Okuvaayo 26:33 - Baibuli Ekibono kya Katonda 2014

³³ Bw'omala okusiba olutimbe ku mpango eina n'obusumaali, oidha kuleeta esanduuku erimu ekiidhukizo ogite mu lutimbe omwo. Olutimbe olwo lube nga lwawula Ekifo Ekitukuvu Einho ku Kifo Ekitukuvu.

Okuvaayo 26:33 ပူးပေါင်းရင်းမြစ်များ

1 Bakyabazinga 6:16

Einhuma munda mu isinzizo, yaazimbayo ekisenge eky'embaawo edh'emivule nga dhiva ghansi dhaatuuka ku lubani. Mu nsambo eyo yaayawula ku isinzizo ekifo kya mita mwenda, ekyo nga n'Ekifo Ekitukuvu Einho.

1 Bakyabazinga 8:10

Agho bakabona bwe baamala okuva mu Kifo Ekitukuvu, ekire kyagema woonawoona mu isinzizo,

1 Bakyabazinga 8:6

Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

2 Ebyomubyanda 3:8

Baazimba ekisenge eky'omunda ekyetebwa Ekifo Ekitukuvu Einho, nga mu buleeyi kiri mita mwenda ate ni mu bugazi mwona kyaba mita mwenda nga kyagayaga n'eisinzizo eryo mu bugazi. Baalimbya ku bimante by'Ekifo Ekitukuvu Einho ekyo zaabu omukenenule agheza talanta lukaaga (600).

Okuvaayo 25:16

Mu sanduuku omwo oidha kutaamu ekiidhukizo kye ndidha okukugha.

Okuvaayo 26:32

Olutimbe olwo oidha kulusiba ku mpango ina edh'omuti ogwetebwa akasia, era nga dhirimbiibwaku zaabu dhoonadhoona okudheezunguluza. Olutimbe olwo oidha kulusibya obusumaali bwa zaabu ku mpango edho eina, nga dheemereire ku bikolo bina ebya feeza.

Okuvaayo 27:10

Engoye edho dhiidha kuba ku mpango amakumi abiri, edhinaaba nga dheemereire ku bikolo amakumi abiri. Empango edho n'ebikolo byadho, biidha kukolebwa mu kyuma kya kikomo, ate obusumaali bwadho n'obuntu obudhigemagania bikolebwe mu feeza.

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 36:36

Olutimbe olwo baalukolera empango ina edh'omuti ogwetebwa akasia, era baadhirimbyaku zaabu dhoonadhoona okudheezunguluza. Baakola obusumaali bwa zaabu obw'okusibya olutimbe olwo ku mpango, era baakolera empango edho ebikolo bya feeza bina kwe dhaayemereranga.

Okuvaayo 40:21

Olwo yaaleeta Esanduuku ey'Endagaano yaagita mu Weema entukuvu, era yaakola olutimbe yaalusiba ku mpango dhaalwo eina, agho yaaba ng'akingiriiza Esanduuku ey'Endagaano, nga Musengwa Katonda bweyamulagira.

Okuvaayo 40:3

Mwidha kutaamu Esanduuku ey'Endagaano, era mugikingirize n'olutimbe olwawula Ekifo Ekitukuvu Einho ku Kifo Ekitukuvu.

Ezekieli 41:4

Yaapima n'ekisenge ekyo kyene eky'omunda einho, nga kyagayaga mu buleeyi ni mu bugazi, mita ikumi ku ikumi. Ekisenge ekyo n'ekyali kisinga okuba munda einho. Omusaadha yankoba ati: “Kino n'Ekifo Ekitukuvu Einho.”

Abalevi 16:2

Yaakoba ati: “Koba Aaroni muganda wo, alobe kumalanga gaja buli gh'ayendeire munda gh'olutimbe mu Kifo Ekitukuvu gha kisandikiza eky'Esanduuku y'Endagaano. Olwo alobe kufa, kuba ndidha kubonekeranga mu kire ghaigulu gh'ekisandikiza ekyo.