Okuvaayo 29:7 - Baibuli Ekibono kya Katonda 2014

⁷ Bw'omala oidha kuleeta omuzigo ogusiigibwa ogumufuke ku mutwe omutukuze.

Okuvaayo 29:7 ပူးပေါင်းရင်းမြစ်များ

Zabbuli 133:2

Kiri ng'oti n'omuzigo ogw'omughendo gwe baasiiga ku mutwe gwa Aaroni Omukulu wa Bakabona, ogwakuuluula okutuuka ku kirevu kye, era ni gutuukira irala ni ku kitogi ky'ekanzu ye.

Zabbuli 89:20

Ntoire omugheereza wange Daudi naamufuula kyabazinga, nga mmusiiga omuzigo gwange omutukuvu.

Okuvaayo 28:41

Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Okuvaayo 40:13

Era ovaaze Aaroni ebivaalo ebitukuvu, omusiige omuzigo, omutukuze ampeereze nga kabona.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Abalevi 10:7

Mutava ku mulyango gwa Weema ey'Okwagaananirangamu ni Musengwa Katonda, lwe mutaafe, kuba muliku omuzigo ogwabasiigibwa okubaawula mube ba Musengwa Katonda.” Kale baakola nga Musa bweyakoba.

Abalevi 21:10

“Omukulu wa Bakabona yasiigibwa omuzigo ku mutwe, era yaatukuzibwa okuvaala ebivaalo eby'obwakabona. N'olw'ekyo taalekenga nviiri dhe nga ti nsunsule, era taakanulengamu bivaalo bye kwoleka ng'anakughaire.

Abalevi 7:35

Ogwo n'omugabo ogutoolebwa ku by'okulya ebigheebwayo eri Musengwa Katonda ebyokebwa, ogwagheebwa Aaroni ni batabane be ku lunaku lwe baasiigibwa omuzigo, ni baawulibwa okugheereza Musengwa Katonda nga bakabona.

Zekaria 4:14

Agho yankobera ati: “Abo n'abantu ababiri Musengwa Katonda ow'ensi yoonayoona be yalonda, era yaabasiiga omuzigo bamugheerezenga.”

Okubala 35:25

Era abantu abeesoloiza baidha kuwonianga oyo eyaita omuntu nga tagendereire, bamutoole mu ngalo dh'ole ali n'oluganda ku mufu ayenda okwesasuuza, bamwizeeyo mu kibuga omuntu mw'asobola kulumukira kye yali alumukiiremu. Olwo abenga eyo okutuusa Omukulu wa Bakabona aliku lw'anaafanga.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.