Okuvaayo 29:4 - Baibuli Ekibono kya Katonda 2014

⁴ Agho oleete Aaroni ni batabane gha mulyango ogw'Eweema ey'Okwagaananirangamu ni Musengwa Katonda, obanaaze n'amaadhi.

Okuvaayo 29:4 ပူးပေါင်းရင်းမြစ်များ

Okuvaayo 26:36

“Mu mulyango ogwingira mu Kifo Ekitukuvu Einho oidha kukoleragho ekintu ekikinzaagho nga kyakolebwa mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era okitungiremu ebimuli ng'okozesa empiso n'ewuuzi.

Okuvaayo 29:3

Oidha kugita mu kiibo kirala ogindeetere ghalala n'ente ere enume era n'entaama dhire enume eibiri.

Okuvaayo 40:12

“Agho oidha kuleeta Aaroni ni batabane ku mulyango ogw'Eweema Entukuvu okole omukolo ogw'okubanaaza n'amaadhi.

Okuvaayo 40:28

Olwo yaasiba ekintu ekikinzaagho ku mpango edh'omu mulyango ogwingira mu Kifo Ekitukuvu Einho.

Okuvaayo 40:32

memale ni bangira mu Weema Entukuvu, oba ni baseeta gh'alutaari nga Musengwa Katonda bweyamulagira.

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Ezekieli 42:14

Bakabona bwe banaingiranga mu Kifo Ekitukuvu, tibaakivengamu kuja mu luya lwa kuliya nga tibatoiremu bivaalo byaibwe mwe bagheerereza, kuba ebivaalo ebyo bitukuvu. Banaavaalanga ebivaalo ebindi memale baaja mu kifo abantu abandi ghe beesololeza.”

Abalevi 14:8

Omuntu oyo aja okutukuzibwa anaayozanga ebivaalo bye, yaamwaku enviiri dhoonadhoona, yaanaaba, olwo yaabalibwa nga mulongoofu, memale yaaja eri weema edh'abatali balwaire. Aye anaamalanga enaku musanvu ng'ali ku luya lwa weema ye.

Okubala 8:9

Agho oidha kweta Abaisiraeli boonaboona beesoloze, memale oyemereze Abalevi agho gha mberi ow'Eweema ey'Okwagaananirangamu ni Musengwa Katonda.

Ab'Efeso 5:26

Yaakitukuza ng'akinaaza n'amaadhi n'ekibono,

Amateeka Agokubiri 23:11

Aye eigulo bwerinaatuukanga aidha kunaabanga n'amaadhi, aire mu kifo ghe musimbye weema dhaimwe ng'endhuba egwire.

Tito 3:5

twalokolwa. Nga ti lwa bikolwa byaife ebikalamu bye twakola aye lwa kusaasira kwe. Yatulokola nga tunaazibwa, twazaalibwa omukuzi ogwokubiri, era twafuuka bayaaka mu Mwoyo Mutukuvu.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

1 Petero 3:21

Amaadhi ago gafaanana n'okubatizibwa okubalokola buti. Okubatizibwa okwo, ti n'okunaazaaku eiko ku mubiri, aye n'okweghemba Katonda atughe omwoyo omunaabuufu olw'okuzuukira kwa Yesu Kurisito.