Okuvaayo 25:31 - Baibuli Ekibono kya Katonda 2014

³¹ “Era oidha kukola ekikondo eky'entaala mu zaabu omukenenule. Ekikolo ghalala n'ekitundu eky'eitale eky'ekikondo ekyo, oidha kubikola mu zaabu omukenenule oyo. Era obukopo obugemerera entaala, n'okudholiga okuli ng'oti bimuli, byona oidha kubikola nga byegemeire ghalala ni bire byonabyona mu zaabu omukenenule, nga ghazira kyawukaineku.

Okuvaayo 25:31 ပူးပေါင်းရင်းမြစ်များ

1 Bakyabazinga 6:18

Embaawo dhe baaghemba ku bimante by'eisinzizo, dhaali nga dhitoneibwaku ebifaananie by'amabuga, n'ebimuli ebyandhulwiza. Munda mwonamwona, ebimante baabighembaku embaawo edh'emivule, ng'amabaale ge baazimbisa tigaboneka.

1 Bakyabazinga 7:24

Ghansi gh'omugo ogw'etanka eyo okugyezunguluza, ghaaligho enhiriri ibiri edhaakolerwa aghalala nayo, nga dhiriku ebifaananie eby'amabuga, era nga dhigheza mita ikumi na isatu n'ekitundu okwezunguluza tanka eyo.

1 Bakyabazinga 7:49

ebikondo eikumi eby'entaala bye bata mu maiso ag'Ekifo Ekitukuvu Einho, ng'ebitaanu biri ku luuyi olw'omukono omusaadha olw'e buvandhuba w'ekifo ekyo ate ebitaanu byaba ku luuyi olw'omukono omugooda olw'e buvandhuba waakyo. Solomoni oyo era yaakola ni bino: ebimuli, entaala, entooleso,

1 Ebyomubyanda 28:15

n'obuzito bwa zaabu ow'okukolamu buli kikondo kya ntaala ghalala n'entaala dhaaku, nga bajiira ku mirimo ebintu ebyo gye bikola

2 Ebyomubyanda 13:11

Baniokeza obubbaani obuwunha akawoowo eri Musengwa Katonda, baaghaayo n'emisengo egyokebwa gyonagyona okuwaagho, buli nkyo na buli igulo. Baata emigaati egigheereibwayo eri Katonda ku meeza entukuvu, era buli igulo baalabiriranga ekikondo ky'entaala ekya zaabu, okubona ng'entaala dhaaku dhaaka. Ife tukola ebyo Musengwa Katonda waife bye yalagira. Aye imwe mwamuvaaku.

2 Ebyomubyanda 4:20

ebikondo by'entaala nga biriku n'entaala dhaaku edh'okwakiranga mu maiso ag'Ekifo Ekitukuvu Einho, ng'entegeka bwe yalinga,

2 Ebyomubyanda 4:7

Yaakola ebikondo by'entaala ikumi mu zaabu, mu nsambo ye byali nga biri n'okukolebwa, yaabita mu isinzizo: ebitaanu ku luuyi olw'omukono omusaadha olw'e buvandhuba w'eisinzizo eryo, n'ebitaanu ebindi ku luuyi olw'omukono omugooda olw'e buvandhuba waalyo.

Okuvaayo 25:34

Ekitundu eky'eitale eky'ekikondo kiidha kubaaku obukopo buna obufaanana ng'oti n'ekimuli eky'omuti ogwetebwa alumondi, nga kiramba n'obukaba bwaku.

Okuvaayo 25:36

Ekintu ekyo ekiri ng'oti kimuli, n'ensaga, n'ekikondo kyene, oidha kubikola nga byegemeire ghalala mu zaabu omukenenule, nga ghazira kyawukaineku.

Okuvaayo 31:8

emeeza n'ebikozesebwa byaku byonabyona, ekikondo eky'entaala nga kikolebwa mu zaabu omukenenule n'ebikozesebwa byaku byonabyona, alutaari ey'okuniokezaaku obubbaani,

Okuvaayo 35:14

n'ekikondo eky'entaala olw'okumuliikirira, n'ebikozesebwa bya ku, n'entaala dhaaku, n'amafuta gaadho.

