Okuvaayo 27:9 - Baibuli Ekibono kya Katonda 2014

⁹ “Oidha kutaagho olugugiriro okwezunguluza Weema ey'Okwagaananirangamu ni Musengwa Katonda. Ku luuyi olw'omukono omusaadha olw'e buvandhuba, oidha kutimbayo engoye empegheevu edhigheza mita amakumi ana na ina mu buleeyi.

Okuvaayo 27:9 ပူးပေါင်းရင်းမြစ်များ

1 Bakyabazinga 6:36

Yaazimba oluya olw'omunda nga lwa myaliiro esatu egy'amabaale, n'omwaliiro mulala ogw'emiti emivule.

1 Bakyabazinga 8:64

Ku lunaku olwo, kyabazinga yaatukuza oluya olwa ghagati olwali mu maiso g'eisinzizo, kuba eyo ye yagheerayo ekigheebwayo ekyokebwa kyonakyona okuwaagho, n'ekigheebwayo eky'emere ey'empeke, n'amasavu agaava ku bigheebwayo olw'okutabagana. Yabigheerayo eyo, kuba alutaari ey'ekyuma eky'ekikomo eyali mu maiso ga Musengwa Katonda, yali ntono inho nga tibisobola kusugaku.

2 Ebyomubyanda 33:5

Era yaazimbira eby'oku igulu byonabyona alutaari mu mpya eibiri edh'eisinzizo lya Musengwa Katonda.

2 Ebyomubyanda 4:9

Yaakola oluya olwa bakabona, era n'oluya olukologho. Endhigi edh'oku mulyango ogwali ghagati gh'empya edho dhombi yaadhirimbyaku ekyuma eky'ekikomo.

Zabbuli 100:4

Mungire mu miryango gy'eisinzizo lye nga mumusiima, mutuuke ku mpya dhe nga mumusaaka. Mumusiime era musaake eriina lye,

Zabbuli 116:19

ghano mu Yerusalemu, mu mpya edh'eisinzizo lyo. Mwenamwena musaake Musengwa Katonda!

Zabbuli 84:10

Okumala olunaku olulala mu isinzizo lyo, kusinga okumala enaku olukumi aghantu aghandi woonawoona. Mmala gaba mukuumi ku mulyango gw'endhu ya Katonda wange, ntabaire munda mwa ndhu dha bakozi ba bibi;

Zabbuli 92:13

Bali ng'oti n'emiti egyasimbwa mu ndhu ya Musengwa Katonda, era bakula bukalamu mu isinzizo lya Katonda waife.

Okuvaayo 27:10

Engoye edho dhiidha kuba ku mpango amakumi abiri, edhinaaba nga dheemereire ku bikolo amakumi abiri. Empango edho n'ebikolo byadho, biidha kukolebwa mu kyuma kya kikomo, ate obusumaali bwadho n'obuntu obudhigemagania bikolebwe mu feeza.

Okuvaayo 35:17

Era tukozese bino: olugugiriro olwezungulula Weema ey'Okwagaananirangamu ni Musengwa Katonda, n'empango kwe lutimbibwa, n'ebikolo empango edho kwe dheemerera, n'ekintu ekikinzaagho mu mulyango ogw'olugugiriro olwo.

Okuvaayo 36:17

Ku mbali okw'olusuubo olusembayo ku itaanu edhaasooka okuyimbibwa, baakoleraku obukondo amakumi ataanu, ni ku mbali okw'olusuubo olusembayo ku mukaaga edhairirira okuyimbibwa, baakoleraku obukondo amakumi ataanu.

Okuvaayo 39:40

Era baamuleetera entimbe edh'oku lugugiriro olw'oku Weema Entukuvu, n'empango dhaayo, n'ebikolo byaku, n'ekikinzaagho mu mulyango ogw'olugugiriro, n'emigugha gyaku, n'enkondo dhaaku, n'ebikozesebwa byonabyona mu Weema.

