Okuvaayo 27:19 - Baibuli Ekibono kya Katonda 2014

¹⁹ Ebintu byonabyona eby'okukozesanga mu Weema ey'Okwagaananirangamu ni Musengwa Katonda, n'enkondo edhigigemerera ku itaka, ghalala n'enkondo edhigemerera olugugiriro ku itaka, oidha kubikola mu kyuma kya kikomo.”

Okuvaayo 27:19 ပူးပေါင်းရင်းမြစ်များ

Ezera 9:8

Aye mperaano mu kiseera ekitono kiti, Musengwa Katonda waife atwoleike ekivunika, yaaleetera abandi ku ife okuwonagho era yaatugha okuba abagumu mu kifo kye kino ekitukuvu. Olwo Katonda waife oyo yaatuwonia obwiru, yaatugha obulamu obuyaaka.

Okuvaayo 27:18

Obuleeyi obw'olugugiriro bwidha kuba mita amakumi ana na ina, obugazi bwalwo bube mita amakumi abiri na ibiri, ate empango dhibe mita ibiri okuja ghaigulu nga dhiriku engoye empegheevu era nga dheemereire ku bikolo eby'ekyuma eky'ekikomo.

Okuvaayo 27:20

Era Musengwa Katonda yaalagira Musa ati: “Koba Abaisiraeli bakuleetere omuzigo omukenenule ogukamwirwa mu bibala eby'emiti emyoliva ebisekwirwa, ogw'okuta mu ntaala enaayakanga obutazikira.

Okuvaayo 27:3

Ogikolereku obulobo obw'okusuulangamu eivu ery'amasavu. Ogikolereku n'ebitiiyo, n'ebibya eby'okutaamu omusaayi ogw'okumansira, n'ebyuma eby'amaino ng'oti wuuma, n'ebintu eby'okutwalirangaku amanda agaliku omuliro. Ebintu ebikozesebwa ku alutaari byonabyona, oidha kubikola mu kyuma eky'e kikomo.

Okuvaayo 35:18

Era tukozese bino: enkondo edhigemerera Weema ey'Okwagaananirangamu ni Musengwa Katonda ku itaka, ghalala n'enkondo edhigemerera olugugiriro ku itaka, n'emigugha gyaku.

Okuvaayo 38:20

Enkondo dhoonadhoona edhaakozesebwa mu Weema eyo, n'edhaakozesebwa mu lugugiriro, dhaakolebwa mu kyuma kya kikomo.

Okuvaayo 38:31

Era baakolamu ebikolo eby'oku lugugiriro, n'eby'oku mulyango ogwingira mu lugugiriro olwo, era n'enkondo dhoonadhoona edh'omu Weema entukuvu n'edh'olugugiriro olwo.

Okuvaayo 39:40

Era baamuleetera entimbe edh'oku lugugiriro olw'oku Weema Entukuvu, n'empango dhaayo, n'ebikolo byaku, n'ekikinzaagho mu mulyango ogw'olugugiriro, n'emigugha gyaku, n'enkondo dhaaku, n'ebikozesebwa byonabyona mu Weema.

Omulangirizi 12:11

Abantu abagezi bye boogera byogi, ng'oti n'oluti olusongovu omwayi lw'akozesa okusindiikiriza ente okutambula. Ate ensambo edhaasolozebwa dhisigala nga dhikaaligho, ng'oti n'omusumaali gwe baakomerera ni guguma begulugulu. Era ensambo edho dhaatugheebwa Katonda, Omwayi waife atulabirira.

Isaia 33:20

Mulingirire Sioni ekibuga kye tukulizaamu embaga edh'ebibinuko byaife ebyalagirwa. Mubone Yerusalemu nga bwe kirimu emiraala, kuba era ekyo n'ekifo ekibeekamu. Kiriba ng'oti ni weema ye batatoolagho, ng'enkondo dhaayo tidhisimbulwagho, waire emigugha gyayo okukutuka.

Zekaria 10:4

Mu abo n'omuliva abafuzi, n'abakulembeze, n'abaduumizi mu magye, abalifuga abantu bange.

Okubala 3:37

Era nga n'abali n'okulabirira empango edh'oluya olwezungulula Weema, n'ebikolo byaku, n'enkondo edhigemerera empango edho, n'emigugha gyaku.

Okubala 4:32

n'empango edh'oluya olwezungulula Weema eyo, n'ebikolo byadho, n'enkondo edhireega, n'emigugha, n'ebintu ebikozesebwa ku bintu ebyo. Buli muntu oidha kumughanga ekintu ky'anaabanga n'okubbeeda.