Okuvaayo 29:14 - Baibuli Ekibono kya Katonda 2014

¹⁴ Aye emamba ey'ente eyo n'oluwu lwaku era n'obusa, oidha kubyokya omuliro mu kifo aghazira weema dha bantu, ng'ekigheebwayo ekyokebwa olw'ebibi.

Okuvaayo 29:14 ပူးပေါင်းရင်းမြစ်များ

2 Ebyomubyanda 29:24

Bakabona baadhiita, baayugha omusaayi gwadho ku alutaari, ng'ekigheebwayo olw'ebibi by'Abaisiraeli boonaboona, bisobole okubatoolebwaku kuba kyabazinga yalagira okughaayo ekigheebwayo ekyokebwa n'ekigheebwayo olw'ebibi, ku lw'Abaisiraeli boonaboona.

Ezera 8:35

Mu kiseera ekyo, abo boonaboona abaira okuva mu bunhage, baaghaayo ebigheebwayo ebyokebwa eri Katonda wa Isiraeli. Baaghaayo ente enume ikumi na ibiri ku lwa Isiraeli yoonayoona, baaghaayo entaama enume kyenda na mukaaga, n'entaama ento nsanvu na musanvu. Era baaghaayo n'embuzi enume ikumi na ibiri, ng'ekigheebwayo olw'ebibi. Ebyo byonabyona baabighaayo eri Musengwa Katonda ng'ekigheebwayo ekyokebwa.

Okuvaayo 30:10

alutaari eyo eidha kutukuzibwanga omukuzi mulala buli mwaka, aghazira kulekera ense n'ense. Aaroni aidha kugitukuzanga ng'akozesa omusaayi oguva ku nsolo enaagheebwangayo olw'ebibi, yaaguta ku bintu ebiri ng'oti mayiga ga nsolo ebiri ku alutaari eyo. Alutaari eyo eidha kubanga ntukuvu inho era nga yange nze Musengwa Katonda.”

Ezekieli 43:21

Era olitwala ente eyo enume ey'ekigheebwayo olw'ebibi, baagyokera mu kifo eky'eisinzizo ekyateebwagho okwokerwangamu, kuliya okw'eisinzizo.

Abalevi 16:11

“Aaroni bw'anaaghangayo ente enume eyiye ku bubwe ey'ekigheebwayo olw'ebibi, olwa mwene n'olw'ab'endhu ye okutoolebwaku ebibi,

Abalevi 16:27

Ente enume n'embuzi edh'ekigheebwayo olw'ebibi, dheene musaayi ogwingizibwa mu Kifo Ekitukuvu olw'okukola omukolo ogw'okutukuza, dhinaafulumizibwanga ku luya dhaatwalibwa mu kifo omutaba bantu, dhaayokebwa. Amawu, emamba n'ebyenda byadho, binaayokebwanga.

Abalevi 16:3

Aye anaingiranga mu Kifo Ekitukuvu ng'ali n'ente enume entototo ey'ekigheebwayo olw'ebibi, n'entaama enume ey'ekigheebwayo ekyokebwa.

Abalevi 4:21

Agho ente eyo enaatwalibwanga kuliya kwa weema, Omukulu wa Bakabona yaagyokera eyo ng'oti ni bw'ayokya ere y'aba ng'aghaireyo olw'ekibi kye. Ekyo n'ekigheebwayo olw'ebibi eby'abantu boonaboona aghalala.

Abalevi 4:25

Agho Kabona anainhikanga olwala lwe mu musaayi ogw'ensolo eyo, yaagusiiga ku bintu ebiri ng'oti mayiga ga nsolo ebiri ku alutaari eyokerwaku ebigheebwayo. Ogusigairegho yaagufuka ku ntobo y'alutaari eyo.

Abalevi 4:29

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda, aghaitirwa ensolo edh'ebigheebwayo ebyokebwa.

Abalevi 4:3

Omukulu wa Bakabona bw'anaabanga nga n'akoze ekibi, mu nsambo eyo n'aleeta ku bantu omusango, aidha kughangayo eri Musengwa Katonda olw'ekibi kye, ente enume entototo ng'eziraku kikyamu kyonakyona.

Abalevi 4:32

Omuntu bw'anaaleetanga entaama nga n'ekigheebwayo kye olw'ebibi, eidha kubanga nkazi ng'eziraku kikyamu kyonakyona.

Abalevi 5:6

Era anaaleetanga eri Musengwa Katonda entaama enkazi oba embuzi ng'omutango olw'omusango ogwo gw'aiziiza. Kabona anaaghangayo ebintu ebyo byaba ekigheebwayo ng'omutango olw'ekibi eky'omuntu oyo.

Abalevi 5:8

Anaadhireetanga eri kabona, kabona yaasooka okughaayo eyo egheebwayo olw'ebibi, yaaginiola enkoto aye nga tagikutulaku mutwe.

Abalevi 6:25

aghe Aaroni ni batabane be amateeka aganaafuganga ekigheebwayo olw'ebibi ati: “Mu kifo mwene mwe baitira ekigheebwayo ekyokebwa, mwe banaitiranga n'ekigheebwayo olw'ebibi, agho mu maiso ga Musengwa Katonda. Ekigheebwayo kino kitukuvu inho.

Abalevi 8:17

Ebyasigalagho byonabyona ku nte eyo: oluwu, emamba, n'obusa, yaabyokya omuliro mu kifo aghazira weema dha bantu, nga Musengwa Katonda bweyamulagira.

Abalevi 9:2

yaakoba Aaroni ati: “Twala ente enume ento, n'entaama enume, dhombi nga dhiziraku kikyamu kyonakyona, oje odhigheeyo eri Musengwa Katonda ente eyo enume ebe ekigheebwayo olw'ebibi, n'entaama eyo enume ebe ekigheebwayo ekyokebwa.

Malaki 2:3

Ndibonereza abaana baimwe, n'imwe beene naababbaaka obusa bw'ensolo dhe mughaayo ng'emisengo. Era ndibabinga ghe ndi.

Okubala 19:5

Olwo ente eyo eidha kwokebwa yoonayoona nga Eleazari abona ng'omwo mw'otwaliire oluwu lwayo, emamba yaayo, omusaayi gwayo, n'obusa bwayo.

Okubala 7:16

Era ekigheebwayo kye kyalimu embuzi enume ndala; ekyo nga n'ekigheebwayo olw'ebibi.