Okuvaayo 25:16 - Baibuli Ekibono kya Katonda 2014

¹⁶ Mu sanduuku omwo oidha kutaamu ekiidhukizo kye ndidha okukugha.

Okuvaayo 25:16 ပူးပေါင်းရင်းမြစ်များ

1 Bakyabazinga 8:9

Mu Sanduuku ey'Endagaano eyo timwalimu kintu kindi, okutoolaku ebibaadho by'amabaale ebibiri, Musa bye yagitaamu ku lusozi Sinai, Musengwa Katonda bwe yakola endagaano n'Abaisiraeli nga baviire mu nsi Misiri.

2 Bakyabazinga 11:12

Agho Yehoiada yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka. Agho baasiiga Yoashi omuzigo, baamufuula kyabazinga, era baakuba mu ngalo nga bwe bakoba bati: “Kyabazinga ghangaala!”

2 Ebyomubyanda 23:11

Agho yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka, yaafuuka kyabazinga. Olwo Yehoiada oyo kabona ghalala ni batabane be, baasiiga Yoashi omuzigo, era baakoba bati: “Kyabazinga ghangaala!”

Okuvaayo 16:34

Kale nga Musengwa Katonda bweyalagira Musa, Aaroni bweyakola, yaatoola ekidoome yaakita aghali Sanduuku ey'Endagaano, kiterekebwe.

Okuvaayo 25:21

Ekyo nga kiwoire oidha kuta mu sanduuku eyo ekiidhukizo kye ndidha okukugha, era ote ekisandikiza kire ku ngulu okw'esanduuku eyo.

Okuvaayo 26:33

Bw'omala okusiba olutimbe ku mpango eina n'obusumaali, oidha kuleeta esanduuku erimu ekiidhukizo ogite mu lutimbe omwo. Olutimbe olwo lube nga lwawula Ekifo Ekitukuvu Einho ku Kifo Ekitukuvu.

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 30:36

Era oidha kutoola ku obwo butonotono obusekule bukalamu, obumwage gha mberi w'Esanduuku ey'Endagaano mu Weema ey'Okwagaananirangamu ni Musengwa Katonda, ghe ndidha okukwagaana. Muli n'okutwala obubbaani obwo ng'ekintu ekitukuvu einho.

Okuvaayo 30:6

Alutaari eyo oidha kugita gha mberi agh'olutimbe oluli gha Sanduuku ey'Endagaano. Era agho gha mberi agh'ekisandikiza ekiri ku Sanduuku ey'Endagaano eyo, ghe nnaayagaanananga n'iwe.

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Okuvaayo 32:15

Agho Musa yaakyusa yaaserengeta ng'ava ku lusozi, yaika n'ebibaadho ebibiri eby'amabaale ng'abigemye mu ngalo dhe. Ebibaadho ebyo byali nga bighandiikiibwaku amateeka ku ndhuyi dhaabyo dhombi.

Okuvaayo 34:29

Agho Musa yaaniinuka okuva ku lusozi Sinai, ng'ali n'ebibaadho ebibiri eby'amabaale ebiriku amateeka. Oluwutu olw'omu maiso ge lwali luli kumesunkana olw'okwogera ni Katonda, aye mwene yali taidhi.

Okuvaayo 38:21

Bino n'ebyuma ebyakozesebwa mu kukola Weema ey'Okwagaananirangamu ni Musengwa Katonda, eyalimu endagaano ya Musengwa Katonda. Musa n'eyalagira bibalibwe, era byabalibwa Abalevi nga bakulemberwa Ithamari mutabane wa Aaroni kabona.

Okuvaayo 40:20

Yaatoola ebibaadho eby'amabaale ebyaliku amateeka yaabita mu Sanduuku ey'Endagaano. Esanduuku eyo yaagitaaku emiti egy'okugibbeedesa n'ekisandikiza.

Okubala 17:4

Oidha kutwala emiigo egyo mu Weema ey'Okwagaananirangamu ni Musengwa Katonda, ogite gha mberi w'Esanduuku ey'Endagaano ghe twagaananira n'iwe.

Ebikolwa by'Abatume 7:44

“Badhaadha baife nga bali mu irungu baali n'eweema eraga nga Katonda ali nabo. Eweema eyo yakolebwa nga Katonda bwe yakoba Musa okugikola, era yagikola nga Katonda bwe yagimulaga.

Ab'e Roma 3:2

Kugasa inho mu buli nsambo. Ekisooka, Abayudaaya Katonda be yasooka okugemya ekibono kye.

Amateeka Agokubiri 31:26

“Mutwale ekitabo kino eky'Amateeka, mukite gha mbali gh'Esanduuku ey'Endagaano ya Musengwa Katonda waimwe, kibenga eyo ng'obudhulizi obulumiriza abantu be.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

Yoshua 4:16

ati: “Lagira bakabona ababbeedie Sanduuku y'Endagaano bave mu Yorudani.”