Okuvaayo 27:21 - Baibuli Ekibono kya Katonda 2014

²¹ Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 27:21 ပူးပေါင်းရင်းမြစ်များ

Amainhama 1:5

Obutangaavu yaabweta Omusana, ate enzikiiza yaagyeta Obwire. Bwaziba era bwakya olwo lwaba nga n'olunaku olusooka.

Amainhama 1:8

Ekyawulamu ekyo Katonda yaakyeta Eigulu. Bwaziba era bwakya olwo lwaba nga n'olunaku olwokubiri.

2 Ebyomubyanda 13:11

Baniokeza obubbaani obuwunha akawoowo eri Musengwa Katonda, baaghaayo n'emisengo egyokebwa gyonagyona okuwaagho, buli nkyo na buli igulo. Baata emigaati egigheereibwayo eri Katonda ku meeza entukuvu, era buli igulo baalabiriranga ekikondo ky'entaala ekya zaabu, okubona ng'entaala dhaaku dhaaka. Ife tukola ebyo Musengwa Katonda waife bye yalagira. Aye imwe mwamuvaaku.

Zabbuli 134:1

Mwidhe tusaake Musengwa Katonda, imwe mwenamwena abagheereza ba Musengwa Katonda ababa mu ndhu ye obwire nga mugheereza. Musaake Musengwa Katonda.

Okuvaayo 12:14

“Olunaku olwo, mwidha kulwidhukiranga era mulukuzenga nga mukola ekibinuko ekyoleka okusiima kwaimwe eri nze Musengwa Katonda. Ense n'ense edhiriiragho dhiri n'okulukuzanga, era kino kiragiro ekiri n'okugonderwa ebyanda n'ebyanda.”

Okuvaayo 16:34

Kale nga Musengwa Katonda bweyalagira Musa, Aaroni bweyakola, yaatoola ekidoome yaakita aghali Sanduuku ey'Endagaano, kiterekebwe.

Okuvaayo 25:16

Mu sanduuku omwo oidha kutaamu ekiidhukizo kye ndidha okukugha.

Okuvaayo 28:43

Aaroni ni batabane baidha kuvaalanga ebivaalo ebyo buliidho memale bangire mu Weema ey'Okwagaananirangamu ni Musengwa Katonda, oba baseete ye Alutaari okugheereza nga bakabona mu Kifo Ekitukuvu. Bwe batakola batyo balyereetaku omusango era baafa. Kino kiragiro ekitaja kuvaagho eri Aaroni n'abaana be era n'abaidhukulu.

Okuvaayo 29:28

Buli Baisiraeli lwe banaaleetanga akafumito n'ekisambi ng'ekigheebwayo olw'okutabagana, ebintu ebyo byombi binaateekwanga okuba ebya Aaroni ni batabane lubeerera. Ebintu ebyo n'ekigheebwayo abantu kye bampa nze Musengwa Katonda.

Okuvaayo 29:42

Buliidho mwidha kughangayo ekigheebwayo ekyo ekyokebwa n'omuliro ebyanda n'ebyanda. Mwidha kukigheerangayo ku mulyango ogw'Eweema ey'Okwagaananirangamu ni Musengwa Katonda, ghe naayagaanananga n'abantu bange era ni ndhogera n'iwe.

Okuvaayo 29:44

Ndidha kutukuza alutaari n'Eweema ey'Okwagaananirangamu, era ntukuze ni Aaroni ni batabane be, bampeerezenga nga bakabona.

Okuvaayo 30:21

Baidha kunaabanga mu ngalo ni ku bigere balobe kufa. Ekyo kiidha kuba kiragiro kye baidha okukuumanga beene, n'abaana, n'abaidhukulu ense n'ense.”

Okuvaayo 30:36

Era oidha kutoola ku obwo butonotono obusekule bukalamu, obumwage gha mberi w'Esanduuku ey'Endagaano mu Weema ey'Okwagaananirangamu ni Musengwa Katonda, ghe ndidha okukwagaana. Muli n'okutwala obubbaani obwo ng'ekintu ekitukuvu einho.

Okuvaayo 30:8

Era bw'anaajanga okukunaania entaala olw'eigulo, anaaniosanga kabiri obubbaani obwo. Era bwidha kuniosebwanga mu maiso ga Musengwa Katonda ense n'ense.

Okuvaayo 40:3

Mwidha kutaamu Esanduuku ey'Endagaano, era mugikingirize n'olutimbe olwawula Ekifo Ekitukuvu Einho ku Kifo Ekitukuvu.

Abalevi 10:9

“Iwe ni batabane bo, bwe munaabanga munhweire ku mwenge ogw'emizabbibu, oba ekitamiiza ekindi kyonakyona, mutaingiranga mu Weema ey'Okwagaananirangamu ni Musengwa Katonda. Bwe mulikikola, muja kufa. Eiteeka eryo linaakuumibwanga ab'olulyo lwaimwe enaku dhoonadhoona.

Abalevi 16:34

Eiteeka eryo munaalikuumanga enaku dhoonadhoona, nga mutaagho omukolo ogw'okutukuza, omukuzi mulala buli mwaka, olw'okutoola ku Baisiraeli ebibi byaibwe.” Musa yaakola nga Musengwa Katonda bweyamulagira.

