Okuvaayo 27:16 - Baibuli Ekibono kya Katonda 2014

¹⁶ Mu mulyango mwene oidha kukoleramu ekikinzaagho nga kigheza mita mwenda obuleeyi, nga kyakolebwa mu lugoye lwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era okitungiremu ebimuli ng'okozesa empiso n'ewuuzi. Kino kiidha kuba ku mpango ina nga dheemereire ku bikolo bina.

Okuvaayo 27:16 ပူးပေါင်းရင်းမြစ်များ

Zabbuli 45:14

Ng'ali mu kivaalo kye ekidholige atwalibwa ye kyabazinga ni baine abaguna, ng'emperekezi.

Okuvaayo 26:31

“Era mwidha kukolayo olutimbe mu ngoye edha langi ya bbululu, n'edh'eya nakasooma, n'edh'eya kasaayisaayi, era ni mu ngoye empegheevu. Era mutungiremu ebifaananie eby'ebitonde ebiri n'amaghagha ebyetebwa kerubi, nga mukozesa empiso n'ewuuzi.

Okuvaayo 26:36

“Mu mulyango ogwingira mu Kifo Ekitukuvu Einho oidha kukoleragho ekintu ekikinzaagho nga kyakolebwa mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era okitungiremu ebimuli ng'okozesa empiso n'ewuuzi.

Okuvaayo 27:17

Olugugiriro lwonalwona lwidha kubaamu empango edhiriku obuntu obudhigemagania era n'obusumaali nga bwa feeza, era nga dhiri ku bikolo eby'ekyuma eky'ekikomo.

Okuvaayo 28:39

“Era oidha kuluka ekivaalo ekidholige n'empiso n'ewuuzi nga kya lugoye olughegheevu, era okole ekitambaala eky'oku mutwe nga kyona kya lugoye olughegheevu, era okole n'olukoma ng'olutungiiremu ebifaananie eby'ebimuli n'empiso n'ewuuzi.

Okuvaayo 36:37

Mu mulyango ogwingira mu Kifo Ekitukuvu Einho, baakoleragho ekintu ekikinzaagho nga bakikola mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era baakitungiramu ebimuli nga bakozesa empiso n'ewuuzi.

Okuvaayo 39:29

Era baabakolera enkoma edh'omu nkende mu ngoye empegheevu edha langi ya bbululu, n'edh'eya nakasooma, n'edh'eya kasaayisaayi. Era enkoma edho baadhidholiga n'empiso n'ewuuzi. Atyo Musengwa Katonda bweyalagira Musa.

Okubala 3:26

n'entimbe edheezungulula oluya, n'ekintu ekikinzaagho mu mulyango ogw'oluya olwezungulula Weema eyo ni alutaari, n'emigugha gyaku. Nga n'abalabirira emirimo egigemagana n'ebintu ebyo byonabyona.

Abalamuzi 5:30

“Bakaayagaaza munhago, na ngeri yakugugabanamu: kiisi musaadha afuneku omughala mulala oba babiri, engoye enungi dha Sisera, zeena nfuneyo ebinhere eby'omu nkoto ebidholige.”