Okuvaayo 29:41 - Baibuli Ekibono kya Katonda 2014

⁴¹ Ere entaama eyindi y'oli n'okughaayo olw'eigulo, oidha kugighaayo n'ebintu bire ebisatu by'onaaba ng'ogheereire ku ere ey'enkyo: engaano, omuzigo n'omwenge ogw'emizabbibu era mu bipimo nga bire eby'ey'enkyo. Ekyo n'ekigheebwayo eri nze Musengwa Katonda ekyokebwa ekiri n'akawoowo akansangaaza.

Okuvaayo 29:41 ပူးပေါင်းရင်းမြစ်များ

1 Bakyabazinga 18:29

Ekiseera eky'omu kasana ghagati bwe kyabita, beeyongera okweyasa okutuuka ku kiseera ekyeigulo eky'okughaayo emisengo. Aye ghaaloba kubaagho mamiro gawulikika, waire okubaagho abairamu, oba abafaaku.

1 Bakyabazinga 18:36

Ekiseera eky'okughaayo ekigheebwayo ekyeigulo bwe kyatuuka, Eliya omulanzi yaaseeta kumpi ni alutaari, yaakoba ati: “Wo Musengwa Katonda, Katonda wa Aburahamu, owa Isaaka, era owa Yakobo, olwaleero ka bakimanhe nga niiwe Katonda mu Isiraeli, era nga nze ndi mugheereza wo, era nga bino byonabyona mbikoze nga iwe omaze kundagira.

2 Bakyabazinga 16:15

Agho kyabazinga Ahazi yaalagira Uria kabona ati: “Ku alutaari eno enkologho kw'onaayokeranga ebigheebwayo ebyokebwa eby'enkyo, n'ebigheebwayo eby'emere ey'empeke eby'eigulo, n'ebigheebwayo ebyokebwa era n'ebigheebwayo eby'emere ey'empeke ebya kyabazinga n'eby'abantu ab'omu ighanga lino, era n'ebigheebwayo eby'abantu eby'okunhwa. Era ku alutaari eyo kw'onaamansiranga omusaayi ogw'emisengo egigheebwayo egyokebwa. Aye alutaari ey'ekyuma eky'ekikomo enaabanga yange, ya kwebuulizangaku eri Musengwa Katonda.”

2 Ebyomubyanda 2:3

Solomoni yaagheereza Hiramu kyabazinga w'e Tiro obukwenda obukoba buti: “Ka ghabeegho enkolagana ninze nga ye wali nayo ni lata wange Daudi, bwe wamugheerezanga emivule gye yazimbisa ekisaagaati kye eky'obwakyabazinga.

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Okuvaayo 12:6

Ensolo eyo mugikuume okutuusa ku lunaku olweikumi n'eina olw'omwezi guno. Olwo eigulo ery'olunaku olwo Abaisiraeli boonaboona baite ensolo dhoonadhoona dhe baakuuma olw'olunaku olwo.

Okuvaayo 29:40

Bw'oghaayo entaama esooka, oghaayo ni kilo ey'engaano eseereibwa obukalamu ng'etabwirwamu lita ey'omuzigo omukenenule ogukamwirwa mu bibala eby'emiti emyoliva ebisekwirwa, waateeraku ni lita ey'omwenge ogw'emizabbibu ng'ekigheebwayo eky'ebyokunhwa.

Okuvaayo 29:42

Buliidho mwidha kughangayo ekigheebwayo ekyo ekyokebwa n'omuliro ebyanda n'ebyanda. Mwidha kukigheerangayo ku mulyango ogw'Eweema ey'Okwagaananirangamu ni Musengwa Katonda, ghe naayagaanananga n'abantu bange era ni ndhogera n'iwe.

Danieli 9:21

Bwe nali nga nkaasaba naabona omuntu ole, Gaburieli, eyali mu kubonekerwa okwasooka. Yaaguluka yaidha ghe nali mu kiseera eky'okugheerayo emisengo egy'eigulo.