Okuvaayo 28:43 - Baibuli Ekibono kya Katonda 2014

⁴³ Aaroni ni batabane baidha kuvaalanga ebivaalo ebyo buliidho memale bangire mu Weema ey'Okwagaananirangamu ni Musengwa Katonda, oba baseete ye Alutaari okugheereza nga bakabona mu Kifo Ekitukuvu. Bwe batakola batyo balyereetaku omusango era baafa. Kino kiragiro ekitaja kuvaagho eri Aaroni n'abaana be era n'abaidhukulu.

Okuvaayo 28:43 ပူးပေါင်းရင်းမြစ်များ

Okuvaayo 20:26

Otakolanga alutaari yeetaaga kuniinaku na madaala, kuba osobola okughemukiraku omubiri.”

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 30:21

Baidha kunaabanga mu ngalo ni ku bigere balobe kufa. Ekyo kiidha kuba kiragiro kye baidha okukuumanga beene, n'abaana, n'abaidhukulu ense n'ense.”

Ezekieli 44:17

Bwe banaabanga nga baja okwingira mu luya olw'omunda, baidha kuvaalanga engoye empegheevu. Tibaidha kuvaalanga kintu kyonakyona kyakolebwa mu buviiri bwa ntaama, nga bali kugheereza mu luya olw'omunda oba mu isinzizo mwene.

Abalevi 16:13

Agho anaatanga obubbaani ku muliro mu maiso ga Musengwa Katonda, omwosi ogw'obubbaani gwaghemba ekisandikiza eky'Esanduuku ey'Endagaano yaaloba kukibona, olwo alobe kufa.

Abalevi 17:7

Kale Abaisiraeli tibaidha kwongeranga kuba batali beesigwa eri Musengwa Katonda, nga baghaayo emisengo gyaibwe eri emisambwa egiri ng'oti mbuzi. Eiteeka eryo banaalikuumanga enaku dhoonadhoona.’

Abalevi 22:15

Bakabona batayonoonanga bigheebwayo ebitukuvu Abaisiraeli bye baghaayo eri Musengwa Katonda,

Abalevi 22:9

“Bakabona boonaboona banaatuukirizanga bye mbalagira, balobenga kwonoona ni bafa olw'okubinhooma. Ninze Musengwa Katonda abafuula abatukuvu.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Abalevi 5:1

Omuntu bw'anaalayizibwanga okugha obudhulizi ku musango, aye n'atakoba kye yabona oba kye yawulira, anaabonerezebwanga.

Abalevi 5:17

“Omuntu bw'anaakolanga ekibi, n'asobya mu kintu kyonakyona ku ebyo Musengwa Katonda bye yalagira, waire nga taidhi, anaabanga n'omusango, era anaabonerezebwanga.

Okubala 15:15

Amateeka malala ago n'agaidha okufuganga imwe Abaisiraeli n'abasenze abali mu imwe, era tigaakyukengamu ense n'ense. Imwe n'abasenze mwidha kubisibwanga bulala.

Okubala 18:22

Okuva ni mpegaano, Abaisiraeli abandi abatali Balevi bataseetanga kumpi na Weema eyo, olwo balobe kwereetaku kibi kya kubaitisa.

Okubala 18:32

Era timuubenga na kibi kye mukoze olw'okubirya, kasita munaabanga nga mughaireyo ebisinga bulungi. Aye mwegenderezenga mulobe kwonoona ebintu ebitukuvu Abaisiraeli bye baleeta, memale olwo mulobe kufa.’ ”

Okubala 18:8

Agho Musengwa Katonda yaakoba Aaroni ati: “Era bona eno, nkughaire ebyo byonabyona ebirekebwagho nga tibyokeibwa ku bigheebwayo ebitukuvu Abaisiraeli bye bampa nze Musengwa Katonda. Mbikughaire iwe ni batabane bo ng'omugabo gwe munaafunanga ebyanda n'ebyanda.

Okubala 9:13

Aye omuntu yeenayeena omulongoofu era atali mu lugendo, bw'anaalobanga okukola ekibinuko ekyo aidha kulekeranga okubalirwa mu bantu ba Musengwa Katonda, olw'okuloba okumuleetera ekigheebwayo mu kiseera kyakyo ekyalagirwa. Era omuntu oyo aidha kubonerezebwanga olw'ekibi kye ekyo.