Okuvaayo 28:4 - Baibuli Ekibono kya Katonda 2014

⁴ Ebivaalo bye babe bakole ni bino: eky'omu kifuba, eky'obwakabona, ekanzu, ekivaalo ekidholige n'empiso n'ewuuzi, ekitambaala eky'oku mutwe, n'olukoma. Baidha kukolera muganda wo oyo Aaroni ni batabane ebivaalo ebitukuvu bampeereze nga bakabona.

Okuvaayo 28:4 ပူးပေါင်းရင်းမြစ်များ

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

Okuvaayo 25:7

n'amabaale ageetebwa onikisi, era n'amabaale ag'omughendo agandi agateebwa ku kivaalo eky'obwakabona ni ku kivaalo kabona ky'avaala mu kifuba.

Okuvaayo 29:6

Oidha kumusiba ekitambaala ku mutwe era ote engule entukuvu ku kitambaala ekyo.

Okuvaayo 39:28

n'ebitambaala eby'oku mutwe, n'enkuufiira, n'empale, nga bino bya ngoye mpegheevu.

Isaia 11:5

Aidha kufuganga mu butuufu ni mu bwesigwa.

Isaia 59:17

Alivaala obutuufu ng'ekivaalo eky'omu kifuba eky'ekyuma, yaavaala obulokozi ku mutwe gwe ng'enkuufiira ey'ekyuma. Era okwesasuuliza ku bazigu be kulimubaaku ng'oti kivaalo kya munda, n'obusungu bwamubaaku ng'oti kivaalo kya ku ngulu.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Ab'Efeso 6:14

Mwemerere nga muli bagumu, ng'amazima n'olusibiro lwe mwesibye mu nkende, ate obutuufu nga n'ekivaalo eky'omu kifuba eky'ekyuma.

1 Ab'e Thessalonika 5:8

Aye nga ife bwe tuli ab'omusana tulobe kutamiira, aye tube n'okwikiriza n'okugonza ng'ekivaalo eky'omu kifuba eky'ekyuma. Tube n'eisuubi ery'okulokoka ng'enkuufiira ey'ekyuma ku mutwe.

Okwolekebwa 9:17

Era nti bwe nabona embalaasi mu kubonekerwa kwange: abavuzi baadho baali bavaire ebivaalo eby'omu bifuba eby'ekyuma ebyali ebimyufu ng'oti muliro, ebya bbululu ng'oti ibaale lya saffiro, n'ebya kyenvu ng'oti bunhota bwa salufa. Emitwe gy'embalaasi edho gyali ng'oti gya mpologoma, mu kanwa mwadho nga muvaamu omuliro, n'omwosi, n'obunhota bwa salufa

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.

1 Samueli 22:18

Agho kyabazinga yaakoba Doegi ati: “Iwe kyuka oite bakabona abo.” Era Doegi Omuedomu yaagwa ku bakabona yaabaita. Ku lunaku olwo yaita bakabona kinaana na bataanu abaavalanga ebivaalo eby'obwakabona ebyakolebwa mu ngoye empegheevu.

1 Samueli 23:6

Abiathari mutabane wa Ahimeleki bwe yalumuka ni yeeyimba ku Daudi e Keila, yaja n'ekivaalo eky'obwakabona.

1 Samueli 30:7

Daudi oyo yaakoba Abiathari kabona mutabane wa Ahimeleki ati: “Ndeetera ekivaalo eky'obwakabona.” Abiathari yaaleeta ekivaalo eky'obwakabona eri Daudi.