Okuvaayo 28:41 - Baibuli Ekibono kya Katonda 2014

⁴¹ Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Okuvaayo 28:41 ပူးပေါင်းရင်းမြစ်များ

Okuvaayo 28:1

Agho Musengwa Katonda yaalagira Musa ati: “Mu bantu boonaboona Abaisiraeli oidha kulondamu Aaroni muganda wo, ni batabane, Nadabu, ni Abihu, ni Eleazari, ni Ithamari, obaawule bampeereze nga bakabona.

Okuvaayo 28:4

Ebivaalo bye babe bakole ni bino: eky'omu kifuba, eky'obwakabona, ekanzu, ekivaalo ekidholige n'empiso n'ewuuzi, ekitambaala eky'oku mutwe, n'olukoma. Baidha kukolera muganda wo oyo Aaroni ni batabane ebivaalo ebitukuvu bampeereze nga bakabona.

Okuvaayo 29:24

Ebyo byonabyona, oidha kubita mu ngalo dha Aaroni n'edha batabane, babiwuube bibe ekigheebwayo eri nze Musengwa Katonda nga biwuubibwa.

Okuvaayo 29:35

“Oidha kukola omukolo ogw'okwawula Aaroni ni batabane, ogwidha okutwala enaku omusanvu, ng'ojiira ku ebyo byonabyona bye nkulagiire.

Okuvaayo 29:7

Bw'omala oidha kuleeta omuzigo ogusiigibwa ogumufuke ku mutwe omutukuze.

Okuvaayo 29:9

obasibe enkoma mu nkende era obavaaze n'enkuufiira ku mitwe. Otyo bw'oidha okwawula Aaroni ni batabane babe bakabona. Era obwakabona bwidha kubanga bwaibwe olw'ekiragiro ekitaja kuvaagho.

Okuvaayo 30:35

Ebyo byonabyona oidha kubitabulira ghalala nga bwe batabula ebizigo eby'okwesiiga, ofunemu obubbaani obuwunha akawoowo. Omwo oidha kutaamu omuunhu era bube butukuvu.

Okuvaayo 40:13

Era ovaaze Aaroni ebivaalo ebitukuvu, omusiige omuzigo, omutukuze ampeereze nga kabona.

Okuvaayo 40:15

obasiige omuzigo nga bw'onaaba okoze lata waibwe, baghange okumpeereza nga bakabona. Okusiiga omuzigo okwo kwidha kubangiza mu bugheereza obw'obwakabona, beene, n'abaana baibwe, n'abaidhukulu ense n'ense.”

Isaia 10:27

Olunaku olwo bwe lulituuka, imwe ndibatoola mu buyinza bw'Abassiria, naabatwikula n'obuzito bwe baabatwikanga, naazikiriza ebikoligo ebibali ku mabega.”

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Ezekieli 43:26

Bakabona balimala enaku musanvu nga bali kulongoosa alutaari okugitukuza.

Abalevi 10:7

Mutava ku mulyango gwa Weema ey'Okwagaananirangamu ni Musengwa Katonda, lwe mutaafe, kuba muliku omuzigo ogwabasiigibwa okubaawula mube ba Musengwa Katonda.” Kale baakola nga Musa bweyakoba.

Abalevi 16:24

Anaanaabiranga omubiri mu Kifo Ekitukuvu ekyo, yaavaala ebivaalo bye ebyabuliidho, yaafuluma, yaaghaayo ekigheebwayo ekyokebwa ekikye, n'ekigheebwayo ekyokebwa eky'abantu, olw'okutoolagho ebibi ebibye n'eby'abantu boonaboona.

Okubala 16:5

Bwe yamala, yaakoba Kora ni baine boonaboona ati: “Enkyo Musengwa Katonda aidha kutwoleka oyo owuwe atuukiriire, era oyo aidha kumuseesa kumpi ni mwene. Oyo y'anaalonda aidha kumuseesa kumpi ni mwene.

Okubala 3:3

Baasiigibwa omuzigo era baayawulibwa okuba bakabona.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Abaheburayi 5:4

Era omuntu tasobola kwegha mwene kitiisa ekyo kya kuba Kabona Mukulu. Aye ayetebwa bwetebwe Katonda ng'oti ni Aaroni bwe yayetebwa.

Abaheburayi 7:28

Amateeka gataagho abantu mu bunafu bwaibwe okuba abakulu ba bakabona, aye ekibono eky'ekirayiro ekyaidha oluvainhuma ng'Amateeka galigho, kyataagho Mwana eyafuulibwa atuukiriire ebyanda n'ebyanda.

1 Yoanne 2:20

Aye imwe, Omutukuvu yabagha Mwoyo kale mwenamwena muli n'amagezi.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.