Abalevi 17:7

Kale Abaisiraeli tibaidha kwongeranga kuba batali beesigwa eri Musengwa Katonda, nga baghaayo emisengo gyaibwe eri emisambwa egiri ng'oti mbuzi. Eiteeka eryo banaalikuumanga enaku dhoonadhoona.’

Abalevi 23:14

Mutalyanga ku ngaano mpyaka naire, k'ebe nga mbisi, oba nga nkalange, oba ng'ekoleibwamu omugaati, okutuusa nga mumaze okuleeta ekigheebwayo kya Katonda waimwe. Eiteeka lino linaakuumibwanga ab'olulyo lwaimwe boonaboona, enaku dhoonadhoona, buli ye banaabanga.

Abalevi 23:21

Ku lunaku olwo munaalangiriranga, mwesoloza okunsinza. Mutakolanga mulimo waire omulala ku egyo gye mukola buliidho. Eiteeka lino munaalikuumanga ebyanda n'ebyanda, mu nse dhoonadhoona, eyo yoonayoona ye munaabanga.

Abalevi 24:2

“Koba Abaisiraeli bakuleetere omuzigo omukenenule ogukamwirwa mu bibala eby'emiti emyoliva ebisekwirwa, ogw'okuta mu ntaala enaayakanga obutazikira.

Abalevi 24:3

Buli igulo, Aaroni aidha kugikunaanianga, agireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi ow'Esanduuku ey'Endagaano, mu Kifo Ekitukuvu einho agho mu Weema ey'Okwagaananirangamu ni Musengwa Katonda. Eiteeka eryo liidha kukuumibwanga ebyanda n'ebyanda.

Abalevi 24:9

Emigaati egyo ginaabanga gya Aaroni ni batabane be, era bagiriiranga mu kifo ekitukuvu, kuba ekyo n'ekitundu ekitukuvu einho eky'eby'okulya ebigheebwayo eri Musengwa Katonda.”

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Abalevi 3:8

Anaatanga omukono gwe ku mutwe gwayo, yaagiitiranga agho emberi w'Eweema ey'Okwagaananirangamu ni Musengwa Katonda. Agho bakabona ab'oku lulyo lwa Aaroni banaamansiranga omusaayi gwayo ku ndhuyi dhoonadhoona edh'alutaari.

Abalevi 6:15

Anaayoolangaku omuganda ku buwunga obwo obuseereibwa obukalamu, n'omuzigo, n'obubbaani bwonabwona ebireeteirwaku, byonabyona yaabyokera ku alutaari, ng'akamanhiso akooleka nga byonabyona bigheereibwayo eri Musengwa Katonda. Akawoowo kaabyo kasangaaza Musengwa Katonda.

Abalevi 7:36

Ku lunaku olwo Musengwa Katonda yalagira Abaisiraeli okughanga bakabona abo omugabo ogwo. Ekyo Abaisiraeli bali n'okukituukirizanga enaku dhoonadhoona.”

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Okubala 18:23

Aye Abalevi bonka n'abanaagheerezanga mu Weema eyo, era n'abanaavunaanizibwanga ebisobu ebinaagibangamu. Eiteeka eryo liidha kubangagho mu nse dhoonadhoona edhiriiragho. Abalevi tibaidha kugheebwanga mugabo mu Baisiraeli.

Okubala 18:5

Era niimwe abanaalabiriranga Ekifo Ekitukuvu ni alutaari, memale olwo ndobe kwirayo kusungughalira Baisiraeli.

Okubala 19:21

Ekiragiro ekyo baidha kukikuumanga ebyanda n'ebyanda. Oyo anaamansiranga amaadhi agakozesebwa mu kutoolagho ebibi, aidha kwozanga ebivaalo bye. N'oyo anaagemanga ku maadhi ago agakozesebwa mu kutoolagho ebibi, aidha kubanga nga tiimulongoofu okutuuka olw'eigulo.

Okubala 35:29

Ago n'agaidha okubanga amateeka ge munaakuumanga, imwe n'abalibairirira boonaboona, buli ghe munaabanga.

Okubala 8:9

Agho oidha kweta Abaisiraeli boonaboona beesoloze, memale oyemereze Abalevi agho gha mberi ow'Eweema ey'Okwagaananirangamu ni Musengwa Katonda.

Matayo 4:16

Abantu abaabanga mu kizikiiza baboine obutangaavu obunene. N'abo ababaire mu nsi ey'olumbe n'ekinsense kyayo, ekimulika kibaakiire.”

Luka 12:35

“Mwesibe ensibiro, mukunaanie n'entaala dhaake.

Yoanne 5:35

Yoanne yali ng'oti itaala eryaka ni limulisa, aye okumulisa kwe kwabasangaazaaku kaseera buseera.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.

Okwolekebwa 2:1

“Ghandiikira malaika w'Ekikunsu eky'Abaikiriza mu Kurisito eky'Efeso oti: oyo agemye emuunienie omusanvu mu mukono gwe omusaadha, atambulira ghagati gh'ebikondo eby'entaala omusanvu ebya zaabu, akoba ati:

1 Samueli 3:3

Eitaala lya Katonda lyali likaali kuzikira era nga Samueli alambaire mu isinzizo lya Musengwa Katonda omwali Esanduuku ya Katonda.

1 Samueli 30:25

Era okuva n'olwo, eryo lyafuuka iteeka era kiragiro mu Isiraeli, okutuusa ni ye buli eno.