Okuvaayo 28:9 - Baibuli Ekibono kya Katonda 2014

⁹ Oidha kufunayo ebibaadho bibiri eby'eibaale ery'omughendo eryetebwa onikisi, oghandiikeku amaina ag'abaana ba Yakobo ng'okozesa ekyuma ekisongovu.

Okuvaayo 28:9 ပူးပေါင်းရင်းမြစ်များ

Amainhama 2:12

Zaabu ow'omu nsi eyo mukenenule, era eyo eriyo n'obuwoowo bwa bedeliyamu n'amabaale ga onikisi.

1 Ebyomubyanda 29:2

Kale kye nviire ni nfuba nga bwe nsoboire, ni ntaagho ebintu byonabyona eby'okuzimbisa eisinzizo lya Katonda wange, bino: zaabu ow'okukolamu ebintu ebya zaabu, ni feeza ow'okukolamu ebintu ebya feeza, n'ekyuma eky'ekikomo eky'okukolamu ebintu eby'ekyuma eky'ekikomo, n'ekyuma ekigumu einho eky'okukolamu ebintu eby'ekyuma ekigumu einho, n'emiti egy'okukolamu ebintu eby'emiti, n'amabaale ag'omughendo ageetebwa onikisi, n'agandi ag'okuzimbisa, n'ag'okudholigadholiga, n'agandi ag'omughendo agamirimiinha ag'ensambo kamaala.

2 Ebyomubyanda 2:7

Kale ni mpeereza omuntu omukugu mu kugheesa ebintu ebya zaabu, n'ebya feeza, n'eby'ekikomo, n'eby'ekyuma ekigumu einho, n'okukola engoye edha langi ya bbululu, n'edh'eya nakasooma, n'edh'eya kasaayisaayi. Era nga mukugu mu kubaadha amabaale, asobole okukoleranga ghalala n'abakozi bange abakugu ghano mu Buyudaaya ni mu Yerusalemu, lata wange be yataagho.

Yobu 28:16

Zaabu omulungi ow'e Ofiri tayagayaga nago mughendo, waire amabaale ag'omughendo ageetebwa onikisi ni saffiro.

Okuvaayo 25:7

n'amabaale ageetebwa onikisi, era n'amabaale ag'omughendo agandi agateebwa ku kivaalo eky'obwakabona ni ku kivaalo kabona ky'avaala mu kifuba.

Okuvaayo 28:10

Amaina ag'abaana omukaaga oidha kugaghandiika ku kibaadho ekindi, n'omukaaga ag'abandi ku kindi ng'ojiira ku bwe bairaganwaku mu kuzaalibwa.

Okuvaayo 28:20

Olwo akokuna kabeeku ageetebwa berulo, onikisi, ni yasipera. Amabaale ago gali n'okubaaku omugo gwa zaabu,

Okuvaayo 28:36

Agho Musengwa Katonda yaalagira Musa ati: “Era oidha kukola akabaati aka zaabu omukenenule okaghandiikeku ng'oti n'ole asala obumanhiso mu mabaale bw'akola oidha kughandiikaku oti, ‘Yayawulibwa nga wa Musengwa Katonda.’

Okuvaayo 28:8

Era kiri n'okubaaku olusibiro lwaku olw'omu nkende, nga lwalukibwa bukalamu era nga lwatungibwa ku kivaalo ekyo eky'obwakabona, era nga lwakolebwa mu ngoye ndala edho edha langi ya zaabu, n'edh'eya bbululu, n'edh'eya nakasooma, n'edh'eya kasaayisaayi, era n'engoye empegheevu.

Okuvaayo 31:5

Era ng'abaadha amabaale ag'omughendo ag'okutaanha, era ng'asala obuntu obudholiga ku mbaawo, era ng'atetenkania yaayiiya mu nsambo kamaala.

Okuvaayo 39:13

Olwo akokuna kaabaaku ageetebwa berulo, ni onikisi, ni yasipera. Bwe baamala baagataaku omugo gwa zaabu.

Okuvaayo 39:6

Baafunayo amabaale amabaadhe abiri ag'ekika eky'eibaale ery'omughendo eryetebwa onikisi, baagataaku emigo gya zaabu, baagasalaku amaina ag'abaana ba Yakobo, ng'oti n'omubaadhi ow'amabaale ag'omughendo bw'agasalaku obumanhiso.

Olwembo 8:6

Gonzanga mulala nze zenka, onsibe ku omwoyo gwo ng'akamanhiso. Olobenga kugemerera wundi mu makono go okutoolaku nze zenka. Kuba okugonza kuli n'amaani agaagayaga n'ag'olumbe; eighali liri n'obukambwe obwagayaga n'obw'okufa. Okugonza kutumbuka ng'oti muliro gwene, kwayokya ng'oti n'omuliro oguli kubbeibbera ogw'amaani.

Isaia 49:16

Bona eno iwe ekibuga Yerusalemu, nkoze ekifaananie kyo mu ngalo dhange, era ebisenge byo mbibona n'amaiso gange buli kaseera.

Ezekieli 28:13

Wabanga mu Edeni, enimiro ya Katonda. Ng'ovaala eby'okwewoomya ebyakolebwa mu mabaale ag'omughendo: sarudio, topazi, yasipera, kurisolito, berulo, onikisi, saffiro, karabunkule ni emeraludo. Era ng'oba n'ebyamadholobera ebya zaabu. Ebyo byonabyona byakolebwa ku lunaku lwe watonderwaku.

Zekaria 9:16

Ku lunaku olwo, Musengwa Katonda wa Isiraeli aliwonia abantu be abo, ng'oti n'omwayi bw'awonia ebyayo bye obutatuukibwaku kabi. Balimesunkanira mu nsi ye ng'oti n'amabaale ag'omughendo bwe gamesunkanira ku ngule.