyemereire kifo kitukuvu.”

Okuvaayo 33:6

Kale abantu baava agho ku lusozi Sinai, beeyongerayo nga batoiremu ebyamadholobera byaibwe, era tibairayo kubivaala.

Okuvaayo 4:18

Agho Musa yairayo eka ye Yethuro mukoirume we eyamuzaaliranga mukazi we, yaamukoba ati: “Nkusaba ondeke ndhireyo e Misiri y'ab'eighanga lyange, mbone oba nga bakaali balamu.” Yethuro yaamwiramu ati: “Tuuka bukalamu.”

Okuvaayo 4:27

Musengwa Katonda yaakoba Aaroni ati: “Ja mu irungu osangaaze Musa.” Kale yaaja yaayagaana Musa ng'ali ku lusozi lwa Katonda. Era bweyamwagaana yaamugwa mu kifuba.

Amosi 1:1

Bino n'ebibono bya Amosi, eyali omwayi ow'oku kyalo Tekoa, ng'ekaabulayo emyaka ebiri musisi abite. Mu kiseera ekyo Uzzia yali nga ni kyabazinga ow'e Buyudaaya, ate Yeroboamu mutabane wa Yehoashi, yaaba nga n'owa Isiraeli. Katonda yayoleka Amosi ebintu bino byonabyona ebyali bija okuba ku Isiraeli.

Malaki 4:4

“Mugemenga ebyo Musa omugheereza wange bye yabeegeresa, amateeka n'ebiragiro, bye namugheera ku lusozi Horebu, abikobere Abaisiraeli boonaboona.

Okubala 10:29

Agho Musa yaakoba mukoirume we Hobabu, mwanhina mukazi we era mutabane wa Reweli Omumidia ati: “Tuli kumpi okusimbuka okuja mu kifo Musengwa Katonda waife kye yakoba okutugha. Kale kola oje n'ife tugabane ku birungi bye tuja okufuna, kuba Musengwa Katonda yasuubiza Isiraeli ebirungi.”

Okubala 10:33

Kale baava ku lusozi lwa Musengwa Katonda, baatambula olugendo lwa nnaku isatu. Era Esanduuku ey'Endagaano ya Musengwa Katonda yaabeesookangayo emberi olugendo lwa nnaku isatu, okubanooneza ekifo eky'okusimbamu weema dhaibwe.

Luka 2:8

Mu kiketezo ekyo mwalimu abaayi abaabanga eyo mu byayiro obwire nga bakuuma ebyayo byaibwe.

Ebikolwa by'Abatume 7:30

“Emyaka amakumi ana (40) bwe gyabitagho, malaika yaabonekera Musa mu nnimi edh'omuliro ogwali gwakira mu kisaka eyo mu irungu okumpi n'olusozi Sinai.

Amateeka Agokubiri 1:2

Omuntu kimutwalira enaku ikumi na lulala okutambula n'ebigere, okuva ku lusozi Sinai ng'ali kubitira mu nsi Edomu, okutuuka e Kadeshi Barinea.

Amateeka Agokubiri 1:6

“Bwe twali ku lusozi Sinai, Musengwa Katonda waife yatukoba ati, ‘Ekiseera kye mumaze ku lusozi luno kimala.

Amateeka Agokubiri 4:10

olunaku lwe mwayemerera mu maiso ga Musengwa Katonda waimwe ku lusozi Sinai. Ku olwo Musengwa Katonda lwe yankoba ati, ‘Nsololeza abantu baidhe. Nhenda bawulire bye nja okubakoba, beege okuntyanga n'okumpuliranga enaku dhoonadhoona edh'obulamu bwaibwe, era beegerese n'abaana baibwe okukolanga batyo boona.’

Abalamuzi 4:11

Mu kiseera ekyo, Heberi Omukeni yali yeeyawire ku Bakeni baine, baidhukulu ba Hobabu mwanhina muka Musa. Era yali ng'amaze okusimba weema ye aghali omuti omukologho mu Zonannimu, okumpi n'e Kedeshi.

1 Samueli 16:11

Yaamala yaamubuuza ati: “Batabane bo boonaboona bali ghano?” Yesse yaamwiramu ati: “Ekaasigaireyo asinga buto. Aye ate ali kwaya ntaama.” Samueli yaamukoba ati: “Tuma omuntu amunone, kuba titwidha kutyama kutereera okutuusa ng'atuuse ghano.”