Okuvaayo 29:3 - Baibuli Ekibono kya Katonda 2014

³ Oidha kugita mu kiibo kirala ogindeetere ghalala n'ente ere enume era n'entaama dhire enume eibiri.

Okuvaayo 29:3 ပူးပေါင်းရင်းမြစ်များ

Okuvaayo 29:2

Ofuneyo emigaati egitazimbulukusiibwa, nga gya bika bisatu bino: eminene egitabwirwamu omuzigo, n'egindi egiziramu muzigo, n'emitono egisiigiibwaku omuzigo. Era nga mugifumbye mu buwunga obuseereibwa obukalamu.

Okuvaayo 29:4

Agho oleete Aaroni ni batabane gha mulyango ogw'Eweema ey'Okwagaananirangamu ni Musengwa Katonda, obanaaze n'amaadhi.

Abalevi 8:2

“Twala Aaroni ni batabane be, otwale n'ebivaalo, n'omuzigo ogusiigibwa, n'ente ey'ekigheebwayo olw'ebibi, n'entaama enume eibiri, n'ekiibo ekirimu emigaati egitazimbulukusiibwa.

Abalevi 8:26

Era yaatoola n'omugaati mulala mu kiibo ekirimu emigaati eminene egitazimbulukusiibwa egigheereibwayo eri Musengwa Katonda, n'omugaati mulala ogutabwirwamu omuzigo, n'omugaati omutono mulala, yaagita ku masavu ni ku kisambi eky'oku mukono omusaadha.

Abalevi 8:31

Musa yaakoba Aaroni ni batabane be ati: “Mutwale emamba ku mulyango gw'Eweema ey'Okwagaananirangamu ni Musengwa Katonda, mugifumbe era mugiriire eyo, n'emigaati egiri mu kiibo eky'ebigheebwayo olw'okwawulibwa, nga Musengwa Katonda bweyabalagira okugiryanga.

Okubala 6:17

Era aidha kughangayo entaama ere enume ng'ekigheebwayo olw'okutabagana, n'ekiibo kire eky'emigaati, n'ebigheebwayo ebijiiraku eky'emere ey'empeke n'eky'ebyokunhwa.