Okuvaayo 40:33

Agho yaataagho olugugiriro okwezunguluza Eweema Entukuvu n'alutaari, era yaasiba ekintu ekikinzaagho mu mulyango ogw'oku lugugiriro olwo. Agho Musa yaaba ng'amaze omulimo.

Okuvaayo 40:8

Mwidha kukola olugugiriro ku Weema Entukuvu, era mu mulyango gwalwo muteemu ekikinzaagho.

Ezekieli 40:14

Bwe yamala yaapima ekisasi eky'oku mulyango ogwingira mu luya olw'omunda, ng'obugazi bwakyo buli mita ikumi.

Ezekieli 40:17

Agho omusaadha yambisa mu mulyango yanfulumya mu luya olw'okuliya. Naabona obusenge amakumi asatu nga baabuzimbira ku kimante eky'okuliya okwezunguluza oluya. Nga n'emberi ghaabwo baayaliiragho amabaale

Ezekieli 40:20

Agho omusaadha yaaja yaapima obuleeyi n'obugazi bw'omulyango ogufuluma mu luya olw'okuliya, ogwali ku luuyi olw'omukono omugooda olw'e buvandhuba.

Ezekieli 40:23

Omulyango guno gwali gulingiriire omulyango ogundi ogwingira mu luya, ng'oti ni gule ogwalingiriranga ku luuyi olw'e buvandhuba bwe gwali. Omusaadha yaapima obuleeyi ghagati gh'emiryango egyo gyombi nga bugheza mita amakumi ataanu.

Ezekieli 40:28

Agho omusaadha yantwala mu luya olw'omunda nga tubitira mu mulyango ogw'oku luuyi olw'omukono omusaadha olw'e buvandhuba. Yaapima omulyango ogwo nga gwagayaga ni gire egindi.

Ezekieli 40:32

Omusaadha yambisa mu mulyango ogw'oku luuyi olw'e buvandhuba, yantwala mu luya olw'omunda. Yaagupima nga gwagayaga ni gire egindi.

Ezekieli 40:44

Agho yaanhingiza mu luya olw'omunda, naabona nga ghaligho ebisenge bibiri. Ekisenge ekindi kyali ku mbali kw'omulyango ogw'oku luuyi olw'omukono omugooda olw'e buvandhuba, nga kiringiriire ku luuyi olw'omukono omusaadha olw'e buvandhuba. Ate ekindi kyaba ku mbali kw'omulyango ogw'oku luuyi olw'omukono omusaadha olw'e buvandhuba, nga kiringiriire ku luuyi olw'omukono omugooda olw'e buvandhuba.

Ezekieli 42:3

Ku luuyi olundi ekizimbe ekyo kyali kiringiriire mu luya lw'eisinzizo olw'omunda, olwali n'obugazi nga bwa mita ikumi. Ate ku luuyi olundi nga kyali kiringiriire amabaale ge baayaliira ku luya olw'eisinzizo olw'okuliya. Baakizimba nga kya kalina isatu nga kalina eya ghansi esingaku yiinaayo egiri ghaigulu obugazi.

Okubala 3:26

n'entimbe edheezungulula oluya, n'ekintu ekikinzaagho mu mulyango ogw'oluya olwezungulula Weema eyo ni alutaari, n'emigugha gyaku. Nga n'abalabirira emirimo egigemagana n'ebintu ebyo byonabyona.

Okubala 4:26

n'olugugiriro olwezungulula oluya lwa Weema eyo, n'ekintu ekikinza gha mulyango ogwingira mu luya olwezungulula Weema eyo ni alutaari, n'emigugha gyaku, era n'ebintu byonabyona ebikozesebwa mu kutaagho ebintu ebyo.

Okubala 4:32

n'empango edh'oluya olwezungulula Weema eyo, n'ebikolo byadho, n'enkondo edhireega, n'emigugha, n'ebintu ebikozesebwa ku bintu ebyo. Buli muntu oidha kumughanga ekintu ky'anaabanga n'okubbeeda.