Okuvaayo 28:17 - Baibuli Ekibono kya Katonda 2014

¹⁷ Ku kivaalo ekyo oidha kutaanhaku obunhiriri buna obw'amabaale ag'omughendo. Akanhiriri akasooka kaidha kubaaku amabaale ageetebwa, saradiu, ni topazi, ni karabunkule.

Okuvaayo 28:17 ပူးပေါင်းရင်းမြစ်များ

Okuvaayo 28:11

Oidha kughandiika amaina ag'abaana ba Yakobo ku bibaadho ebyo ebibiri eby'eibaale, ng'oti n'omubaadhi ow'amabaale ag'omughendo bw'asala obumanhiso. Bw'omala obiteeku emigo egya zaabu,

Okuvaayo 28:16

Kiri n'okuba nga kiwumbe kyamu, endhuyi dhaakyo eina dhaaba nga dhaagayaga, obuleeyi sentimita amakumi abiri na ibiri, n'obugazi sentimita amakumi abiri na ibiri.

Okuvaayo 28:18

Ate akanhiriri akokubiri kabeeku ageetebwa emeraludo, saffiro, ni diamondi.

Okuvaayo 28:9

Oidha kufunayo ebibaadho bibiri eby'eibaale ery'omughendo eryetebwa onikisi, oghandiikeku amaina ag'abaana ba Yakobo ng'okozesa ekyuma ekisongovu.

Ensambo 20:15

Eriyo zaabu era yaabaayo n'amabaale ag'omughendo kamaala; aye omuntu ayogera eby'amagezi wa mughendo inho okuwulagho.

Ensambo 3:15

Amagezi ga mughendo inho okuwula amabaale ag'omughendo, era mu bintu byonabyona ebyegombebwa ezira kisobola kugeefaanaanirizaaku.

Ensambo 31:10

Naani asobola okuzuula omukazi ow'empisa enkalamu? Omukazi oyo wa mughendo okusinga ebintu ebyakolebwa mu mabaale ag'omughendo.

Ensambo 8:11

Amagezi ga mughendo inho okuwula amabaale ag'omughendo, era mu bintu byonabyona ebyegombebwa ezira kisobola kugeefaanaanirizaaku.”

Okulira 4:7

Abakungu ab'omu Yerusalemu baali nga batukula okusinga amabaale ag'omugozi era nga beeru okusinga amata; emibiri gyaibwe nga gya maani era nga ginherengeta okusinga eibaale ery'omughendo eryetebwa korali, era nga baboneka bulungi inho ng'oti n'eibaale ery'omughendo eryetebwa saffiro.

Ezekieli 28:13

Wabanga mu Edeni, enimiro ya Katonda. Ng'ovaala eby'okwewoomya ebyakolebwa mu mabaale ag'omughendo: sarudio, topazi, yasipera, kurisolito, berulo, onikisi, saffiro, karabunkule ni emeraludo. Era ng'oba n'ebyamadholobera ebya zaabu. Ebyo byonabyona byakolebwa ku lunaku lwe watonderwaku.

Malaki 3:17

Musengwa Katonda Afuga Amagye akoba ati: “Abo baliba bantu bange, nga bange mu ngeri ey'endhawulo. Era ku lunaku lwe ndituukirizaaku ekibonerezo kye ntegeike, abo ndibasaasira ng'omuzaire bw'asaasira omwana we omugonvu amugheereza.