Okuvaayo 29:13 - Baibuli Ekibono kya Katonda 2014

¹³ Amasavu goonagoona agali ku byenda, n'ekitundu ekisinga obulungi ku ini, n'ensigo dhombi ghalala n'amasavu agadhiriku, oidha kubyokera ku alutaari ng'ekigheebwayo ye ndi.

Okuvaayo 29:13 ပူးပေါင်းရင်းမြစ်များ

1 Samueli 2:16

Ole bweyamwirangamu ati: “Ka bamale okwokya amasavu memale otwale emamba y'onaayenda yoonayoona,” agho ng'omugheereza amwiramu ati: “Busa oteekwa okugimpa buti, bw'oloba ndidha kugitwala bya ntaka.”

Isaia 43:24

Timwaghaayooku mpiiya kungulira bubbaani buwunha kawoowo, waire okundhigusa n'amasavu g'ensolo dhaimwe. Aye mu kifo ky'okukola ebyo, mwantwika bwa mugugu gwa bibi byaimwe, mwankooya n'ebyonoono byaimwe.

Isaia 34:6

Empiima ya Musengwa Katonda erisaabaana omusaayi n'amasavu eby'abantu, yaaba ng'oti bw'esaabaana omusaayi n'amasavu eby'entaama ento n'embuzi, edhimugheebwa ng'emisengo. Musengwa Katonda mwene n'alighaayo omusengo ogwo e Bozira, ng'aita abantu kamaala inho mu nsi Edomu.

Isaia 1:11

Musengwa Katonda oyo akoba ati: “Emisengo gyaimwe olukunkumuli gye mughaayo, nze gingasa ki? Nsiniirwa entaama enume dhe mughaayo, n'amasavu g'ensolo dhaimwe empiite ge mughaayo ng'ebigheebwayo ebyokebwa. Nzira isanhu lye nfuna mu kumpa musaayi gwa nte nume, waire ogw'entaama n'ogw'embuzi enume.

Zabbuli 22:14

Zeenazeena mpoiremu ndi kiwooboloolo, buli igumba liviire ku buyungiro bwalyo, omwoyo gunseeneine.

Okubala 18:17

Aye ente n'entaama n'embuzi edhinaazaalibwanga mu luzaalo olusooka, tibaadhinunulenga. Edho dhange ku bwange, kale ntukuvu. Oidha kudhiitanga, omansirenga omusaayi gwadho ku alutaari, era oyokyenga amasavu gaadho ng'ekigheebwayo ekyokebwa. Akawoowo kaadho kansangaaza nze Musengwa Katonda.

Abalevi 17:6

Agho kabona aidha kumansiranga omusaayi ku alutaari ya Musengwa Katonda, ku mulyango gw'Eweema ey'Okwagaananirangamu ni Musengwa Katonda, era yaayokya amasavu, gaavaamu akawoowo akasangaaza Musengwa Katonda.

Abalevi 16:25

Amasavu ag'ekigheebwayo olw'ebibi anaagookeranga ku alutaari.

Abalevi 9:19

Aaroni yaatoola amasavu goonagoona, n'ensigo, n'ebitundu ebisinga obulungi eby'ente eyo n'entaama eyo,

Abalevi 9:10

Ate amasavu n'ensigo, n'ekitundu ekisinga obulungi ku ini, yaabyokera ku alutaari, nga Musengwa Katonda bweyalagira Musa.

Abalevi 8:25

Yaatoola amasavu, omukira omusavu, amasavu goonagoona ag'oku byenda, ekitundu ekisinga obulungi ku ini, ensigo dhombi ghalala n'amasavu agadhiriku, n'ekisambi eky'oku mukono omusaadha.

Abalevi 8:16

Musa yaatoola amasavu goonagoona agaali ku byenda, n'ekitundu ekisinga obulungi ku ini, n'ensigo dhombi ghalala n'amasavu agaadhiriku, yaabyokera byonabyona ku alutaari.

Abalevi 7:31

Kabona anaayokeranga amasavu ku alutaari, aye ekifuba tikiiyokebwenga, kinaabanga kya bakabona.

Abalevi 7:3

Amasavu gaayo goonagoona ganaagheerwangayo ku alutaari, n'omukira omusavu, n'amasavu goonagoona agali ku byenda,

Abalevi 6:12

Omuliro oguli ku alutaari gunaakuumibwanga nga guli kwaka, aghazira kuzikira naire. Buli nkyo kabona anaagutangaku enku yaayaliiraku ekigheebwayo ekyokebwa, era anaagwokerangaku amasavu ag'ekigheebwayo olw'okutabagana.

Abalevi 4:35

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu ntaama egheebwayo olw'okutabagana. Olwo kabona yaagookera ku alutaari ghalala n'eby'okulya ebigheebwayo eri Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 4:31

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu nsolo ey'ekigheebwayo olw'okutabagana. Olwo kabona yaagookera ku alutaari, gaavaamu akawoowo akasangaaza Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 4:26

Amasavu gaayo goonagoona anaagookeranga ku alutaari, ng'oti ni bw'ayokya amasavu ag'ekigheebwayo olw'okutabagana. Atyo Kabona bw'anaaghangayo omusengo olw'ekibi ky'omufuzi, era omufuzi oyo aidha kusoniyibwanga.

Abalevi 1:15

Kabona anaaleetanga enhonhi eyo ku alutaari, yaaginiola enkoto, yaagikutulaku omutwe, yaagwokera ku alutaari, yaakamulira omusaayi gw'enhonhi ku mbali kw'alutaari.

Abalevi 1:9

Aye ebyenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Okuvaayo 29:25

Agho obibatoole mu ngalo obyokere ku alutaari ng'oyongereza ku kigheebwayo ekyokebwa ekinaaba kiriku. Akawoowo akava ku kigheebwayo ekyo ekyokebwa kasangaaza nze Musengwa Katonda.

Okuvaayo 29:22

“Entaama eyo, n'ekozesebwa mukwawula n'okugemya Aaroni ni batabane be omulimo ogw'obwakabona. Kale oidha kusoloza amasavu gaayo goonagoona, nga n'omuli: amasavu ag'omukira, n'agali ku byenda, n'ekitundu ekisinga bulungi ku ini, n'ensigo dhombi ghalala n'amasavu agadhiriku, n'ekisambi eky'oku mukono omusaadha.

Okuvaayo 29:18

Ekyo n'ekigheebwayo eri Musengwa Katonda ekyokebwa, ekiri n'akawoowo akamusangaaza.

Okuvaayo 12:9

Mutagiryangaku mbisi oba ntogose mu maadhi, eri na kuba ndhokye yoonayoona: omutwe, amagulu era n'ebyenda.

Abalevi 7:4

n'ensigo dhombi ghalala n'amasavu agadhiriku, n'ekitundu ekisinga obulungi ku ini.