Okuvaayo 25:29 - Baibuli Ekibono kya Katonda 2014

²⁹ Emeeza eyo mugikolereku ebibya n'enkaayi, era mugikolereku n'ensugha, n'ebikopo, olw'ebigheebwayo ebifukibwa. Ebintu ebyo mubikole mu zaabu omukenenule.

Okuvaayo 25:29 ပူးပေါင်းရင်းမြစ်များ

1 Bakyabazinga 7:50

ebikopo, makansu edhisala ebisiriiza ku ntambi, ebibya, ebintu bye bataaku obubbaani, ebintu eby'okutwaliraku amanda agaliku omuliro, pata edh'endhigi edh'omu Kifo Ekitukuvu Einho n'edh'endhigi edh'eisinzizo edh'okuliya. Ebintu ebyo byonabyona byali bya zaabu.

2 Ebyomubyanda 4:22

makansu edhisala ebisiriiza ku ntambi, ebibya, ebintu bye bataaku obubbaani, ebintu eby'okutwaliraku amanda agaliku omuliro, pata edh'endhigi edh'omu Kifo Ekitukuvu Einho n'edh'endhigi edh'eisinzizo edh'okuliya. Ebintu ebyo byonabyona byali bya zaabu mukenenule.

Okuvaayo 25:28

Emiti egyo mugibaadhe mu muti ogwetebwa akasia, memale mugirimbyeku zaabu gyonagyona okugyezunguluza, gibe egy'okubbeedesanga emeeza eyo.

Okuvaayo 37:16

Yaakola ebikozesebwa ku meeza eyo byonabyona mu zaabu omukenenule, nga ni bino: ebibya, n'enkaayi. Era yaakola n'ebikopo n'ensugha olw'ebigheebwayo ebifukibwa.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Okubala 4:7

“Baidha kwandhuluzanga olugoye lwa bbululu ku meeza eteebwaku emigaati egigheereibwayo eri Katonda. Okwo bateeku ebibya n'enkaayi, n'ebintu ebiteebwamu obubbaani, n'ebikopo n'ensugha olw'ebigheebwayo ebifukibwa. Era baidha kutanga ku meeza eyo emigaati egigheereibwayo eri Katonda egya buli lunaku.

Okubala 7:13

Ekigheebwayo kye, kyalimu bino: Sowaani ndala nga yakolebwa mu feeza era ng'ezitogha kilo ndala na kitundu, bbakuli ndala eyakolebwa mu feeza era ng'ezitogha guraamu lunaana, ng'ojiira ku mbala entongole ey'eisinzizo. Sowaani ni bbakuli ebyo yaabiidhuza emere eseereibwa obukalamu ng'etabwirwamu omuzigo ng'ekyo n'ekigheebwayo eky'emere ey'empeke.

Okubala 7:19

Ekigheebwayo kye kyalimu bino: Sowaani ndala nga yakolebwa mu feeza era ng'ezitogha kilo ndala na kitundu, bbakuli ndala eyakolebwa mu feeza era ng'ezitogha guraamu lunaana, ng'ojiira ku mbala entongole ey'eisinzizo. Sowaani ni bbakuli ebyo yaabiidhuza emere eseereibwa obukalamu ng'etabwirwamu omuzigo ekyo nga n'ekigheebwayo eky'emere ey'empeke.

Okubala 7:84

Ebyo byonabyona aghalala n'ebigheebwayo, abakulembeze mu Isiraeli bye baaghaayo nga bali kughaayo alutaari ebe ya Musengwa Katonda, ku lunaku lwe yafukibwaku omuzigo. Baaghaayo sowaani ikumi na ibiri edhaakolebwa mu feeza, ni bbakuli ikumi na ibiri nga dhoona dhaakolebwa mu feeza. Era baaghaayo ebintu ebibaamu obubbaani ikumi na bibiri ebyakolebwa mu zaabu.

Okwolekebwa 3:20

Ndi ku lwigi nhemereire, nkonkona. Awulira amamiro gange n'aigulagho olwigi, ndingira omumwe naalya naye.