Okuvaayo 27:1 - Baibuli Ekibono kya Katonda 2014

¹ “Era oidha kukola alutaari mu muti ogwetebwa akasia, ng'endhuyi dhaayo eina dhaagayaga era nga dhigheza nga mita ibiri buli luuyi, ate obugungumavu ng'egheza nga mita ndala.

Okuvaayo 27:1 ပူးပေါင်းရင်းမြစ်များ

2 Samueli 24:18

Ku lunaku lwene olwo Gadi yaidha yaakoba Daudi ati: “Ja mu kifo aghakubirwa engaano agha Arauna Omuyebusi ozimbire agho Musengwa Katonda alutaari.”

2 Bakyabazinga 16:14

Alutaari ey'ekyuma eky'ekikomo eya Musengwa Katonda, yali ghagati gh'alutaari empyaka n'eisinzizo lya Musengwa Katonda. Aye Ahazi yaagitoolagho, yaagita ku luuyi olw'omukono omugooda olw'e buvandhuba w'alutaari ere empyaka.

1 Ebyomubyanda 6:49

Aaroni ni baidhukulu be baagheerangayo ebigheebwayo ku alutaari edh'ebigheebwayo ebyokebwa, era baaniokezanga obubbaani ku alutaari edh'okuniokezaaku obubbaani. Baakolanga emirimo gyonagyona egy'omu Kifo Ekitukuvu Einho, era baasabiranga Abaisiraeli batoolebweku ebibi byaibwe, nga Musa omugheereza wa Katonda bwe yalagira.

2 Ebyomubyanda 4:1

Kyabazinga Solomoni yaakola alutaari ey'ekyuma ky'ekikomo, ng'endhuyi dhaayo eina dhaagayaga, era nga dhigheza mita mwenda buli luuyi, ate obugungumavu ng'egheza mita ina n'ekitundu.

Ezera 3:2

Agho Yeshua mutabane wa Yozadaki, ni bakabona baine, ni Zerubbabeli mutabane wa Shealutieli aghalala n'aboluganda lwe, baazimba buyaaka alutaari ya Katonda wa Isiraeli, ey'okugheerangaku ebigheebwayo ebyokebwa, nga bwe kyaghandiikibwa mu Mateeka ga Musa omuntu wa Katonda.

Okuvaayo 17:15

Musa yaazimba alutaari yaagituuma eriina “Musengwa Katonda ni bendera yange.”

Okuvaayo 24:4

Musa yaaghandiika ebibono bya Musengwa Katonda ebyo byonabyona. Era yaazuuka ku nkyo yaazimba alutaari ghansi agh'olusozi. Yaazimba n'empango edh'amabaale ikumi na ibiri ng'ebika eby'Abaisiraeli bwe biri.

Okuvaayo 31:9

ni alutaari ey'okwokeraku ebigheebwayo ebyokebwa n'ebikozesebwa byaku byonabyona, n'ekyogero ghalala n'ekityamo kyakyo.

Okuvaayo 35:16

Era tukozese bino: alutaari ey'okwokeraku ebigheebwayo, n'ekiibo ekyagirukirwaku eky'ensonda eina, ekiri ng'oti kasengeedho nga kyakolebwa mu kyuma eky'ekikomo, n'emiti egy'okubbeedesanga alutaari eyo, n'ebikozesebwa byaku byonabyona ekyogero n'ekityamo kyakyo.

Okuvaayo 39:39

Era baamuleetera alutaari eyakolebwa mu kyuma eky'ekikomo, n'ekiibo kyona ekyakolebwa mu kyuma eky'ekikomo, n'emiti egy'okugibbeedesa, n'ebikozesebwaku byonabyona, n'ekyogero aghalala n'ekityamo kyakyo.

Okuvaayo 40:10

Era mwidha kusiiga alutaari ey'okwokerangaku ebigheebwayo ebyokebwa n'ebikozesebwaku byonabyona mubitukuze n'omuzigo.

Okuvaayo 40:29

Yaata alutaari eyokerwaku ebigheebwayo ebyokebwa emberi w'omulyango ogw'Eweema Entukuvu, era yaayokeraku ekigheebwayo eky'emere ey'empeke, nga Musengwa Katonda bweyamulagira.

Okuvaayo 40:6

Bwe mumala mwidha kuta alutaari ey'okwokeraku ebigheebwayo ebyokebwa mu kifo kyayo, agho okulingirira omulyango ogwingira mu Weema Entukuvu.

Okubala 3:31

Omulimo gwaibwe gwali gwa kulabiriranga Esanduuku ey'Endagaano, emeeza, ekikondo eky'entaala, alutaari, n'ebintu byonabyona bakabona bye baakozesanga mu Kifo Ekitukuvu, era n'ekintu ekikinzaagho. Nga n'abalabirira emirimo egigemagana n'ebintu ebyo byonabyona.

Okubala 4:13

Baidha kutoolanga ku alutaari eivu, era bayandheku olugoye lwa langi ya nakasooma.

Okubala 4:14

Agho baidha kutanga ebintu ebikozesebwa mu mikolo ku alutaari eyo, bino: ebintu eby'okutwalirangaku amanda agaliku omuliro, ebyuma eby'amaino ng'oti wuuma, ebitiiyo n'ebibya. Ng'olwo bagighembaku ekintu ekyakolebwa mu mawu g'embuzi, era nga bagitaaku emiti gyayo egy'okugibbeedesa.

Abaheburayi 13:10

Tuli ni alutaari abo abagheereza mu nhumba ya Katonda kwe bataikirizibwa kulya.