Okuvaayo 26:36 - Baibuli Ekibono kya Katonda 2014

³⁶ “Mu mulyango ogwingira mu Kifo Ekitukuvu Einho oidha kukoleragho ekintu ekikinzaagho nga kyakolebwa mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era okitungiremu ebimuli ng'okozesa empiso n'ewuuzi.

Okuvaayo 26:36 ပူးပေါင်းရင်းမြစ်များ

2 Samueli 7:6

Tibangaku mu ndhu okuviira irala ku lunaku lwe natoola Abaisiraeli e Misiri okutuusa ni ye buli eno. Buli ghe mbairenga nja, nga mba mu weema.

Zabbuli 78:60

Yaalekulira agho weema ye eyali mu Shilo mwe yabanga ng'ali mu bantu be abo.

Okuvaayo 26:31

“Era mwidha kukolayo olutimbe mu ngoye edha langi ya bbululu, n'edh'eya nakasooma, n'edh'eya kasaayisaayi, era ni mu ngoye empegheevu. Era mutungiremu ebifaananie eby'ebitonde ebiri n'amaghagha ebyetebwa kerubi, nga mukozesa empiso n'ewuuzi.

Okuvaayo 27:16

Mu mulyango mwene oidha kukoleramu ekikinzaagho nga kigheza mita mwenda obuleeyi, nga kyakolebwa mu lugoye lwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era okitungiremu ebimuli ng'okozesa empiso n'ewuuzi. Kino kiidha kuba ku mpango ina nga dheemereire ku bikolo bina.

Okuvaayo 28:15

Agho Musengwa Katonda yaalagira Musa ati: “Era oidha kukola ekivaalo eky'omu kifuba Omukulu wa Bakabona ky'anaakozesanga okumanha Katonda ky'ayenda. Oidha kukikola mu nsambo n'endala ng'oti n'ekivaalo eky'obwakabona, ng'okozesa engoye edha langi ya zaabu, n'edh'eya bbululu, n'edh'eya nakasooma, n'edh'eya kasaayisaayi, n'engoye empegheevu.

Okuvaayo 28:39

“Era oidha kuluka ekivaalo ekidholige n'empiso n'ewuuzi nga kya lugoye olughegheevu, era okole ekitambaala eky'oku mutwe nga kyona kya lugoye olughegheevu, era okole n'olukoma ng'olutungiiremu ebifaananie eby'ebimuli n'empiso n'ewuuzi.

Okuvaayo 35:11

Tukole Weema nga tukozesa bino: ekintu ekigighembaku, n'obuntu obugemagania ekigighembaku ekyo, n'ebikondo byaku, n'embaawo edhikiikamu, n'empango dhaayo, n'ebikolo kwe dheemerera.

Okuvaayo 35:15

Era tukozese bino: alutaari ey'okuniokezaaku obubbaani, n'emiti egy'okugibbeedesanga, n'omuzigo ogw'okusiiga, n'obubbaani obuwunha akawoowo, n'ekintu ekikinzaagho mu mulyango ogwingira mu Kifo Ekitukuvu Einho.

Okuvaayo 36:37

Mu mulyango ogwingira mu Kifo Ekitukuvu Einho, baakoleragho ekintu ekikinzaagho nga bakikola mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era baakitungiramu ebimuli nga bakozesa empiso n'ewuuzi.

Okuvaayo 38:18

Ekintu ekikinzaagho mu mulyango ogw'olugugiriro yaakikola mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era yaakitungiramu ebimuli ng'akozesa empiso n'ewuuzi. Ekikinzaagho ekyo nga kigheza mita mwenda obuleeyi ate obugungumavu mita ibiri, ng'oti n'engoye edhindi dhoonadhoona edh'oku lugugiriro.

Okuvaayo 39:29

Era baabakolera enkoma edh'omu nkende mu ngoye empegheevu edha langi ya bbululu, n'edh'eya nakasooma, n'edh'eya kasaayisaayi. Era enkoma edho baadhidholiga n'empiso n'ewuuzi. Atyo Musengwa Katonda bweyalagira Musa.

Okuvaayo 39:33

Agho baaleetera Musa ebintu eby'okukola Weema entukuvu bino: ensuubo, n'eby'okukozesebwa mu Weema eyo byonabyona, obuntu obugemagania, ebikondo, embaawo edhikiikamu, empango n'ebikolo byadho.

Okuvaayo 40:5

Olwo mute alutaari eyakolebwa mu zaabu ey'okuniokezaaku obubbaani, mu maiso ag'Esanduuku ey'Endagaano, era muteegho ekikinzaagho ekyakolebwa okuba mu omulyango ogwingira mu Weema Entukuvu.

Ezekieli 16:10

Nakuvaaza engoye edhaalukibwa obukalamu, n'engaito edh'oluwu olulungi einho, naakughemberera olugoye olughegheevu, era naakusiba n'ekitambaala ekya liiri.

Okubala 3:25

Omulimo gwaibwe gwali gwa kulabiriranga Weema eyo, ebintu ebigighembaku, n'ekintu ekikinzaagho,

Okubala 9:15

Olunaku Eweema ey'Okwagaananirangamu ni Musengwa Katonda eyabangamu endagaano lwe yasimbwa, ekire kyaidha kyagighembaku. Obwire, ekire ekyo kyafaanana ng'oti muliro okutuusa bwe bwakya.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.