Okuvaayo 39:37

Era baamuleetera ekikondo eky'entaala ekyakolebwa mu zaabu omukenenule, n'entaala dhaaku, n'ebikozesebwaku ebindi byonabyona, n'amafuta ag'entaala.

Abalevi 24:4

Aaroni anaalabiriranga buliidho entaala edhiri ku kikondo ekya zaabu omukenenule, mu maiso ga Musengwa Katonda.

Zekaria 4:2

Yambuuza ati: “Kiki ky'oli kubona?” Naamwiramu nti: “Ndi kubona ekikondo eky'entaala ekyakolebwa mu zaabu, nga ku ngulu kwakyo kuliku akadoome akabaamu amafuta. Ku kikondo ekyo kuliku entaala musanvu, nga buli ntaala eriku entambi musanvu musanvu.

Okubala 3:31

Omulimo gwaibwe gwali gwa kulabiriranga Esanduuku ey'Endagaano, emeeza, ekikondo eky'entaala, alutaari, n'ebintu byonabyona bakabona bye baakozesanga mu Kifo Ekitukuvu, era n'ekintu ekikinzaagho. Nga n'abalabirira emirimo egigemagana n'ebintu ebyo byonabyona.

Okubala 4:10

Agho baidha kuzingiriranga ekikondo ekyo n'ebikozesebwaku byonabyona mu kintu ekyakolebwa mu mawu g'embuzi, memale babite ku katanda ak'okubibbeederaku.

Okubala 4:9

“Baidha kufunangayo olugoye lwa bbululu balughembe ku kikondo eky'entaala ni ku ntaala dhaakyo, ni ku makansu dhaakyo edhisala ebisiriiza ku ntambi, ni ku sowaani dhaakyo edhiteebwaku ebisiriiza ebyo, era ni ku bidoome ebibaamu amafuta byonabyona.

Okubala 8:1

Agho Musengwa Katonda yaakoba Musa ati:

Okubala 8:4

Ekikondo eky'entaala ekyo baakigheesa mu zaabu kyonakyona okuva ghaigulu ku nsaga dhaakyo okutuuka ku kikolo kyakyo, nga bajiira ku nkola Musengwa Katonda ye yayoleka Musa.

Abaheburayi 9:2

Eweema yateebwagho. Mu kifo kyayo ekituukirwaku mwalimu ekikondo ky'eitaala, n'emeeza, n'emigaati egigheereibwayo eri Katonda. Ekiketezo ekyo nga kyetebwa Ekifo Ekitukuvu.

Okwolekebwa 1:12

Agho naagaluka okubona ali kwogera ninze. Bwe nagaluka, naabona ebikondo by'entaala musanvu ebya zaabu.

Okwolekebwa 1:20

Gano n'amakulu amagise ag'emuunienie omusanvu dh'oboine mu mukono gwange omusaadha, n'ebikondo eby'entaala omusanvu ebya zaabu: Emuunienie omusanvu, ni bamalaika ab'Ebikunsu eby'Abaikiriza mu Kurisito omusanvu, ate ebikondo eby'entaala omusanvu, n'Ebikunsu eby'Abaikiriza mu Kurisito omusanvu.

Okwolekebwa 2:5

Kale idhukira bwe wangonzanga ng'okaali kugwa, weenenie, okole bye wakolanga mu mainhama. Aye bw'oteenenie, ndidha kwidha y'oli, ntoolegho ekikondo kyo eky'entaala mu kifo kyayo.

Okwolekebwa 4:5

Ku kityamo eky'obwakyabazinga ekyo nga kuvaaku okumyansa okw'eigulu, okududumuka, n'okutyabuka okw'olukuba. Emberi waakyo nga ghaligho ebisiki ebiri kwaka, era nga bino n'emyoyo omusanvu egya Katonda.

1 Samueli 3:3

Eitaala lya Katonda lyali likaali kuzikira era nga Samueli alambaire mu isinzizo lya Musengwa Katonda omwali Esanduuku ya Katonda.