Okuvaayo 28:36 - Baibuli Ekibono kya Katonda 2014

³⁶ Agho Musengwa Katonda yaalagira Musa ati: “Era oidha kukola akabaati aka zaabu omukenenule okaghandiikeku ng'oti n'ole asala obumanhiso mu mabaale bw'akola oidha kughandiikaku oti, ‘Yayawulibwa nga wa Musengwa Katonda.’

Okuvaayo 28:36 ပူးပေါင်းရင်းမြစ်များ

1 Ebyomubyanda 23:13

Amuramu yaazaala Aaroni ni Musa. Aaroni yaayawulibwa n'ab'oku nda ye okulabiriranga ebintu ebitukuvu ebyanda n'ebyanda, okuniokezanga obubbaani mu maiso ga Musengwa Katonda n'okumugheerezanga, n'okusabiranga abantu enkabi mu liina lye.

Zabbuli 93:5

Wo Musengwa Katonda, amateeka go geesigika era bwenebwene esinzizo lyo itukuvu ebyanda n'ebyanda.

Okuvaayo 19:6

Era munaabanga eighanga eitukuvu, mwampeerezanga nga bakabona. Ebyo by'obe okobe Abaisiraeli.’ ”

Okuvaayo 28:11

Oidha kughandiika amaina ag'abaana ba Yakobo ku bibaadho ebyo ebibiri eby'eibaale, ng'oti n'omubaadhi ow'amabaale ag'omughendo bw'asala obumanhiso. Bw'omala obiteeku emigo egya zaabu,

Okuvaayo 28:35

Ekyo n'ekivaalo Aaroni ky'aidha okubangamu ng'akola egy'obwakabona, era okuvuga okw'endege kwidha kuwulirwanga ng'angira mu Kifo Ekitukuvu mu maiso gange, era ni bw'anaabanga ng'afuluma, memale alobe kufa.”

Okuvaayo 28:37

Akabaati ako oidha kukasiba emberi ku kitambaala eky'oku mutwe n'akagugha ak'erangi ya nakasooma.

Okuvaayo 28:9

Oidha kufunayo ebibaadho bibiri eby'eibaale ery'omughendo eryetebwa onikisi, oghandiikeku amaina ag'abaana ba Yakobo ng'okozesa ekyuma ekisongovu.

Okuvaayo 29:6

Oidha kumusiba ekitambaala ku mutwe era ote engule entukuvu ku kitambaala ekyo.

Okuvaayo 39:27

Era baakolera Aaroni ni batabane be ebivaalo,

Okuvaayo 39:30

Agho baakola akabaati ak'engule entukuvu mu zaabu omukenenule, baakataaku ekighandiiko, ng'omubaadhi ow'amabaale ag'omughendo bw'agasalaku obumanhiso ng'akozesa ekyuma ekisongovu, ekighandiiko nga kikoba kiti: “Yayawulibwa nga wa Musengwa Katonda.”

Okuvaayo 39:31

Baakozesa akagugha ak'erangi ya nakasooma, baasiba akabaati ako ku kitambaala eky'oku mutwe ghaigulu. Atyo Musengwa Katonda bweyalagira Musa.

Isaia 23:18

Ebirivanga mu kusuubula kwakyo, balibighangayo byaba bya Musengwa Katonda. Abantu abasinza Musengwa Katonda balibikozesanga okugula emere n'engoye bye beetaaga, mu kifo ky'okubitereka ni byebunga obwa agho.

Ezekieli 43:12

Lino n'eiteeka ery'eisinzizo: Ekifo kyonakyona ekyezungulwire eisinzizo agho ku ngulu kw'olusozi, kifo kitukuvu inho. Eryo n'eiteeka ly'eisinzizo.”

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 19:2

akobere ekikunsu kyonakyona eky'Abaisiraeli ati: “Mubenga batukuvu, kuba nze Musengwa Katonda waimwe ndi omutukuvu.

Abalevi 8:9

Yaamusiba ekitambaala ku mutwe, era agho mu maiso gaakyo yaakisibaku akapande aka zaabu, ng'eyo n'engule entukuvu, nga Musengwa Katonda bweyamulagira.

Zekaria 14:20

Mu kiseera ekyo, ni bwebiba ebide obude bye basiba mu mbalaasi, byona biriba bighandiikiibwaku biti: “Yayawulibwa nga ya Musengwa Katonda.” N'entamu edh'omu isinzizo lya Musengwa Katonda dhiritwalibwanga okuba entukuvu ng'oti n'ebibya ebiba emberi gh'alutaari.

Abaheburayi 12:14

Mufaabiikanenga okuba n'emiraala y'abantu boonaboona era mufaabiikanenga okuba n'obutukuvu, kuba aghazira obwo, ghazira alibona Musengwa.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.