Okuvaayo 24:4 - Baibuli Ekibono kya Katonda 2014

⁴ Musa yaaghandiika ebibono bya Musengwa Katonda ebyo byonabyona. Era yaazuuka ku nkyo yaazimba alutaari ghansi agh'olusozi. Yaazimba n'empango edh'amabaale ikumi na ibiri ng'ebika eby'Abaisiraeli bwe biri.

Okuvaayo 24:4 ပူးပေါင်းရင်းမြစ်များ

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 28:18

Yakobo yaasituka ku nkyo, yaatoola eibaale lye yeezizika y'omutwe, yaalisimbagho yaalifukaku omuzigo libe ekiidhukizo.

Amainhama 28:22

Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

Amainhama 31:45

Agho Yakobo yaatoola eibaale, yalisimbagho libe ekiidhukizo.

1 Bakyabazinga 11:30

Agho Ahiya oyo yaagema ekivaalo ekiyaaka kye yali avaire, yaakikanulakanulamu ebitundu ikumi na bibiri.

1 Bakyabazinga 18:31

Yaatoola amabaale ikumi n'abiri, ng'ajiira ku bungi obw'ebika eby'abantu ebisimuka mu Yakobo. Yakobo oyo, Musengwa Katonda ye yakoba ati: “Oidha kwetebwanga Isiraeli.”

Ezera 6:17

Era ku mukolo ogwo baaghaayo ente enume kikumi (100), entaama enume ebikumi bibiri (200), n'entaama ento ebikumi bina (400). Baaghaayo n'embuzi enume ikumi na ibiri (12), embuzi ndalandala olwa buli kika kya Isiraeli, kibe ng'ekigheebwayo olw'ebibi eby'Abaisiraeli boonaboona.

Nehemia 10:1

Bano n'abantu abaataaku ebinkumu byaibwe: Nehemia eyali omufuzi era nga mutabane wa Hakalia, ni Zedekia. Bano ni bakabona abataaku ebinkumu byaibwe:

Okuvaayo 17:14

Musengwa Katonda yaakoba Musa ati: “Obughanguzi obwo bughandiike mu kitabo bulobe kwerabirwa. Era okobere Yoshua oti ndidha kuzikiriza Abamaleki mbamaliregho irala.”

Okuvaayo 17:15

Musa yaazimba alutaari yaagituuma eriina “Musengwa Katonda ni bendera yange.”

Okuvaayo 21:1

“Abantu boonaboona Abaisiraeli baghe amateeka gano:

Okuvaayo 24:7

Agho yaatoola ekitabo eky'endagaano yaakisoma ng'abantu boonaboona bawulira, era baakoba bati: “Ebyo byonabyona Musengwa Katonda by'atukobye okukola twidha kubikola, era twidha kumugonderanga.”

Okuvaayo 28:21

era nga bwe gali amabaale eikumi n'abiri, buli irala liidha kukolebwa ng'oti n'empeta ekozesebwa ng'akamanhiso, nga lighandiikiibwaku n'ekyuma ekisongovu eriina irala ku maina ag'abaana ba Yakobo, ku lw'ebika byaibwe eikumi n'ebibiri.

Okuvaayo 34:27

Agho Musengwa Katonda yaakoba Musa ati: “Ghandiika ebibono ebyo, kuba nja kukola endagaano n'iwe, n'Abaisiraeli boonaboona, nga njiira ku bibono ebyo.”

Isaia 19:19

Olunaku olwo bwe lulituuka, mu nsi Misiri balizimbamu alutaari yaaba ya Musengwa Katonda, ni ku nsalosalo y'ensi eyo balimuzimbirayo empango ey'amabaale.

Abalevi 24:5

“Mutoolanga kilo ikumi na ibiri edh'obuwunga obuseereibwa obukalamu, mwafumbamu emigaati ikumi n'ebiri.

Okubala 17:2

“Koba Abaisiraeli boonaboona bakughe emiigo ikumi n'ebiri, mulala mulala okuva ku buli mukulu wa kika. Era omale oghandiike eriina lya buli mukulu wa kika ku mwigo gwe.

Luka 22:30

musobole okulya n'okunhwa ninze ku kiiwulo kyange mu Bwakyabazinga bwange. Era mulityama ku makonero mwalamula ebika eikumi n'ebibiri ebya Isiraeli.

Ab'e Galatia 2:9

Yakobo, Petero ni Yoanne, abaabonekanga okuba nga n'abakulembeze, baakibona nga Katonda yangemya omulimo omukulu guno. Kale baatugema mu ngalo, nze ni Barunaba, ng'akamanhiso akooleka nga tuli bakozi banaibwe ku mulimo n'omulala. Era twaisania ife tuje mu bamaghanga agandi, ate beene baje mu bakekete.

Amateeka Agokubiri 31:9

Agho Musa yaaghandiika Amateeka ago, yaagagemya bakabona Abalevi abaabbeedanga Esanduuku ey'Endagaano ya Musengwa Katonda. Era yaagagemya n'abakulembeze boonaboona aba Isiraeli.

Yoshua 4:20

Era agho Yoshua ghe yasimba amabaale eikumi n'abiri ge baatoola mu Yorudani.

Yoshua 4:5

“Muje mu mwiga Yorudani, mubite ku Sanduuku y'Endagaano ya Musengwa Katonda waimwe, buli muntu abbeede eibaale ku ibega ku lw'ekika kye.

Okwolekebwa 21:14

Ekimante ekyo eky'ekibuga kyali kyemereire ku mabaale ikumi n'abiri ag'omusingi, ku kiisi ibaale nga kuliku eriina ery'omulala ku batume eikumi n'ababiri ab'Entaama Ento.