Okuvaayo 25:18 - Baibuli Ekibono kya Katonda 2014

¹⁸ Era mukole ebifaananie bibiri eby'ebitonde ebiri n'amaghagha ebyetebwa kerubi, nga mubikola mu zaabu, bibe ku ndhuyi dhombi edh'ekisandikiza eky'esanduuku eyo.

Okuvaayo 25:18 ပူးပေါင်းရင်းမြစ်များ

Amainhama 3:24

yaamubingira kuliya. Ku luuyi olw'enimiro olw'e buvandhuba yataayo ebitonde ebiri n'amaghagha ebyetebwa kerubi, era n'empiima eyaka, era ng'ekyukira ku ndhuyi dhoonadhoona okukuumanga engira eja ku muti ogw'obulamu.

1 Ebyomubyanda 28:18

n'obuzito bwa zaabu omukenenule ow'okukolamu alutaari ey'okuniokezangaku obubbaani, n'ow'okukolamu ekigaali eky'okutaaku ebitonde ebiri n'amaghagha ebyetebwa bikerubi, ebyandhuluza amaghagha gaabyo okughemba Esanduuku y'Endagaano ya Musengwa Katonda.

2 Ebyomubyanda 3:10

Yaakola ebifaananie eby'ebitonde bibiri ebiri n'amaghagha ebyetebwa kerubi, yaabita mu Kifo Ekitukuvu Einho. Yaabikola nga bya muti, era byombi yaabirimbyaku zaabu, yaabibunia.

Okuvaayo 25:17

Agho okolereku ekisandikiza nga kya zaabu omukenenule obuleeyi bwakyo nga kigheza mita ndala ni sentimita ikumi, ate obugazi kibe sentimita nkaaga na mukaaga.

Okuvaayo 25:19

Ekifaananie ekindi mukite ku luuyi lule olundi olw'ekisandikiza, ate ekindi mukite ku luuyi luno olundi olw'ekisandikiza ekyo. Aye ng'ebifaananie byombi mubikolera ghalala, byegema ghalala ku kisandikiza, byaba kintu kirala nga tibyawukaine.

Okuvaayo 25:36

Ekintu ekyo ekiri ng'oti kimuli, n'ensaga, n'ekikondo kyene, oidha kubikola nga byegemeire ghalala mu zaabu omukenenule, nga ghazira kyawukaineku.

Ezekieli 10:2

Katonda yaakoba omuntu eyali avaire engoye empegheevu ati: “Ja ghagati mu nkede edhiri kwezungulula ghansi agh'ebitonde bikerubi, oyoole amanda agaidhula engalo dho agaliku omuliro, oje ogamansire ku kibuga.” Omuntu oyo yaaja nga ndi kubona.

Ezekieli 10:20

Ebyo n'ebyali ebitonde ebiramu bye nabona ghansi gha Katonda wa Isiraeli gha mwiga Kebari era naamanha nga byali bikerubi.

Ezekieli 10:3

Mu kiseera ekyo, bikerubi byali byemereire ku luuyi olw'omukono omusaadha olw'e buvandhuba olw'eisinzizo. Omuntu oyo bwe yangira mu isinzizo, ekire kyagema woonawoona mu luya olw'omunda.

Abaheburayi 9:5

Ghaigulu ghaayo nga ghaligho ebitonde ebiri n'amaghagha ebyetebwa kerubi, ebyoleka ekitiisa kya Katonda, ebighemba ekityamo ekisoniyirwaku ebibi n'amaghagha gaabyo. Aye bino byonabyona, titughanga kubyogeraku mu bwidhuvu buti.

1 Samueli 4:4

Kale baatuma abakwenda e Shilo, baatoolayo Esanduuku ey'Endagaano ya Musengwa Katonda, oyo Afuga Amagye era atyama ku bitonde ebiri n'amaghagha ebyetebwa kerubi. Batabane ba Eli bombi, Hofuni ni Finehasi, boona baidhira ghalala n'Esanduuku y'Endagaano ya Katonda.