Okuvaayo 29:34 - Baibuli Ekibono kya Katonda 2014

³⁴ Era bweghabaagho ku mamba eyo oba ku migaati egyo ebiba nga tibiriiriibwa ni bisigalagho okutuusa enkyo lyaku, tibiirangayo kuliibwa, mubyokyanga bwa muliro kuba bitukuvu.

Okuvaayo 29:34 ပူးပေါင်းရင်းမြစ်များ

Okuvaayo 12:10

Era ghatabangagho mamba ye mulekagho kutuusa nkyo. Emamba yoonayoona esigalagho okutuusa enkyo eri na kwokebwa n'omuliro.

Okuvaayo 16:19

Era Musa yaabakoba ati: “Ezira muntu kuterekaku ku mere eyo okutuusa enkyo.”

Okuvaayo 23:18

“Bw'oghangayo ensolo eitiibwa ng'omusengo, otaleeterangaku migaati gizimbulukusiibwa. Era amasavu ag'ensolo edhigheebwayo ng'omusengo mu bibinuko ebyo, gatasulangagho kutuusa nkyo.

Okuvaayo 29:22

“Entaama eyo, n'ekozesebwa mukwawula n'okugemya Aaroni ni batabane be omulimo ogw'obwakabona. Kale oidha kusoloza amasavu gaayo goonagoona, nga n'omuli: amasavu ag'omukira, n'agali ku byenda, n'ekitundu ekisinga bulungi ku ini, n'ensigo dhombi ghalala n'amasavu agadhiriku, n'ekisambi eky'oku mukono omusaadha.

Okuvaayo 29:26

“Bw'omala oidha kutoola akafumito ak'entaama eyo enume egheebwayo olw'okwawulibwa kwa Aaroni, ogiwuube ebe ekigheebwayo ye ndi nga kiwuubibwa. Ekitundu ekyo eky'ensolo n'ogunaabanga omugabo gwo.

Okuvaayo 29:28

Buli Baisiraeli lwe banaaleetanga akafumito n'ekisambi ng'ekigheebwayo olw'okutabagana, ebintu ebyo byombi binaateekwanga okuba ebya Aaroni ni batabane lubeerera. Ebintu ebyo n'ekigheebwayo abantu kye bampa nze Musengwa Katonda.

Okuvaayo 34:25

“Bw'oghangayo ensolo eitiibwa ng'omusengo ogugheebwayo ku Kibinuko eky'Okwidhukiriraku Okubitizibwa, otaleeterangaku mugaati guzimbulukusiibwa. Era otalekangagho yindi ku mamba ey'ensolo egheereibwayo ng'omusengo n'etuusa enkyo ery'olunaku olwiririra.

Abalevi 10:16

Musa yaabuuza ebigema ku mbuzi ey'ekigheebwayo olw'ebibi. Yaazuula nga yamaze ira okwokebwa! Agho yasungughalira Eleazari ni Ithamari, batabane ba Aaroni. Yaababuuza ati:

Abalevi 8:32

Era ekisigalagho ku mamba ni ku migaati, mukyokye bwokye.