Okuvaayo 28:1 - Baibuli Ekibono kya Katonda 2014

¹ Agho Musengwa Katonda yaalagira Musa ati: “Mu bantu boonaboona Abaisiraeli oidha kulondamu Aaroni muganda wo, ni batabane, Nadabu, ni Abihu, ni Eleazari, ni Ithamari, obaawule bampeereze nga bakabona.

Okuvaayo 28:1 ပူးပေါင်းရင်းမြစ်များ

1 Ebyomubyanda 23:13

Amuramu yaazaala Aaroni ni Musa. Aaroni yaayawulibwa n'ab'oku nda ye okulabiriranga ebintu ebitukuvu ebyanda n'ebyanda, okuniokezanga obubbaani mu maiso ga Musengwa Katonda n'okumugheerezanga, n'okusabiranga abantu enkabi mu liina lye.

1 Ebyomubyanda 6:10

Yohanani yaazaala Azaria eyakola obwakabona mu isinzizo, Solomoni lye yazimba mu Yerusalemu.

1 Ebyomubyanda 6:34

mutabane wa Elukana, Elukana mutabane wa Yerohamu, Yerohamu mutabane wa Elieli, Elieli mutabane wa Toa, Toa

2 Ebyomubyanda 11:14

Abalevi abo baaleka eyo ebyayiro byaibwe n'ebibandha, baidha mu Buyudaaya ni mu Yerusalemu, kuba kyabazinga Yeroboamu n'abo abaamusikira, baabinga Abalevi abo, baabalobera okugheereza Musengwa Katonda nga bakabona.

Zabbuli 115:10

Imwe bakabona abagheereza Katonda, mwesigenga Musengwa Katonda! Oyo n'ababeera era n'abakuuma.

Zabbuli 99:6

Musa ni Aaroni baali bakabona be, ate Samueli yaaba owundi ku abo abaamusabanga. Abantu abo baaliriranga Musengwa Katonda, yaabaghanga kye baamusabanga.

Okuvaayo 24:1

Agho Musengwa Katonda yaakoba Musa ati: “Iwe, ni Aaroni, ni Nadabu, ni Abihu, aghalala n'abakulu ab'ebikunsu mu Isiraeli nsanvu, muniine olusozi nga mwidha ye ndi nze. Aye bwe munaaba nga mukaali ghalaku, musooke mukube amakiryaivu munsinze.

Okuvaayo 24:9

Agho Musa, ni Aaroni, ni Nadabu, ni Abihu, ghalala n'abakulu ab'ebikunsu mu Isiraeli nsanvu, baaniina olusozi

Okuvaayo 28:41

Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Okuvaayo 29:1

“Buti kino ky'oja okubakolaku mu kubaawula, olwo bampeereze nga bakabona. Funayo ente enume ento n'entaama enume ibiri, nga dhiziraku kikyamu kyonakyona

Okuvaayo 29:44

Ndidha kutukuza alutaari n'Eweema ey'Okwagaananirangamu, era ntukuze ni Aaroni ni batabane be, bampeerezenga nga bakabona.

Okuvaayo 29:9

obasibe enkoma mu nkende era obavaaze n'enkuufiira ku mitwe. Otyo bw'oidha okwawula Aaroni ni batabane babe bakabona. Era obwakabona bwidha kubanga bwaibwe olw'ekiragiro ekitaja kuvaagho.

Okuvaayo 30:30

Memale olwo osiige Aaroni ni batabane omuzigo obatukuze baghange okumpeereza nga bakabona.

Okuvaayo 31:10

N'ebivaalo ebirungi einho ebya Aaroni, n'ebya batabane, eby'okukola obwakabona,

Okuvaayo 35:19

Era tukozese bino: ebivaalo ebirungi einho, eby'okugheerezebwamu kabona mu Kifo Ekitukuvu, n'ebivaalo bya Aaroni kabona ebitukuvu, n'ebivaalo ebitukuvu ebya batabane eby'okugheererezangamu nga bakabona.”

Okuvaayo 6:23

Aaroni yaafuna omukazi nga bamweta Elisheba, mughala wa Amminadabu era nga mwanhina Nahashoni. Baazaala abaana era nga ni bano: Nadabu, Abihu, Eleazari ni Ithamari.

Abalevi 10:1

Agho Nadabu ni Abihu batabane ba Aaroni, baatoola ebiniokezebwaku obubbaani, buli mulala ekikye, baabitaamu omuliro baataaku obubbaani, baabuniokeza mu maiso ga Musengwa Katonda. Aye omuliro ogwo tigwali mutukuvu, kuba Musengwa Katonda ti n'eyabalagira okuguleeta.

Abalevi 10:12

Agho Musa yaakoba Aaroni ni batabane be abaasigalagho nga balamu, Eleazari ni Ithamari, ati: “Mutwale ekigheebwayo eky'emere ey'empeke ekisigairegho ku bigheebwayo eri Musengwa Katonda ebyokebwa, mubikolemu emigaati egitazimbulukusiibwa, mugiriire ku mbali kw'alutaari, kuba ekigheebwayo ekyo kitukuvu inho.

Abalevi 7:35

Ogwo n'omugabo ogutoolebwa ku by'okulya ebigheebwayo eri Musengwa Katonda ebyokebwa, ogwagheebwa Aaroni ni batabane be ku lunaku lwe baasiigibwa omuzigo, ni baawulibwa okugheereza Musengwa Katonda nga bakabona.

Abalevi 8:1

Musengwa Katonda yaalagira Musa ati:

Abalevi 8:2

“Twala Aaroni ni batabane be, otwale n'ebivaalo, n'omuzigo ogusiigibwa, n'ente ey'ekigheebwayo olw'ebibi, n'entaama enume eibiri, n'ekiibo ekirimu emigaati egitazimbulukusiibwa.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Okubala 2:4

era nga bali abantu emitwalo musanvu n'enkumi ina na lukaaga (74,600).

Okubala 26:61

Aye Nadabu ni Abihu baafa, bwe baaleeta omuliro ogutali mutukuvu mu maiso ga Musengwa ng'ekigheebwayo.

Luka 1:8

Lwali lulala, Zekaria bwe yali ng'ali ku mulimo gwe ogw'obwakabona mu maiso ga Katonda, mu lugobo olw'ekikunsu kye,

Amateeka Agokubiri 10:6

(Agho Abaisiraeli baasimbuka, baatambula nga bava ku nsulo edh'Abayaakani, baatuuka e Mosera. Aaroni yaafiira eyo, era yaaziikibwa eyo. Mutabane we Eleazari yaamusikira nga kabona.

Amateeka Agokubiri 18:5

Kuba mu bika byaimwe byonabyona, Musengwa Katonda waimwe yalondamu eky'Abalevi, bamugheerezenga enaku dhoonadhoona mu kifo kye eky'okumusinzizangamu.

1 Samueli 2:28

Era naamulonda mu bika byonabyona ebya Isiraeli abe kabona wange, ajenga ku alutaari yange, aniokezenga obubbaani, era avaalenga ekivaalo eky'obwakabona mu maiso gange. Era naagha ab'endhu ye ebigheebwayo ebyokebwa byonabyona Abaisiraeli bye bampa.