Okuvaayo 28:11 - Baibuli Ekibono kya Katonda 2014

¹¹ Oidha kughandiika amaina ag'abaana ba Yakobo ku bibaadho ebyo ebibiri eby'eibaale, ng'oti n'omubaadhi ow'amabaale ag'omughendo bw'asala obumanhiso. Bw'omala obiteeku emigo egya zaabu,

Okuvaayo 28:11 ပူးပေါင်းရင်းမြစ်များ

Yobu 19:24

Ngoli kubaadhiibwa mu lubaale n'ekyuma ekisongovu, ni baidhuza mu nukuta eisasi eisaanuuse, olwo kusomebwenga enaku dhoonadhoona.

Okuvaayo 28:10

Amaina ag'abaana omukaaga oidha kugaghandiika ku kibaadho ekindi, n'omukaaga ag'abandi ku kindi ng'ojiira ku bwe bairaganwaku mu kuzaalibwa.

Okuvaayo 28:12

era obite ku nsibiro edhisiba ekivaalo ekyo eky'obwakabona ku mabega, dhibe eky'okwidhusa eri Abaisiraeli. Mu nsambo eyo Aaroni aidha kubanga n'amaina gaibwe ku mabega ge mu maiso ga Musengwa Katonda ng'ekiidhukizo.

Okuvaayo 28:21

era nga bwe gali amabaale eikumi n'abiri, buli irala liidha kukolebwa ng'oti n'empeta ekozesebwa ng'akamanhiso, nga lighandiikiibwaku n'ekyuma ekisongovu eriina irala ku maina ag'abaana ba Yakobo, ku lw'ebika byaibwe eikumi n'ebibiri.

Okuvaayo 28:25

Ate endhuyi edhindi edh'endhegere edho odhisibe ku migo gire ebiri, olwo ekivaalo kino eky'omu kifuba kibe nga kiyimbibwa emberi ku nsibiro edhisiba ekivaalo eky'obwakabona ku mabega.

Okuvaayo 28:36

Agho Musengwa Katonda yaalagira Musa ati: “Era oidha kukola akabaati aka zaabu omukenenule okaghandiikeku ng'oti n'ole asala obumanhiso mu mabaale bw'akola oidha kughandiikaku oti, ‘Yayawulibwa nga wa Musengwa Katonda.’

Okuvaayo 39:13

Olwo akokuna kaabaaku ageetebwa berulo, ni onikisi, ni yasipera. Bwe baamala baagataaku omugo gwa zaabu.

Okuvaayo 39:18

Ate endhuyi edhindi edh'endhegere edho, baadhisiba ku migo gire ebiri. Olwo ekivaalo kino eky'omu kifuba kyaba nga kiyimbiibwa emberi ku nsibiro edhisiba ekivaalo eky'obwakabona ku mabega.

Okuvaayo 39:6

Baafunayo amabaale amabaadhe abiri ag'ekika eky'eibaale ery'omughendo eryetebwa onikisi, baagataaku emigo gya zaabu, baagasalaku amaina ag'abaana ba Yakobo, ng'oti n'omubaadhi ow'amabaale ag'omughendo bw'agasalaku obumanhiso.

Yeremia 22:24

Musengwa Katonda akoba ati: “Nga bwendi omulamu, iwe kyabazinga Konia mutabane wa Yehoiakimu kyabazinga wa Buyudaaya, ni bwe wandibaire ng'oli mpeta eba ku lwala lwange ku mukono omusaadha, eriku akamanhiso ak'obwakyabazinga, era nandikutoireku.

Zekaria 3:9

Bona, nja kuta mu maiso ga Yoshua eibaale nga liriku endhuyi musanvu, nditoneku n'ekighandiiko. Era nditoolagho ekibi eky'ensi eno mu lunaku lulala luti lwonka.

Ab'Efeso 1:13

Era mu Kurisito oyo, n'imwe mwena abaawulira ekibono eky'amazima eky'Amawulire Amalungi ag'okulokolebwa kwaimwe era ni mwikiriza Kurisito, Katonda yabasibaku akamanhiso ng'abagha Mwoyo Mutukuvu ye yasuubiza.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

Okwolekebwa 7:2

Era naabona malaika owundi ng'ali kuniinaniina okuva e buvandhuba, ng'ali n'ekitaaku akamanhiso ka Katonda omulamu. Yaayeta n'amaani bamalaika abana abaali bagheereibwa obukumu okuzikiriza obukalu n'enhandha ku nsi.