Okuvaayo 28:30 - Baibuli Ekibono kya Katonda 2014

³⁰ Era mu kivaalo ekyo eky'omu kifuba, Omukulu wa Bakabona ky'anaakozesanga okumanha nze Musengwa Katonda kye nhenda, oidha kutaamu ebintu eby'okukozesebwanga kabona oyo okumanha kye nhenda ebyetebwa Urimu ni Thummimu, bibenga mu kifuba kye ng'ali kwidha mu maiso gange. Mu nsambo eyo Aaroni, aidha kubanga n'obusobozi mu kifuba kye obw'okumanhanga kye nhenda Abaisiraeli bakole.”

Okuvaayo 28:30 ပူးပေါင်းရင်းမြစ်များ

Ezera 2:63

Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona asobola okwebuuza ku Musengwa Katonda ng'akozesa Urimu ni Thummimu.

Nehemia 7:65

Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona aghanga okwebuuza ku Musengwa Katonda ng'akozesa Urimu ni Thummimu.

Okuvaayo 28:29

“Mu nsambo eyo, Aaroni aidha kubanga n'amaina ag'abaana ba Yakobo ku kivaalo kye eky'omu kifuba, mwene ng'Omukulu wa Bakabona ky'anaakozesanga okumanha Katonda ky'ayenda buli lw'anaajanga mu Kifo Ekitukuvu mu maiso ga Katonda kibe eky'okwidhusa eri Abaisiraeli.

Abalevi 8:8

Yaamuvaaza ekivaalo eky'omu kifuba, yaakitaamu ebintu ebyetebwa Urimu ni Thummimu.

Zekaria 6:13

Oyo n'alizimba eisinzizo eryo, era oyo ye baligha ekitiisa eky'obwakyabazinga, yaaba mufuzi. Ghalibaagho kabona alibanga agho okumpi n'ekityamo kye eky'obwakyabazinga, nga bombi bategeeragana mu miraala.’

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

2 Ab'e Korintho 12:15

Ndidha kughaayo ebyange byonabyona n'obusangaavu, era ninze mwene neegheereyo irala olw'emyoyo gyaimwe. Bwe neeyongera okubagonza kiba kitegeeza nti imwe muli nakukendeeza kungonza?

2 Ab'e Korintho 7:3

Tyogera ntyo lwa kubanenia aye nga bwe nabakoberaku eira muli bagonzi ye tuli, era buliidho tuli ghalala n'imwe, oba mu bulamu oba mu kufa.

Amateeka Agokubiri 33:8

Yaasabira Abalevi ati: “Wo Musengwa Katonda, kozesa Urimu ni Thummimu, oyoleke abantu bo ky'oyenda, ng'obita mu Balevi abagheereza bo abeesigwa. Wabaleba e Massa, waakakasa nga batuufu gha maadhi g'e Meriba.

Abaheburayi 2:17

Mbeeni kye kyava kimugwanira okuba nga baganda be mu byonabyona, memale asobole okugheereza Katonda ng'Omukulu wa Bakabona, ow'ekisa era omwesigwa, asoniyise abantu ebibi byaibwe.

Abaheburayi 4:15

Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.

Abaheburayi 9:12

Yangira mu Kifo Ekitukuvu Einho omukuzi mulala guti gwamala, nga tatwalayo musaayi gwa mbuzi na nte nto ng'omusengo, aye ng'atwala omusaayi gwe mwene olw'okutufunira okununulibwa okutawaagho.

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.

Abalamuzi 1:1

Agho Yoshua ng'amaze okufa, Abaisiraeli baabuuza Musengwa Katonda bati: “Kika ki ekibe kisooke okuja okulumba Abakanaani okubalwanisa?”

Abalamuzi 20:18

Abaisiraeli beesitula baaniinaniina okuja e Betheli, baabuuza Katonda bati: “Kika ki ekibe kisooke okulumba Ababenjamini?” Yaabairamu ati: “Ekika kya Yuda n'ekibe kisooke.”

Abalamuzi 20:23

Agho baaniinaniina okuja mu kifo ye basinziza, baalirira mu maiso ga Musengwa Katonda okutuusa eigulo. Baabuuza Musengwa Katonda bati: “Twiremu kabiri okulumba baganda baife Ababenjamini tubalwanise?” Musengwa Katonda yairamu ati: “Muje mubalwanise.”

1 Samueli 28:6

Era yeebuuza ku Musengwa Katonda, aye Musengwa Katonda yaaloba kumwiramu, ka mube mu birooto, oba mu kukozesa Urimu, oba waire ng'abita mu balanzi.