Okuvaayo 28:3 - Baibuli Ekibono kya Katonda 2014

³ Oidha kwogera n'abantu abasobola okukola ekyo, abantu be nagha amagezi n'obumanhi, bamukolere ebivaalo ayawulibwe ankolere omulimo ogw'obwakabona.

Okuvaayo 28:3 ပူးပေါင်းရင်းမြစ်များ

1 Bakyabazinga 7:14

Hiramu oyo yali musaadha mugezi, ng'ali n'obumanhi mu kutetenkania n'okukola emirimo gyonagyona egy'okugheesa ebintu mu kyuma eky'ekikomo. Yali mutabane wa namwandu ow'omu kika kya Nafutali. Ise yali mutyamye ow'e Tiro, era nga mugheesi wa bintu eby'ekyuma eky'ekikomo. Hiramu oyo, yaidha eri kyabazinga Solomoni, yaamukolera emirimo gye gyonagyona.

Okuvaayo 35:10

“Kiisi ali n'obumanhi obw'okukola, aidhe tukole ebyo Musengwa Katonda bye yalagira.

Okuvaayo 35:25

Abakazi boonaboona abaali baidhi okulanga ewuuzi n'engalo baalanga ewuuzi edha bbululu, n'edha nakasooma, n'edha kasaayisaayi, n'edh'engoye empegheevu, baadhireeta.

Okuvaayo 35:30

Agho Musa yaakobera Abaisiraeli ati: “Musengwa Katonda yalonda Bezalelo mutabane wa Uri, era mwidhukulu wa Hura, era nga wa mu kika kya Yuda.

Okuvaayo 35:31

Katonda yaatoola ku maani ge ye mwene yaagamugha, era yaamugha obusobozi, n'amagezi, n'obumanhi, era yaamugha okutetenkania n'okuyiiya.

Okuvaayo 35:35

Musengwa Katonda yaabaidhuza amagezi, nga basobola okukola kiisi mulimo gwonagwona: ka gube ogw'omubaadhi ow'amabaale ag'omughendo, oba ogw'omuyiiya, oba ogw'omulusi ow'engoye, oba ogw'adholiga engoye ng'akozesa n'empiso n'ewuuzi ka dhibe dha bbululu, oba dha nakasooma, oba dha ngoye mpegheevu. Era baasobola okukola kiisi mulimo ogwetaagisa okutetenkania.

Okuvaayo 36:1

“Bezalelo, ni Oholiabu, na kiisi muntu yeenayeena aghanga okukola, Musengwa Katonda b'aghaire obusobozi n'okutegeera ebyetaagisa mu kukola Weema entukuvu, baidha kukola ebyo byonabyona nga Musengwa Katonda bweyalagira.”

Okuvaayo 36:2

Agho Musa yaayeta Bezalelo, ni Oholiabu, na kiisi muntu yeenayeena aghanga okukola, Musengwa Katonda ye yagha obusobozi, era eyawulira mu mwoyo gwe ng'alumirwa Weema ey'Okwagaananirangamu ni Musengwa Katonda.

Ensambo 2:6

Musengwa Katonda n'agha abantu amagezi; era mu by'akoba n'omuva okumanha n'okutegeera.

Isaia 11:2

Omwoyo gwa Musengwa Katonda gulimubaaku, gwamugha amagezi n'okutegeera, era gwamulamba yaafuna amaani, agalimusobozesa okumanha Musengwa Katonda.

Ab'Efeso 1:17

Katonda wa Musengwa waife Yesu Kurisito, Lata ow'ekitiisa, abaghe Mwoyo ow'amagezi era ayoleka, mumumanhe.

Amateeka Agokubiri 34:9

Yoshua mutabane wa Nuni yali ng'aidhwire amagezi, kuba Musa yali ng'amaze okumutaagho aire mu kifo kye. Kale ni Abaisiraeli baawuliranga Yoshua oyo, era baakolanga nga Musengwa Katonda bwe yalagira Musa.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.