Okuvaayo 25:22 - Baibuli Ekibono kya Katonda 201422 Agho ghe ndidha okukwagaana, era agho ghaigulu agh'ekisandikiza eky'Esanduuku ey'Endagaano era ghagati agh'ebitonde ebiri n'amaghagha ebyetebwa kerubi, ghe ndidha okukugheera ebiragiro byange byonabyona by'oidha okukobera Abaisiraeli.” အခန်းကိုကြည့်ပါ။ |
Kale Daudi yaasituka n'Abaisiraeli boonaboona, baaja e Baala, ekyo nga ni Kiriathi Yearimu eky'omu kiketezo kya Yuda, baaja okutoolayo Esanduuku ey'Endagaano ya Katonda eyetebwa eriina lya Musengwa Katonda, oyo atyama ku kityamo kye eky'obwakyabazinga ekiri ku bitonde ebiri n'amaghagha ebyetebwa bikerubi.
Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”
Mu biseera ebyo, Esanduuku ey'Endagaano ya Katonda yabanga eyo e Betheli, era nga Finehasi mutabane wa Eleazari era mwidhukulu wa Aaroni, n'agirabirira. Abaisiraeli baabuuza Musengwa Katonda bati: “Twiremu kabiri okulwanisa baganda baife Ababenjamini, oba tubiveeku?” Musengwa Katonda yairamu ati: “Muje mulwane, kuba olwaidho ndidha kubagha Ababenjamini abo mubaghangule.”