Okuvaayo 26:1 - Baibuli Ekibono kya Katonda 2014

¹ Era Musengwa Katonda yaakoba ati: “Oidha kukola ensuubo ikumi odhite mu Weema, nga dhaakolebwa mu ngoye empegheevu edhaalukibwa obukalamu, edha langi ya bbululu, n'edh'eya nakasooma, n'edh'eya kasaayisaayi. Era mutungiremu ebifaananie eby'ebitonde ebiri n'amaghagha ebyetebwa kerubi, nga mukozesa empiso n'ewuuzi.

Okuvaayo 26:1 ပူးပေါင်းရင်းမြစ်များ

2 Samueli 7:2

Lwali lulala, Daudi oyo yaakoba Nathani omulanzi ati: “Bona eno, nze nsula mu ndhu eyazimbwa n'emiti emivule, aye Esanduuku ya Katonda yaaba bwa mu weema!”

1 Bakyabazinga 6:29

Yaadholiga ku bimante eby'omu Kifo Ekitukuvu Einho n'eby'omu isinzizo lyonalyona, ng'atonaku ebifaananie ebya bikerubi, n'eby'emiti eminaazi, n'eby'ebimuli ebyandhulwiza.

1 Ebyomubyanda 17:1

Agho kyabazinga Daudi ng'amaze okutyama mu miraala mu kisaagaati kye eky'obwakyabazinga, yaakoba Nathani omulanzi ati: “Bona eno, nze nsula mu ndhu eyazimbwa n'emiti emivule, aye Esanduuku ya Musengwa Katonda yaaba bwa mu weema!”

1 Ebyomubyanda 21:29

Mu kiseera ekyo Weema ey'Okwagaananirangamu ni Musengwa Katonda Musa ye yakolera mu irungu, ni alutaari ye baayokerangaku emisengo, byali bikaali mu kifo ekigulumivu eky'okusinzizaamu e Gibeoni.

Okuvaayo 25:18

Era mukole ebifaananie bibiri eby'ebitonde ebiri n'amaghagha ebyetebwa kerubi, nga mubikola mu zaabu, bibe ku ndhuyi dhombi edh'ekisandikiza eky'esanduuku eyo.

Okuvaayo 25:4

engoye edha langi ya bbululu, n'edh'eya nakasooma, n'edh'eya kasaayisaayi, n'engoye empegheevu, n'edho edhaakolebwa mu buviiri obw'embuzi,

Okuvaayo 25:8

Era koba abantu bankolere eisinzizo memale olwo mbabengamu.

Okuvaayo 26:2

Obuleeyi obw'olusuubo olulala bwidha kuba mita ikumi na ibiri, obugazi bwalwo bube mita ibiri ensuubo dhoonadhoona dhiidha kuba nga dhaagayaga.

Okuvaayo 26:31

“Era mwidha kukolayo olutimbe mu ngoye edha langi ya bbululu, n'edh'eya nakasooma, n'edh'eya kasaayisaayi, era ni mu ngoye empegheevu. Era mutungiremu ebifaananie eby'ebitonde ebiri n'amaghagha ebyetebwa kerubi, nga mukozesa empiso n'ewuuzi.

Okuvaayo 26:36

“Mu mulyango ogwingira mu Kifo Ekitukuvu Einho oidha kukoleragho ekintu ekikinzaagho nga kyakolebwa mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era okitungiremu ebimuli ng'okozesa empiso n'ewuuzi.

Okuvaayo 31:7

Bye ndi kulagira ni bino: Eweema ey'Okwagaananirangamu ni Musengwa Katonda, Esanduuku ey'Endagaano n'ekisandikiza kyaku, ni byonabyona eby'okukozesanga mu Weema eyo, bino

Okuvaayo 35:11

Tukole Weema nga tukozesa bino: ekintu ekigighembaku, n'obuntu obugemagania ekigighembaku ekyo, n'ebikondo byaku, n'embaawo edhikiikamu, n'empango dhaayo, n'ebikolo kwe dheemerera.

Okuvaayo 35:35

Musengwa Katonda yaabaidhuza amagezi, nga basobola okukola kiisi mulimo gwonagwona: ka gube ogw'omubaadhi ow'amabaale ag'omughendo, oba ogw'omuyiiya, oba ogw'omulusi ow'engoye, oba ogw'adholiga engoye ng'akozesa n'empiso n'ewuuzi ka dhibe dha bbululu, oba dha nakasooma, oba dha ngoye mpegheevu. Era baasobola okukola kiisi mulimo ogwetaagisa okutetenkania.

Okuvaayo 35:6

Oba aleete ku bino: engoye dha langi ya bbululu, n'edh'eya nakasooma, n'edh'eya kasaayisaayi, n'engoye empegheevu, n'edho edhaakolebwa mu buviiri obw'embuzi.

Okuvaayo 36:35

Era baakolayo olutimbe, mu ngoye edha langi ya bbululu, n'edh'eya nakasooma, n'edh'eya kasaayisaayi, ni mu ngoye empegheevu. Era baalutungiramu ebifaananie eby'ebitonde ebiri n'amaghagha ebyetebwa kerubi nga bakozesa empiso n'ewuuzi.

Okuvaayo 39:3

Baagheesa n'amagezi mangi obubaati bwa zaabu, baabusala mu ngeri ya buwuuzi, baabutungira mu ngoye edha langi ya bbululu, n'edh'eya nakasooma, n'edh'eya kasaayisaayi, n'empegheevu.

Okuvaayo 40:2

“Ku lunaku olusooka olw'omwezi ogusooka mwidha kutaagho Eweema ey'Okwagaananirangamu ni Musengwa Katonda.

Okubala 3:25

Omulimo gwaibwe gwali gwa kulabiriranga Weema eyo, ebintu ebigighembaku, n'ekintu ekikinzaagho,

Okubala 4:25

Abo n'abaidha okubbeedanga olugugiriro olwezunguluza oluya lw'Eweema ey'Okwagaananirangamu ni Musengwa Katonda, n'ekintu ekigighembaku eky'omunda, n'ekintu ekigighembaku eky'oku ngulu ekyakolebwa mu mawu ag'embuzi. Era babbeede n'ekintu ekikinza gha mulyango gw'Eweema eyo,

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 2:21

Aye eisinzizo Yesu lye yali ayogeraku n'omubiri gwe.

Abaheburayi 8:2

agheereza nga Kabona Omukulu mu Kifo Ekitukuvu Einho. Ekifo ekyo, ni weema yeene etaateebwagho bantu, aye eyateebwagho Musengwa.

Abaheburayi 9:2

Eweema yateebwagho. Mu kifo kyayo ekituukirwaku mwalimu ekikondo ky'eitaala, n'emeeza, n'emigaati egigheereibwayo eri Katonda. Ekiketezo ekyo nga kyetebwa Ekifo Ekitukuvu.

Abaheburayi 9:9

Ako kaali kamanhiso bumanhiso ak'ebyo ebirigho buti, kuba mu nkola eno ebirabo n'emisengo ebyagheebwangayo tibyasobolanga kutukuza mwoyo gw'oyo aba aidhie okusinza.

Okwolekebwa 19:8

Omugole oyo aikiriziibwa okuvaala ebivaalo ebighegheevu, ebyamule era ebimirimiinha.” Ebivaalo ebighegheevu n'ebikolwa ebirungi eby'abatuukirivu.

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.