Okuvaayo 28:12 - Baibuli Ekibono kya Katonda 2014

¹² era obite ku nsibiro edhisiba ekivaalo ekyo eky'obwakabona ku mabega, dhibe eky'okwidhusa eri Abaisiraeli. Mu nsambo eyo Aaroni aidha kubanga n'amaina gaibwe ku mabega ge mu maiso ga Musengwa Katonda ng'ekiidhukizo.

Okuvaayo 28:12 ပူးပေါင်းရင်းမြစ်များ

Yobu 31:36

bwenebwene nandigubbeedeire ku ibega gwabonebwa. Nandigutaire ku mutwe gwange ng'oti ngule.

Zabbuli 89:19

Wabonekera abagheereza bo abeesigwa mu biseera eby'eira, waabakoba oti: “Ntaire omukono gwange ku mulwani ow'amaani okumubeera; ngulumiiza oyo ye nalonda mu bantu.

Okuvaayo 12:14

“Olunaku olwo, mwidha kulwidhukiranga era mulukuzenga nga mukola ekibinuko ekyoleka okusiima kwaimwe eri nze Musengwa Katonda. Ense n'ense edhiriiragho dhiri n'okulukuzanga, era kino kiragiro ekiri n'okugonderwa ebyanda n'ebyanda.”

Okuvaayo 13:9

Era lwidha kubabeereranga kamanhiso ng'oti n'omuntu k'ata ku mukono, era lubabeerenga ekiidhukizo ng'oti n'omuntu ky'asiba mu bweni, olwo amateeka ga Musengwa Katonda galobenga kubava ku minwa; kuba Musengwa Katonda yabatoola mu Misiri ng'akozesa amaani ge agataloodheka.

Okuvaayo 28:11

Oidha kughandiika amaina ag'abaana ba Yakobo ku bibaadho ebyo ebibiri eby'eibaale, ng'oti n'omubaadhi ow'amabaale ag'omughendo bw'asala obumanhiso. Bw'omala obiteeku emigo egya zaabu,

Okuvaayo 28:29

“Mu nsambo eyo, Aaroni aidha kubanga n'amaina ag'abaana ba Yakobo ku kivaalo kye eky'omu kifuba, mwene ng'Omukulu wa Bakabona ky'anaakozesanga okumanha Katonda ky'ayenda buli lw'anaajanga mu Kifo Ekitukuvu mu maiso ga Katonda kibe eky'okwidhusa eri Abaisiraeli.

Okuvaayo 28:7

Kiri n'okubaaku ensibiro edhikisiba ku mabega.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 62:6

Iwe Yerusalemu, ntaire abakuumi ku bimante byo, abataidha kusirikanga omusana n'obwire. Bateekwa okwidhukizanga Musengwa Katonda atuukirize bye yasuubiza, nga tibawuumulamu naire.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Abalevi 24:7

Era mutanga obubbaani obusinga bulungi ku buli muteeko, bukole mu kifo ky'emigaati nga n'akamanhiso akooleka nga byonabyona bigheereibwayo eri Musengwa Katonda oyo ng'ekigheebwayo ekyokebwa.

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Okubala 31:54

Musa ni Eleazari kabona, baatwala zaabu oyo ye baatoola ku baduumizi abo ab'abaisirukale enkumi n'enkumi n'ebikumi n'ebikumi, baamuta mu Weema ey'Okwagaananirangamu ni Musengwa Katonda, abenga ekiidhukizo eky'Abaisiraeli mu maiso ga Musengwa Katonda.

Luka 1:54

Yayamba Isiraeli omugheereza we, ng'aidhukira ekisa kye:

Luka 1:72

Alage okusaasira kwe yasuubiza badhaadha baife, aidhukire endagaano ye entukuvu.

Ebikolwa by'Abatume 10:4

Korunelio yaamulingirira era ng'atya, yaamukoba ati: “Musengwa, kiki?” Malaika yaamwiramu ati: “Katonda aidhukiire okusaba kwo n'okutona kwo.

1 Ab'e Korintho 11:24

era bwe yamala okusiima Katonda, yaagumegulamu era yaakoba ati: “Guno n'omubiri gwange oguligho ku lwaimwe. Mukolenga kino olw'okundidhukiranga.”

Amateeka Agokubiri 33:12

Yaasabira Ababenjamini ati: “Bano n'abantu Musengwa Katonda b'agonza. Baidha kubanga mu miraala gh'ali. Aidha kubakuumanga ekiseera kyonakyona, era aidha kubabangamu.”

Yoshua 4:7

Nga mubakobera muti, ‘Amaadhi ag'omwiga Yorudani gaalekera agho okutambula, Sanduuku y'Endagaano bweyali ng'eri kusala omwiga ogwo.’ Kale amabaale ago ganaabanga kiidhukizo eri abantu Abaisiraeli ebyanda n'ebyanda.”