Okuvaayo 24:7 - Baibuli Ekibono kya Katonda 2014

⁷ Agho yaatoola ekitabo eky'endagaano yaakisoma ng'abantu boonaboona bawulira, era baakoba bati: “Ebyo byonabyona Musengwa Katonda by'atukobye okukola twidha kubikola, era twidha kumugonderanga.”

Okuvaayo 24:7 ပူးပေါင်းရင်းမြစ်များ

1 Bakyabazinga 8:9

Mu Sanduuku ey'Endagaano eyo timwalimu kintu kindi, okutoolaku ebibaadho by'amabaale ebibiri, Musa bye yagitaamu ku lusozi Sinai, Musengwa Katonda bwe yakola endagaano n'Abaisiraeli nga baviire mu nsi Misiri.

2 Ebyomubyanda 15:14

Baalayirira Musengwa Katonda nga boogerera ghaigulu n'amaani, era nga bafuuwa amagwala n'endeka.

Zabbuli 50:5

Yaakoba ati: “Munsololeze abantu bange abeesigwa, abaakola ninze endagaano nga baghaayo omusengo ye ndi.”

Zabbuli 78:36

Aye ebibono byaibwe byali bya kumusuutiriza busuutirize na munwa, nga bye boogera buguya bwereere.

Okuvaayo 19:8

Abantu boonaboona bamwiramu bati: “Ebyo byonabyona Musengwa Katonda by'atukobye okukola twidha kubikola.” Era Musa yaaja okukobera Musengwa Katonda ng'abantu bwe baakoba.

Yeremia 34:13

“Nze Musengwa Katonda nakola endagaano ni badhaadha baimwe, bwe nabatoola mu nsi Misiri ye mwabanga nga muli bairu. Naabakoba nti,

Yeremia 42:6

Oba binaatusanhusa oba tibiitusanhuse, twidha kugondera Musengwa Katonda waife ye tuli kukukoba otusabire y'ali. Memale ebintu bisobole okutujiiranga obukalamu.”

Ezekieli 16:8

“Kabiri bwe nali ndi kubitagho nti naakubona ng'otuusiiza ekiseera eky'okufumbirwa. Agho naakughembaku ekivaalo kyange waalekera okuba amadu. Bwenebwene naakusuubiza okukufumbirwa era naamala naakola n'iwe endagaano ey'okufumbiraganwa, waafuuka wange.” Musengwa Katonda atyo bw'akoba.

Malaki 2:10

Twenatwena tuli n'iseife mulala, Katonda omulala oyo eyatutonda. Memale lwaki tuloba okwesigagana? Era lwaki tunhooma endagaano Katonda ye yakola ni badhaadha baife?

Ebikolwa by'Abatume 13:15

Ebyaghandiikibwa mu Mateeka ni mu balanzi bwe byawa okusomebwa, abakulu ba sinagoga baabeeta nga babakoba bati: “Aboluganda, oba nga muli n'ekibono eky'okulamba abantu mukyogere.”

Ab'e Kolosai 4:16

Embaluwa eno bw'emala okubasomerwa, mubone nga esomerwa n'Ekikunsu ky'Abaikiriza mu Kurisito ekiri e Laodikea. Era mwena musome eyo ab'e Laodikea ye balibagheereza.

1 Ab'e Thessalonika 5:27

Mbasikirira mu liina lya Musengwa nti embaluwa eno esomerwe aboluganda boonaboona.

Yoshua 24:24

Abantu baakoba Yoshua bati: “Twidha kugheerezanga Musengwa Katonda waife, era twidha kugonderanga ebiragiro bye.”